Proverbios 14:13 - Dios Iwene

¹³ Ja̧danö, ju'wibi yötawa: Ju'wikwenama bakwo̧ o̧'wo̧ ösöwobe ichejekwijayonö, ja̧danö, oböbi oijayonö wamenöda i̧sekwo̧, okwa i̧sekwökönö. O̧'wo̧ okwanö jwiinö o̧'wo̧ tjo̧achena. Ja̧danö, obö kaatakwawenama ina o̧'wo̧ tjo̧acho̧.

Proverbios 14:13 Referans Kwoze

Santiago 4:9

Chö̧ja̧wo̧dö, sulabenö ja̧köbaduwi̧ omukwatö kwo̧'wo̧duwi tjo̧bekwibö omukwataduwi, Jwiinö sulabedösa, jö̧ba̧lö. Ja̧danö, ökwödöda kwomajadeduwinö inia tjököbaduwinö omukwataduwi, sulabenö ja̧köbaduwi̧ omukwatö. Chö̧ja̧wo̧dö budekwaduwi sulabenö ja̧köbaduwi̧ omukwatö. Isabenö, oböda obö ja̧döja, böjȩ jawa ösödö. Jo̧kwaijayonö kwomukwataduwi̧ balewachö oköbaduwi̧ma budekwöda balewachibö ja̧duwi chö̧ja̧wo̧dö.

Lucas 16:25

Aebökwe Abrahamma atadinobe: Chitji̧, ina böjȩnö kwö̧jayi kwö̧jina omukwatibi. Jenama, ökwöma otiwa jawa kwujuna̧lonö, bite Lázaroma usula emawö suli̧ jawada ujuna̧linobe, ¿jö̧tö? Babema ötjökwö o̧'wo̧ ösöwanö ö̧jonö, ökwöma usula emawö jo̧ja.

Proverbios 5:4

Jao chitji̧, jejenö ösödö yöja̧lijayonö, ju'winö ökwönö usula kwemawinöda jwöjebakwuju. Wanedö yötawakwö: Jobujuma niatakwawobudanö sulabenö ja̧buju. Ja̧danö, i̧sa̧pi̧ bakwachekwadanö sȩapi̧nö titjati̧danö tibatuju jobujuma.