Mateo 9:29 - Dios Iwene

²⁹ Jejenö tjatadökwe, Jesúsma tjöbajalenö mainobe, ja̧danö jobadönö yöawinobe: —Chujulu kwösödaduwobetjö̧ baibaduwakwö— jö̧ba̧lö.

Mateo 9:29 Referans Kwoze

Mateo 15:28

Yöja̧lökwe, Jesúsma jobujunö yöa̧linobe: —Jojosuju, isabenö otiwanö kwo̧'wo̧ wana̧lujuja. Akebaja̧danö isabenö baledakobe— jö̧ba̧lö. Ja̧danö, jejenö yöa̧lenama, jitjijuma juluwanö otiwanö bajibinobe.

Marcos 10:52

Jejenö jö̧a̧lökwe Jesúsma jö̧ba̧lijetö jo̧banö: —Jau kwatjö̧ma 'ya̧wi. Ötjönö kwo̧'wo̧ kwöwana̧lobetjö̧ kwöbajalema kwedinö chotidajökweja—jö̧ba̧lijetö Jesúsma. Jesús jö̧a̧lemi jo̧bama omönanö öbajale tjewawökönö otiwanö edijetö. Ikenama jo̧bama Jesús ökömanö 'yi̧jetö mananö.

Mateo 9:22

Jejenö majiökwe, Jesúsma jalachibö jobujunö edinobe, ja̧danö jobujunö yöa̧linobe: —Chitjiju, kwujuluwachibanö yötawakwö, isabenö juluwo̧ jö̧ba̧lö ötjönö kwösödobetjö̧, otiwanö babibajuja— jö̧ba̧lö yöa̧linobe. Ja̧danö, jenada jö'wöchi̧tjö otiwanö bajibinobe.

Mateo 8:13

Jemi ikenama Jesúsma guardia luwo̧nö yöawinobe, —Kwejube da̧ji. Yötawi̧ kwösödobetjö̧, akebaja̧danö baibajabe, kwömöayo̧ma ö̧bibajabe— jö̧ba̧lö yöawinobe. Ja̧danö, Jesús yöawaja̧danö, iya̧da horada jo̧ba ömöayo̧ma otiwanö baibinobe.

Mateo 20:34

Atjebökwe, Jesúsma jobadönö lȩlö̧jinö edinobe, ja̧danö tjöbajale mabö, tjöbajale otiwanö baibanö pjaatinobe. Tjöbajale maenama, juluwanö otiwanö tjedinobe, ja̧danö jemi ikenama jobadöbi Jesús ökömanö tji̧'yinobe.

Mateo 9:28

Jesús o̧do okwa teachenama, jobadöbi ökömanö tetjachinobe, ja̧danö jejenö tetjachiökwe, Jesúsma jobadönö abebö a̧ja̧kwinobe: —¿Chujulu kwösödaduwiji̧, isabenö ökwödönö yemidanö edadö badibanö otidö loobö juluwo̧ Jesúsma jö̧ba̧lö?— Jejenö aebawö̧, tjatadinobe: —Jau Duluwo̧, dedemi isabenö juluwo̧ja— jö̧ba̧lö.