Mateo 9:23 - Dios Iwene

²³ Jesúsma ba̧nö tja̧ja̧kwa̧leju luwo̧ ejube ichibenama, jojodö labinö ökwöinö ja̧tjobe a̧ja̧kwinobe, ja̧danö flauta ötjabi̧ asabikwawa jawa asabidönö edinobe, jo̧ba itjiju ö'wö bajibaja̧ jawa asabidönö.

Mateo 9:23 Referans Kwoze

Hechos 9:39

Jejenö wetjajawö̧ 'ya̧nö Pedronö yötjawiökwe juluwanö 'yi̧jetö Jopebe. Ichibajo̧nö ö'wö babibajaju jömöledöma öbibö nöchijadötö mösȩko̧nö, tjödajȩko̧nö. Ja̧danö, jȩko̧nö tji̧lȩkwa̧munö wobekwinadö budekwabinö ji̧jadötö. Jobadöma Pedronö edö 'ya̧wibö i̧sebijadötö Dorcas iyö pjabatiajinado̧ jobadönöma, ina 'yajayi 'dö̧jinado̧.

Lucas 7:32

Baikwö wanedö yötawa chömöledö: Tjemu comunidad ö'wejetjö alewadöma tjömöledönö tjo̧'wo̧ sulinö yöba̧ladö, Pjiesta jawa musica dasabenama, ¿tajawedö baile döböködöja? Ja̧danö, ö'wö babibadönö o̧tjawa musica dasabenama, ¿tajawedö budekwöködöja?, jö̧ba̧lö tjo̧'wo̧ sulinö yötja̧lobe.

Mateo 11:17

Pjiesta jawa musica dasabenama, ¿tajawedö baile döböködöja? Ja̧danö, ö'wö babibadönö o̧tjawa musica dasabenama, ¿tajawedö budekwöködöja? jö̧ba̧lö tjo̧'wo̧ sulinö yötja̧lobe.

Hechos 20:10

Ikenama Pabloma jo̧ba meajobekwö yutuibö 'ya̧wibö ö'wöchajo̧nö, nijinö bo̧nö kabebö a̧pjö̧ibijatö. Ina a̧pjö̧a̧lö ja̧nö ö'wö babibajo̧ ömöledönö yöawijatö: —Kwo̧'wo̧ tjo̧bekwaduwökönuwi. Edaduwi. Bitema ö'wö babibajo̧ma yemidanö 'yaibajabe—yöawijatö Pabloma.

Apocalipsis 18:22

Yelösöda, otiwinemi ajayinöma, Babiloniama. Ba̧jekwadö otiwanö harpa, ju'wi opjianö pjeawa pjebö ju̧kwiatjinobe. Ja̧danö, lo̧böbi lo̧biatjinobe. Pjuawanubi pjubiatjinobe. Trompetabi pjubiatjinobe ajayinöma, Babiloniatjöma. Jo̧kwaijayonö detjakobe, pjetji̧bi, lo̧tji̧bi, pjutji̧bi ökwöökönö. Ja̧danö, otidinadö, okobe jwiinö jawa otidinadöma detjakobe. Ja̧danö, trigo dobö tjotidi̧ ökwöi̧ma ökwöökakobe, dotjokobetjö̧.