Mateo 8:9 - Dios Iwene

⁹ Jau Jesús, chöwaisa ödötjö chömöayo̧ otiwanö baibobö weköbitjö̧ma, ödötjö weköbijayonö, isabenö otiwanö baibakwo̧ chömöayo̧ma. Jau Jesús, ötjöbi chuluwedö tjömöayo̧ chö̧jobetjö̧, ja̧danö ötjöbi chömöayedö guardia jojodö tjuluwo̧ chö̧jobetjö̧ chöwaisa, weköbi̧ma isabenö juluwobe, ja̧danö ödötjö weköbitjö̧bi weköbi̧danö baibakobe jö̧ba̧lö. Ötjöma guardia jojonö chömöayo̧nö, 'ya̧wi, jö̧ba̧lö wetitjö̧ma, 'yo̧, ja̧danö, ichi, jö̧ba̧lö wetitjö̧ma, icho̧, ja̧danö midö cheminökwenö chömöayo̧nö, baikwö otidi, jö̧ba̧lö wetitjö̧ma, weti̧danö otido̧. Ja̧danö chöwaisa, ötjö mikwawö̧kö̧ chömöayedönö wetenama weti̧danö baleditjö̧ma, ökwö weköbi̧danö isabenö baledena, ötjötjö bajalekwönönö isabenö la'aka luwo̧köbobetjö̧. Jo̧kwajabetjö̧ ödötjö chömöayo̧ otiwanö baibobö weköbitjö̧ma, ödötjö weköbijayonö isabenö weköbi̧danö baledakobe. Chömöayo̧ isabenö otiwanö ö̧bibakobe— jö̧ba̧lö atadinobe.

Mateo 8:9 Referans Kwoze

Tito 2:9

Ja̧danö tjömöayedö baibanö midö tjeminawö̧nö, baikwö ja̧bö tjö̧jobö kwöba̧ja̧dodönö: Tjuluwedö wetji̧ öpöjödabökönö, tjuluwedö tjösödi̧ jawa jwaikwöda ja̧bö tjö̧jobö. Ja̧danö, tjuluwedö jobadönö wetjenama, atadökönö wetji̧danö ja̧bö tjö̧jobö,

Colosenses 3:22

Ökwödö tjömöayedö baibanö midö tjeminawö̧ma, kwuluwedöduwi wetji̧ma ja̧bö kwö̧jaduwo. Ja̧danö, sule ökwödönö tjösödo jö̧ba̧lö tjedenadamaökö chömöledö, jwaikwöda Duluwo̧nö yebabinö kwösödaduwobetjö̧, böjȩ kwuluwedö tjedenabi, tjedökenabi wetji̧danö ja̧bö kwö̧jaduwo.

Lucas 7:8

Jau Jesús, chöwaisa ödötjö chömöayo̧ otiwanö baibobö weköbitjö̧ma, ödötjö weköbijayonö, isabenö otiwanö baibakwo̧ chömöayo̧ma. Jau Jesús, ötjöbi chuluwedö tjömöayo̧ chö̧jobetjö̧, ja̧danö ötjöbi chömöayedö guardia jojodö tjuluwo̧ chö̧jobetjö̧ chöwaisa, weköbi̧ma isabenö juluwobe, ja̧danö ödötjö weköbitjö̧bi weköbi̧danö baibakobe jö̧ba̧lö. Ötjöma guardia jojonö chömöayo̧nö 'ya̧wi jö̧ba̧lö wetitjö̧ma, 'yo̧, ja̧danö ichi jö̧ba̧lö wetitjö̧ma, icho̧, ja̧danö midö cheminökwenö chömöayo̧nö baikwö otidi jö̧ba̧lö wetitjö̧ma, weti̧danö otido̧. Ja̧danö chöwaisa, ötjö mikwawö̧kö̧ chömöayedönö wetenama weti̧danö baleditjö̧ma, ökwö weköbi̧danö isabenö baledena, ötjötjö bajalekwönönö isabenö la'aka luwo̧köbobetjö̧. Jo̧kwajabetjö̧ ödötjö chömöayo̧ otiwanö baibobö weköbitjö̧ma, ödötjö weköbijayonö isabenö weköbi̧danö baledakobe. Chömöayo̧ isabenö otiwanö ö̧bibakobe— jö̧ba̧lö guardia luwo̧ yöa̧li̧ yötjawinobe Jesúsnö.

Lucas 4:39

Jejenö atjebökwe, jö̧bapjo kamapjo ö'öbönö ja̧nö, nia'otjö jö̧bibajobö weinobe, ja̧danö juluwanö nia'otjö jö̧bibajinobe. Ikenama jobujuma a̧laibö, kwakwawa jotidinobe tjukwobö.

Mateo 8:8

Jo̧kwaijayonö, jejenö atadökwe guardia luwo̧ma atadinobe: —Ja̧maökö chuluwo̧. Ichökönuwi. Mikwawö̧kö̧sa, chejube tekachoböma. Belöda weköbitjö̧ma, otiwanö baibakwo̧ chömöayo̧ma.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.

Marcos 1:27

Laebajobe okobe deinö edajadöma, yöba̧lakwawijadötö idödada: —¡Ayö!¿Tajijö? Abönö da̧ja̧kwemi bitema wainö jawadanö ba̧ja̧do̧, iteda waisinö ujulunö öba̧ja̧di̧ma. Ikena iteda ujulunö o̧'wo̧ luwo̧nö sulabo̧nö a'dewö loajabe. ¡Ayö! Sulabo̧bi jo̧ba wei̧ma a̧ja̧kwo̧— yöba̧lakwawijadötö.

Lucas 9:1

Ju'wi möle, Jesúsma iteda webawedö a̧li̧nösamutjö du̧ju̧tajabedönö ko̧ko̧dibö, jobadönö tjujulu iyinobe, ja̧danö jobadönö ujuninobe, tjo̧'wo̧ luwo̧nö sulabedö ja̧dönö a'dewö lobadö batjibanö, ja̧danö okobe jwiinö jojodö tjö'wöchi̧ otidö lobadö batjibanö.