Mateo 9:34 - Dios Iwene

³⁴ Jejenö yötja̧lonö, fariseo ötjabiwö̧ jojodöma yötja̧linobe: —Bitema tjo̧'wo̧ luwo̧nö sulabedö tjuluwo̧ Awetja ujulunöda tjo̧'wo̧ luwo̧nö sulabedö ja̧dönö a'dewö lobo̧— jö̧ba̧lö tjo̧'wo̧ sulinö yötja̧linobe.

Mateo 9:34 Referans Kwoze

Lucas 11:15

Jo̧kwaijayonö ba̧jekwadö Jesúsnö tjösödijayonö, edadötjö ju'wedö tjo̧'wo̧ sulinö yötja̧linobe: —Bite Jesúsma tjo̧'wo̧ luwo̧nö sulabedö tjuluwo̧ Awetja ujulunöda tjo̧'wo̧ luwo̧nö sulabedö ja̧dönö a'dewö lobo̧— jö̧ba̧lö tjo̧'wo̧ sulinö yötja̧linobe.

Marcos 3:22

Ja̧danö, ju'wedöma, Moisés iwȩyudina ba̧ja̧dadö, Jerusaléntjö ichajadöma, tjo̧'wo̧ sulinö edö jwöbeba̧lijadötö Jesúsnöma: —Jesúsma, ite o̧'wo̧ luwo̧nö Awetja, tjo̧'wo̧ luwo̧nö sulabedö tjuluwo̧ tebachibö öjamatinökwe. Jejenö, jo̧ba o̧'wo̧ luwo̧nö ja̧nö Awetja ujulunöda tjo̧'wo̧ luwo̧nö sulabedönö a'dewö lobo̧— tjo̧'wo̧ sulinö edö jwöbeba̧lijadötö Jesúsnöma.

Juan 3:20

Ja̧danö, okobe deinö sulabenö ja̧badöma, dewinö dejati̧danö idejatobekwö 'ya̧wiböködö, sulabenö ja̧tji̧ öwaitjöda öwawapji jö̧ba̧lö.

Mateo 10:25

Jau chömöledö, waisachadöma, jobadönö ba̧ja̧do̧danö ichejekwadö batjibobö ösödadö, ja̧danö bakwo̧ ömöayedöma tjuluwo̧danö ichejekwadö batjibobö ösödadö, ¿jö̧tö? Ökwödöbi ja̧danö chömöledö, ötjö chöba̧ja̧dawö̧köbaduwobetjö̧, ja̧danö ötjö chömöayedököbaduwobetjö̧, ötjödanö ichejekwadö bakibaduwobö jo̧be. Ja̧danö, ötjödanö kwichejekwaduwobetjö̧, isabenö ötjönö tjöpöjödi̧danö bakwainö ökwödönöbi tjöpöjödakwedö ötjönö öpöjödadöma chömöledö. Jo̧kwajabetjö̧ ötjönö, kwuluwo̧duwinö tjo̧'wo̧ luwo̧nö sulabedö la'aka tjuluwo̧ Awetja jö̧ba̧lö sulabenö ötjabitjö̧ma, ¿ökwödö chöba̧ja̧di̧ waisachadönö sulabenö yötja̧lökenaji̧? Isabenö sulabenö yötja̧lakwedö ökwödönö, ja̧tjö bajalekwönönö isabenö ökwödö chömöledönöbi sulabenö yötja̧lakwedö— jö̧ba̧lö yöawinobe Jesúsma iteda öba̧ja̧di̧ waisachadönö.

Mateo 11:18

Babe möle ju̧kwadöbi ja̧danö, tjemu tjo̧'wo̧ sulinö tjöpöjödi̧danö öpöjödadö ötjönöbi, Juannöbi. Jau chömöledö Juan ichenama, kwökönö ö̧tö̧chö, ja̧danö ubasobu o̧'dobu owökönö ichinobe. Ja̧danö jejenö ja̧bö ö̧jijayonö jo̧banö öpöjödö wanedö yötja̧linobe, o̧'wo̧ luwo̧nö sulabo̧ ö̧jökwe jö̧ba̧lö.

Mateo 12:22

Jemi ikenama, ju'wedö bakwo̧ o̧'wo̧ luwo̧nö sulabo̧ ö̧jökwenö tjichejebinobe Jesús ö̧jobekwö, sulabo̧ ö̧jiökwe öbajale tjewawo̧, ja̧danö yöba̧lö̧kö̧. Jesúsma jo̧banö otidö loinobe, ja̧danö otidö loaja̧ ikenama edöbi edinobe, ja̧danö yöba̧löbi yöa̧linobe.

Mateo 12:27

Ja̧danö ötjönö, Awetja ujulunö a'dewö lobo̧, jö̧ba̧lö kwomukwataduwitjö̧ma, ¿dakwö kwomukwataduwobeda ökwödötjö tjo̧'wo̧ luwo̧nö sulabedö ja̧dönö a'dewö lobadönöma? Ökwödö fariseo jojodötjöbi ju'wedö tjo̧'wo̧ luwo̧nö sulabedö ja̧dönö a'dewö lotjobe, ¿jö̧tö? ¿Jobadöja? ¿Ti ujulunö a'dewö lotjobeda? Jobadöma ötjö a'dewö loti̧danö a'dewö lobadö, ¿jö̧tö? Jau, jobadö a'dewö lotji̧danö bakwainö a'dewo lotobe ötjöma, jo̧kwajabetjö̧ jobadöda ökwödönö yötjawakwedö, Isabenö Awetja ujulunö a'dewö lobö̧kö̧ Jesúsma, jö̧ba̧lö.

Juan 7:20

Jejenö yöawiawö̧: —¿Dakwö yöka̧la? Ökwönö kwabö lodobö omukwatöködösa. Ökwöma kwo̧'wo̧ jwibo̧ja. Kwo̧'wo̧ luwo̧nö sulabo̧ ö̧jökwedanö yöbalo̧ja— jö̧tja̧liökwe: