Mateo 8:18 - Dios Iwene

¹⁸ Jesús iteda ipjeanö ba̧jekwadö jojodö tjoko̧ko̧kwachibobe edö, iteda öba̧ja̧di̧ waisachadönö weinobe, o̧pesobu nöobu bakwachobe petjibobö isowinö.

Mateo 8:18 Referans Kwoze

Lucas 8:22

Ju'wi möle, Jesúsma iteda öba̧ja̧di̧ waisachadökwö isowinö a̧jibinobe, ja̧danö jobadönö yöa̧linobe: —Tupakwö o̧pesobu bakwachobube pedibaduwo— jö̧ba̧lö. Yöa̧liawö̧, petjibotö jö̧ba̧lö latjebinobe,

Juan 6:15

Ja̧danö, Jesúsma öwaisinobe jojodö tjomukwati̧, itenöda jobadö böjȩtjö tjuluwo̧ baibanö kabebö tjöwano, jö̧ba̧lö, tjomukwati̧ma. Öwaisinobe itenö do̧batö kabebö tjöwanobö tjichakwa̧ma, itedama öpöjödijayonö. Jo̧kwaiökwe mö'ösa'obekwö yemidanö 'ya̧nö döibajinobe jo̧dawa'ye.

Marcos 4:35

Ja̧danö, ja̧ möle yi̧bena baibobekwö Jesúsma jö̧ba̧lijetö öba̧ja̧di̧ waisachadönö: —O̧pesobu pebibö di̧'yo— jö̧ba̧lijetö.

Mateo 14:22

Jemi ikenama Jesúsma iteda öba̧ja̧di̧ waisachadönö weinobe: —Ötjöma jojodö tjȩwa̧jobö wetonö, ökwödöma isowinö a̧jibö abönö bakwachobube pebibajaduwi— jö̧ba̧lö weinobe.

Marcos 8:13

Ikenama Jesúsma iteda öba̧ja̧di̧ waisachadökwö jobadö tjö̧jelöma 'yi̧jetö. Ikenama isowinö a̧jibö 'yi̧jadötö bakwachobukwö.

Marcos 6:45

Ja̧danö, jojodönö iyaja̧ tjukwaja̧ ikena Jesúsma webijetö iteda öba̧ja̧di̧ waisachadönö isowinö a̧jibö o̧pesobu badeibö pebibö Betsaida jobekwö tji̧'yobö, iteda abönö. Itedama ji̧bijetö jojodönö weobö tjȩwa̧jobö.

Marcos 5:21

Ikenama Jesúsma öba̧ja̧di̧ waisachadökwö isowinö a̧jibajo̧ ȩwa̧jö pebibijetö o̧pesobu bakwachödöbe. Jödö lamatö Jesúsma isowitjö meibö o̧pesobu ö'öbönö ö̧jobekwö ba̧jekwadö ichö ko̧ko̧kwijadötö.

Mateo 8:1

Jesúsma mö'ösa'obetjö yutuajenama, ba̧jekwadö jojodö jo̧ba ökömanö lutja̧linobe.