Proverbios 14:10 - Dios Iwene

¹⁰ Ja̧danö, ju'wibi yötawa: Bakwo̧ma iteda ö̧ji̧ma waiso̧ o̧'wo̧ tjo̧achi̧bi, ja̧danö o̧'wo ösöwi̧bi, iteda o̧'wo̧ okwa jawa jobetjö̧. Jelo̧ma wajwibo̧.

Proverbios 14:10 Referans Kwoze

Filipenses 4:7

Jejenö akebaduwitjö̧ma, Diosma kwo̧'wo̧ luwo̧duwi ösöwachibanö pjaatakwo̧ chömöledö. Wanedö yötawa: Cristo Jesúskwö dötewanö kwö̧jaduwobetjö̧, Diosma kwomajadeduwibi, kwomukwataduwi̧bi tjöbeba̧lö ite'ada̧lakobe kwo̧'wo̧ tjo̧kekwaduwapji jö̧ba̧lö. Jejenö Dios iyi̧jaye tjo̧'wo̧ luwo̧ ösöwachibi̧ma jojodö wajwitjobe, dakwö jejenö tjo̧'wo̧ luwo̧ ösöwawö̧jö jö̧ba̧lö, Diostjöda ichobetjö̧.

Proverbios 18:14

Ja̧danö, ju'wibi yötawa: Bakwo̧ 'dö̧bacho̧ma, ötjöma chö̧bibajakwo̧sa jö̧ba̧lö omukwatitjö̧ma ö̧bibajobö jo̧be. Jo̧kwaijayonö 'dö̧bacho̧ma jobekwö omukwatö kabatibö, ayö chö̧bibajoböma jwiya, jö̧ba̧lö ubudekwitjö̧ma, o̧'wo̧ tjo̧achena, ja̧danö ö̧bibajökena.

Proverbios 15:13

Ja̧danö, ju'wibi yötawa: Bakwo̧ma öba i̧sekwobe o̧'wo̧ ösöwanö ji̧ma. Jo̧banö edinö, o̧'wo̧ ösöwanö jo̧, jö̧ba̧lö tjedökwe. Jobekwö, o̧'wo̧ ösöwanö i̧sekwokobe o̧'wo̧ tjo̧bekwö jo̧ma. Jo̧bama o̧'wo̧ tjo̧ekwi̧ma o̧'wo̧nö niobedanö i̧sekwobe, ötjöwe, jö̧ba̧lö. Jo̧banö edö, ayö jwiinö o̧'wo̧ tjo̧bekwö jo̧we jö̧ba̧lö tjedökwe jojodöma.

Diosnö ösödo̧ Job mikwo̧ usula emawina jawa 10:1

Tupakwö yöawinobe Jobma: —Ötjöwe, tupakwö bejenö chö̧joböma chöpöjöda. 'Wiinö chö̧jökakwo̧sa, cho̧'wo suli̧nö ja̧nö, labinö yöta̧lakwo̧sa, –Sulabenö ja̧tinököjayonö, usula emawo̧sa, –jö̧ba̧lö.

Apocalipsis 2:17

Chömöledö, a̧ja̧kwaduwi biya̧, Dios O̧'wo̧ Luwo̧ yöawi̧, okobe deinö ötjönö ösödö ko̧ko̧kwa̧lö tjö̧baji̧tenia ju̧kwadönöma. Baikwö yöawobe: Sulabetjö juluwinadönö otiwanö chiyakwo̧sa. Mölejȩbetjö kwakwawa, mana mikwi̧, ajayi tojawa kwakwawatjö, chiyakwo̧sa. Ju'wi jawabi chiyakwo̧sa, sulabetjö juluwinadönöma. Bakwo̧nökwena sulabetjö juluwo̧nöma inawa dewawa chiyakwo̧sa, iteda imi, 'yayi̧ imi wȩyukwawa. Ja̧wa wȩyukwa imima, chiyökweda öwaisakwo̧, iteda 'yayi̧ imima. Chömöledö, jejenö Dios O̧'wo̧ Luwo̧ma yöawobe okobe deinö ötjönö ösödadönö, ko̧ko̧kwa̧lö tjö̧baji̧tenia ju̧kwadönöma, jö̧ba̧lö yöawobe isa̧pi̧ bakwachakwadanö sȩapi̧ juna̧lo̧ma ökwödönöma— jejenö chedökwema weijatö ötjönöma, iteda yöawi̧ wȩyudö wetobö Pérgamo jojodötjö itenö ösödadönö te'ada̧lakwawa jojonö, ite'ada̧lawö̧nö yöawobö.

