Proverbios 11:3 - Dios Iwene

³ Ja̧danö, ju'wibi yötawa: Otiwanö omukwatö ju̧kwadöma jweinöda yöba̧lö ju̧kwadö. Jobekwö tjö̧ji̧ma jobadönö öibi̧danö öibobe jwaikwöda tji̧'yobö. Jobekwö tjö̧jokobe ju'wedönö sulabenö omukwatadöma. Jobadöma omöna yöba̧ladö jojodönö jelobekwö öbibö. Ja̧danö, jobekwö sulabenö omukwatö tjö̧jobetjö̧ idödada wene jwötjekwakwedö.

Proverbios 11:3 Referans Kwoze

Proverbios 13:6

Ja̧danö, ju'wibi yötawa, du̧ju̧tajanö wanedöma, Dios wei̧ a̧ja̧kwo̧nöbi, sulabenö omukwato̧nöbi: Dios wei̧ a̧ja̧kwö jo̧ma itedada a̧ja̧kwö ö̧ji̧ma pjaatobe sulabenö baledi̧tjö ö̧jibanö. Isabenö, itedada Dios wei̧ a̧ja̧kwö ö̧ji̧ma tjöeba̧li̧danö jo̧be, jo̧banö tjöeba̧lö. Jobekwö baledokobe sulabenö omukwato̧ma. Jo̧ba sulabenö omukwatö ja̧i̧ma itenöda wene jwöebakobe.

Proverbios 28:18

Ja̧danö, ju'wibi yötawa: Otiwanö omukwatö, jweinö yöba̧lö jo̧nöma labi̧ baledi̧tjö ö̧jibinö pjatjatökwe. Jobekwö baledokobe sulabenö omukwatö jo̧nö. Sulabenö omukwatö jo̧nöma ö̧jibi̧ jwibo̧, juluwanö söbebö lotjakwo̧.

Proverbios 19:3

Ja̧danö, ju'wibi yötawa: Isabenö, bakwo̧ jweinö omukwatökönö ö̧jobetjö̧ itedada wene jwöbekwo̧. Jobekwö jo̧banö wene nöinö baledena iteda jawaijayonö Isabenö Jo̧nöda o'wo̧ sulinö edö labinö jwöbeba̧lo̧, ökwöda jawa, jö̧ba̧lö.

Juan 7:17

Ja̧danö, Dios ösödi̧ ösödadöma, ötjö yötawi̧ a̧ja̧kwö, ötjö chomukwati̧ yötawojobö, Dios omukwati̧da yötawojobö, tjöwaisachibakobe.

Proverbios 11:5

Ja̧danö, ju'wibi yötawa: Otiwanö omukwatadöma Dios wei̧ a̧ja̧kwö tjö̧jobetjö̧ jweinöda 'ya̧jadö. Jo̧kwaijayonö sulabenö omukwatadöma sulabenöda omukwatö tjö̧jobetjö̧ jweinöma 'yö̧kö̧dö. Wanedö yötawa: Jobadö sulabenö omukwatö tjö̧ji̧ma jwiinö ömöki tje'ewi̧danö ji̧. Ja̧danö, jobadöma ömöki̧ e'ewö metji̧danö mebadö, jweinö 'yö̧kö̧dö.

Isaías 1:28

Jo̧kwaijayonö okobe deinö Dios wei̧ öpöjödö, sulabenö ja̧badöma, isabenö Dios söbebö loakwawö̧, ja̧danö okobe deinö Isabenö Jo̧nö kabatibadöma, debö tji̧'yakwedö.

Proverbios 21:7

Ja̧danö, ju'wibi yötawa: Sulabenö omukwatö ja̧badöma ju'wedönö tjo̧'wo̧ sulinö edö labidö. Jobadöma sulabenö ja̧bö tjö̧ji̧ ösödadö, ja̧danö ja̧ sulabenö ja̧tji̧ kabatibö otiwanö omukwatö tjöbalewachoböma jwiinö öpöjödadö. Jobekwö tjöpöjödobetjö̧ ju'winö ja̧ labö tjö̧jobetjö̧ idödada söbekwö lotjakwedö.

Proverbios 2:22

Jobekwö otiwanö tjö̧jokobe Dios wei̧ öpöjödadöma. Jobadö Dios wei̧ öpöjödadönöma Dios tjitebotjö a'dewö loakwawö̧. Ja̧danö, ju'wedönö omöna yöba̧lö, yöbawö tju̧juninadanö badekwachinö i̧seböködönöbi meje’ye ‘yetji̧danö tjitebotjö Diosma 'yebö loakwawö̧— jobekwö Salomón iteda itji̧nö möayo̧nö jwebebö yöawinama.

Proverbios 22:12

Ja̧danö, ju'wibi yötawa: Isabenö Jo̧ma di̧ya sulojobö jö̧ba̧lö, di̧ya otiwojobö jö̧ba̧lö waisadönö te'ada̧lo̧. Jo̧kwaijayonö ite'ada̧lokobe sulabenö omukwatö, omöna yöbawadönöma. Jobadöma idöda sulabenö tjo̧mukwati̧danö badekwachobö omöna yötjawijayonö Isabenö Jo̧ma jobadö tjo̧mukwati̧danö waekwinö weakwo̧.