Proverbios 12:11 - Dios Iwene

¹¹ Ju'wibi yötawa: Batjo dösölö̧jinö otido̧ma ukwakwa̧ma juna̧lo̧, a̧wi̧chi̧ tjöbökönö jo̧. Jobekwö ujuna̧lokobe dösölö̧jinö otidö̧kö̧ma. Jo̧bama ju'wi jawabi, ju'wi jawa omukwatö jo̧ma. Jobekwö ju'wi jawa omukwatö, chotidobö jo̧be, jö̧ba̧lö omukwatokobetjö̧ jwiakwo̧.

Proverbios 12:11 Referans Kwoze

Proverbios 28:19

Ja̧danö, ju'wibi yötawa: Batjo otiwanö otido̧ma ukwakwa̧ma juna̧lo̧, a̧wi̧chi̧ lö̧könö. Jobekwö ujuna̧lökakwo̧ jelo̧, ju'wi jawabi, ju'wi jawa omukwatö o̧'wo̧ tjö̧dekwö jo̧ma. Jo̧bama ujuna̧lobö otidokobetjö̧ kwakwawabi, baladabi jwibo̧da ö̧jakwo̧.

Proverbios 14:23

Ja̧danö, ju'wibi yötawa: Otiwanö otidadöma balada tjȩmakwedö. Jobekwö tjȩmokobe otidöködöma. Otidökönö yöba̧löda yöba̧la̧döma tjȩmökakwedö.

Efesios 4:28

Ja̧danö, ökwödötjö bakwo̧ naukwabo̧ma naukwabikwawatjö kabatibö, Otiwanö chotido, jö̧ba̧lö, itedada naukwabökönö u̧kwa emawabi, jwibadönö iyöbi iyö ö̧jobö jö̧ba̧lo̧.

2 Tesalonicenses 3:8

Ja̧danö, bakwo̧ u̧kwabi dukwijökötö midökönöma, ¿jö̧tö? Jau chömöledö, yö̧tebi, mölebi dotidijatö, usula emawö dotidijatö, ökwödö Tesalónica jojodöda nöinö kwotidaduwapji jö̧ba̧lö, du̧kwa kwiyaduwobö.

Proverbios 9:6

Ja̧danö, duluwuju jweinö omukwatö ja̧kwawa jojosujuma ökwödönö baikwö jwebebö yöbawuju: —Ökwödö ajayinö wajwibö kwö̧jinaduwa kabatibö kwöbalewachaduwo otiwanö kwö̧jaduwakobetjö̧. Jobekwö kwö̧jaduwo kwöwaisaduwakobetjö̧ di̧ya sulojobö jö̧ba̧lö, di̧ya otiwojobö jö̧ba̧lö — jobekwö jwebebö yöbawuju jweinö omukwatö ja̧kwawa jojosujuma ökwödönöma, ichaduwi tekachaduwo jö̧ba̧lö— jobekwö yötjawinobe jweinö omukwatö ja̧kwawa wanekwachuju jömöayedö ya̧döma.

Proverbios 14:4

Ja̧danö, ju'wibi yötawa: Bakwo̧ma a̧jwi̧mu̧ pa̧ka̧yö̧nö niji sobö chawidadönö ujuna̧lobetjö̧ öbatjonö nöinö ujunaja̧tjö̧ wa̧jakobe. Jobekwö baledokobe pa̧ka̧yö̧nö niji sobö chawidadö deitjö̧ma. Niji sobö chawidadö pa̧ka̧yöma deitjö̧ma öbatjonö nöinö wa̧ji̧ma jwiena.

Proverbios 7:7

Ja̧danö, chedemi möayedö ömadö tjö̧jinobe, waisanö tjo̧mukwatobö wajwibadöma. Ja̧danö, jobadötjö bakwo̧ jwiinö omukwatö̧kö̧ ö̧jinobe.