1 Pedro 1:8

Jau chömöledö, ökwödöma la'akatjöda Jesúsnö edinöködöja, ¿jö̧tö? Jo̧kwaijayonö, la'akatjöda Jesúsnö kwedinaduwököjayonö, jo̧banö ile nibebö ösödadöja, ja̧danö jo̧bama kwedaduwökökwejayonö, jo̧ba yöawi̧ ösödadöja, isabenö jö̧a̧li̧danö ja̧akwo̧ jö̧ba̧lö. Jejenö ösödö, kwo̧'wo̧ luwo̧duwi ösöwachibanö ja̧döja. Chömöledö, isabenö jwiinö kwo̧'wo̧ luwo̧ ösöwachibanö ja̧döja, ja̧danö jejenö kwo̧'wo̧ ösöwachibanö kwö̧jaduwi̧ma böjȩ jojodö tjomukwati̧tjö bajalekwönönö kwo̧'wo̧ ösöwachibanö kwö̧jaduwobe, kwo̧'wo̧ luwo̧ ösöwachibanö kwö̧jaduwi̧ma Diostjöda ichobetjö̧.

Juan 14:18

Ina yöawinobe: —Ökwödönö chile'dedokobe jo̧dawa'ye ba̧kwȩlö̧jatebö kwö̧jaduwoböma. Yemidanöbi chichakwo̧sa.

Diosnö ösödo̧ Job mikwo̧ usula emawina jawa 7:11

—Jobekwö jo̧be ökwödö bö̧jȩ jojodö dö̧ji̧ma chuluwo̧, jo̧kwajabetjö̧ 'wi̧inö chö̧boböma jwibo̧sa, usula emawö yöta̧lobö jo̧be. Jau, jwiinö cho̧'wo tjo̧bekwö chö̧jobetjö̧ yöta̧locha, cho̧'wo suli̧nö yöta̧locha jwiinö usula chemawobetjö̧.

1 Samuel 1:10

Jobe, Eli öba a'o ja̧nö, Anama jwiinö jo̧'wo tjo̧achinobe, ja̧danö Isabenö Jo̧nö abebö o̧'wo tjo̧achö jubudekwinobe.

Juan 12:27

Ina yöawinobe: —¡Ayö, cho̧'wo̧ tjo̧tekwa!— yöawinobe—. ¿Dakwö atebenada Chabe'donöma? Chabe'do babema pjabatitjö usula chemawinö baledökönö, jö̧ba̧lö, ¿atebenaji̧? Jejenömaökö. Biya̧ usula chemawobö chichijatö böjȩkwö— yöawinobe Jesúsma.

Diosnö ösödo̧ Job mikwo̧ usula emawina jawa 9:18

Jau, ja'yubenö kabatibökönö, jwaikwöda cho̧'wo tjo̧ekwinö webo̧ Diosma, juluwanö kabatibökönö lȩbȩbo̧, cho̧'wo chemökenanö baibanö.

2 Reyes 4:27

Jo̧kwaijayonö, mösa'obe, Eliseo öba a'o jichibenama, öba a'o bamatö ömasapiya do̧jatinobe, —Chuluwo̧, pjabatitjö, —jö̧ba̧lö. Jobekwö uluwo̧ ömasapiya do̧ja̧tiökwe, Giezima uluwo̧tjö 'da̧batö junö jiebotö jö̧ba̧lö ichinobe, jo̧kwaijayonö Eliseoma jo̧banö yöa̧linobe, —'Wainö ju̧ju. Bisuma jwiinö jo̧'wo tjo̧bekwö ju̧ju̧, jo̧kwaijayonö tajawedöjö jö̧ba̧lö wajwita, Isabenö Jo̧ma chöwaisapji jö̧ba̧lö tojajobetjö̧, —jö̧ba̧lö.

Juan 14:23

—Ötjönö ile nibebö ju̧kwadöma ötjö weti̧ a̧ja̧kwö ja̧badö. Ja̧danö, Chabe'doma jobadönö ile nibebö jo̧. Ja̧danö, ötjö, Chabe'do, jobadönö ichö, jobadökwö dö̧jakwedösa.

Génesis 42:21

Ja̧danö, jobadöma yöba̧lakwawijadötö idödada: —Isabenö belö döjawo̧nö sulabenö ja̧bö, mikwanö diyinobetjö̧ biya̧ma sulabenö baleda ökwödönöma. ¡Ayö! Döjawo̧ma, lelöjinö edaduwitjö, jö̧ba̧lö o̧'wo̧ tjo̧achi̧ma dedijayonö lȩ jwiinö dedijatö. Jo̧kwaobetjö̧ babema usula demawa, balekwa mikwa lȩebi̧ma— jö̧ba̧lijadötö.

Diosnö ösödo̧ Job mikwo̧ usula emawina jawa 21:25

Ja̧danö jelo̧, o̧'wo tjobekwö usula emawö jo̧, la'akatjöda söi̧ kwakwawa kwinö̧kö̧bi ö'wö baibena.

1 Samuel 1:15

Jejenö yöa̧loko, Anama jatadinobe: —Ja̧maökö chuluwo̧, 'dukwachokokosa, ubasobu o̧'dobubi, ju'wi nio ojwiobi owa̧löma chö̧jokobe. Cho̧'wo luwo̧nö o̧'wo tjo̧tekwujusa, ja̧danö baledaja̧ kwedaja̧ma, cho̧'wo tjo̧tekwi̧ Isabenö Jo̧ chuluwo̧ öba a'otjö yöba̧lö atebajabe.