Proverbios 14:24 - Dios Iwene

²⁴ Ja̧danö, ju'wibi yötawa, wanedö: Jweinö omukwatö ju̧kwadö tjuju̧na̧li̧ baladama i̧sekwobe, jweinö omukwatadö, jö̧ba̧lö. Ja̧danö, ju'wibi yötawa: Jweinö omukwatöködö tjö̧ji̧ma i̧sekwobe, jweinö omukwatöködö, jö̧ba̧lö.

Proverbios 14:24 Referans Kwoze

Lucas 16:9

Yöta̧lajökwe sulabenö otido̧ma laebaja̧ ikena ö̧jakwa̧ waisanö omukwatinobe, ja̧danö uluwo̧nö musidadönö iteda ömöledö batjibanö ja̧inobe, laebaja̧ ikena otiwanö jo̧banö tjite'ada̧lakobetjö̧, ¿jö̧tö? Ökwödöbi ja̧danö chömöledö, böjȩtjö lakebaja̧ ikena kwö̧ja̧duwakwa̧ waisanö kwomukwataduwo chömöledö. Jau chömöledö, sule böjȩnö otiwanö kwö̧jaduwakwa̧dama kwomukwataduwoko, mölejȩbe kwö̧jaduwakwa̧ omukwatö böjȩ jawa baladanö jojodönö pjakataduwo, mölejȩbetjö Dios otiwanö ökwödönö iyakobetjö̧. Baikwö wanedö yötawaduwakwö: Yöta̧lajökwe te'ada̧lakwawa luwo̧ laebaja̧ ikena ömöledönö isakwinadanö, böjȩnö kwö̧jaduwayi jojodönö pjabatö mölejȩbetjö kwömöledönö kwisakwaduwo, jobe kwichibaduwena mölejȩbe deju otiwanö tebachi jö̧ba̧lö tja̧debakobetjö̧— jö̧ba̧lö yöa̧linobe Jesúsma iteda öba̧ja̧di̧ waisachadönö.

Isaías 33:6

Jo̧bada 'diinö kwö̧jaduwobö pjaatakwo̧ma chömöledö, jo̧bada kwö̧jibaduwinö pjaatakwo̧. Jobada waisakwawa jawa ba̧ja̧dö, waisanö kwomukwataduwobö pjaatakwo̧. Isabenö nöinö mikwawobe jo̧banö yebabinö kwösödaduwi̧ma, ju'wi mikwawi̧ jawatjö bajalekwönönö mikwawi̧, ökwödö Sion mösa'o ju̧kwadö Isabenö Jo̧nö yebabinö ösödö kwö̧jaduwi̧ma.

Proverbios 27:22

Ju'wibi yötawa, wanedö: Yo̧muma dowo'danö anö doawö'anö dotjobe, suli̧ jawa wainö a̧jobö. Jo̧kwaijayonö jweinö omukwatö̧kö̧nö, sulabenö ja̧bo̧nöma dowo'danö yo̧mu̧ dotji̧danö dotjitjö̧bi ina jweinö omukwatökönö, sulabenö ja̧bo̧da ö̧jena. Ja̧ wanedöma baikwö wanekwachobe: Omukwatökönö sulabenö ja̧bo̧nöma labinö kwakwatjitjö̧bi ina omukwatökönö sulabenö ja̧bö ö̧jena. Öwaisachibökakwo̧.

Proverbios 10:22

Ja̧danö, ju'wibi yötawa: Isabenö Jo̧ma otiwanö edö pjaatobe jojodötjö ju'wedönöma, balada tju̧juna̧lobö. Idöda nöinö tjotidi̧ma pjaatokobe tju̧juna̧lobö. Isabenö Jo̧da tju̧juna̧lobö pjabato̧ma.

Proverbios 13:8

Ja̧danö, ju'wibi yötawa: Balada juna̧lo̧ma itenöda kwabö lotjobö isakwadönö imidobe kwabö lotjapji jö̧ba̧lö. Jobekwö baledokobe balada jwibo̧nöma. Balada jwibo̧ma balada jwiobetjö̧ jo̧banö kwabö lotjobö isakwadöma deobe.

Proverbios 14:23

Ja̧danö, ju'wibi yötawa: Otiwanö otidadöma balada tjȩmakwedö. Jobekwö tjȩmokobe otidöködöma. Otidökönö yöba̧löda yöba̧la̧döma tjȩmökakwedö.

Proverbios 21:20

Ja̧danö, ju'wibi yötawa: Jweinö omukwato̧ma itea jwiinö mikwawi̧ jawa, ja̧danö o̧tesobubi jwiinö mikwawobu eju okwa wa̧nö te'ada̧lo̧. Jobekwödanö ite'ada̧lokobe jweinö omukwatö̧kö̧ma. Jo̧ba jweinö omukwatö̧kö̧ma okobe jwiinö ujuna̧li̧ma, iteabi, kwakwawabi juluwanö 'dö̧ibajökwe.