Proverbios 13:20

Ju'wibi yötawa: Bakwo̧ ba̧kwȩlö̧jatebö jweinö omukwatadökwö ko̧ko̧kwö ö̧jitjö̧ma jo̧babi jweinö omukwato̧ ö̧jakwo̧. Jobekwö ö̧jokobe omukwatöködökwö ko̧ko̧kwö jo̧ma. Omukwatöködö ba̧kwȩlö̧jatebö ko̧ko̧kwö jo̧ma usula emawö ö̧jakwo̧.

Génesis 3:19

Juluwachibö otidö kwȩjȩlö̧ja̧sobu kwöbatjö labebö loköbenada ku̧kwama kukwakwo̧ja, yemidanö nijibe tjekachajena baibanö, nijitjö otikwo̧köbobetjö̧. Isabenö ökwöma nijitjö otikwo̧ja. Ja̧danö, yemidanö nijikwö tjekachajakwo̧ja— jö̧ba̧lijetö Diosma.

Proverbios 6:32

Ja̧danö ökwödöma, jo̧ba usulaso̧ naukwabo̧nöma edö, usulaso̧, a̧wi̧chi̧lö̧jökwe naukwajo̧ jö̧ba̧lö, jo̧banö döpöjödokobe. Jo̧kwijayonö bakwo̧ jilekwenö juna̧lujukwö bakwobe ö̧jitjö̧ma jo̧banöma jwiinö döpöjödobe, sulabenö ja̧obe, jö̧ba̧lö. Isabenö yötawa: Jo̧ba, jilekwenö juna̧lujukwö jo̧ma jweinö omukwatö̧kö̧. Itedada wene jwöebakwo̧, jilekwenö juna̧lujukwö ö̧jobetjö̧.

Proverbios 9:16

Baikwö jwöbeabuju wajwibadönöma: — Ökwödöma baikwö ichaduwi chejube tekachaduwo— jö̧ba̧lö—.

Proverbios 9:13

Salomón wanedö yöawinama baikwö laebobe: Jweinö omukwatökujuma ¿dakwö jujuda? Yötawaduwakwö: Jobuju jweinö omukwatökujuma labinö yöba̧luju, ja̧danö wajwibuju jweinö omukwatö jö̧joböma. Yelösöda ja'yubebi do̧batökuju jweinö omukwatö ja̧kwawa yötjawi̧ma.

Jueces 9:4

Jo̧kwajabetjö̧, Abimelecnö pjabatö, tjösödökwe Baal Beritnö ösödakwawejutjö plata öpi̧ya̧ setenta ö̧pi̧ya emö Abimelecnö tjiyinobe. Ja̧danö, tjiyökwe, Abimelecma tjiyaja̧ baladanö ju'wedö sulabedö mikwawöködönö imidinobe, jo̧ba ömöayedö batjibanö i̧'yitenia jo̧bakwö pjabatö tji̧'yobö.

Proverbios 27:27

Jobekwö kwa̧jwi̧mu̧nö otiwanö kwite'ada̧litjö̧ma chi̧wo̧suju jo̧do̧'bi̧sobu kwujuna̧lakwo̧ja ökwö, kwömöledö, kwömöayedö ya̧dö kwowaduwawakwa̧bi ja̧danö, ju'wi chi̧wo̧suju jo̧do̧'bi̧sobutjö̧ otikwa kwakwawa kwukwaduwakwa̧bi.

Proverbios 13:23

Ja̧danö, ju'wibi yötawa: Ju'wikwenama usulaso̧ öbatjonö nöinö wa̧jobe, otiwanö. Jo̧kwaijayonö ja̧ wa̧ji̧ma sulabedöma tjö̧naukwobe.

Proverbios 20:13

Ja̧danö, ju'wibi yötawa, ökwödönö jwebebö: Aba̧löma kwaba̧laduwa wiluibaduwi, ja̧danö kwöbajaleduwima eda̧lö kwotidaduwo kwukwaduwakwa̧ nöinö kwujuna̧laduwobö.