Mateo 7:18 - Dios Iwene

¹⁸ Otiwowima, suli̧ jawa wa̧jobö jwiowi, ja̧danö sulabowima, otiwa jawa wa̧jobö jwiowi, ¿jö̧tö?

Mateo 7:18 Referans Kwoze

Gálatas 5:17

Jau chömöledö, ökwödö böjȩ jojodö dösödi̧ma, Dios O̧'wo̧ Luwo̧ma ösödi̧maökö, ja̧danö Dios O̧'wo̧ Luwo̧ ösödi̧ma, böjȩ jojodö dösödi̧maökö. Jo̧kwajabetjö̧, ökwödö Jesúsnö ösödadönö baikwö yötawa chömöledö: Ajayinö dösödina jawa ina dösödobetjö̧, domajadenö ölakwabikwawobedanö ji̧, ja̧ jawa do̧'wo̧ luwo̧nö ja̧nö Dios O̧'wo̧ Luwo̧ öpöjödobetjö̧. Jau chömöledö, ajayinö dösödi̧kwö Dios O̧'wo̧ Luwo̧ ölakwabikwawobedanö ichejekwa, sulabenö dösödi̧ jawa ja̧dapji jö̧ba̧lö.

Mateo 7:17

Jau chömöledö, otiwowinö wa̧ji̧ma otiwa jawa wa̧jowi, jo̧kwaijayonö sulabowinö wa̧ji̧ma, suli̧ jawa wa̧jowi, ¿jö̧tö?

Mateo 7:19

Jau chömöledö, sulabenö yöbawadöbi ja̧danö. Towinö wa̧ji̧ jawa edö kwöwaisaduwi̧danö, jobadö ja̧tji̧ edö kwöwaisaduwakobe jobadönö, otiwanö yöbawadö tjö̧jojobö, sulabenö yöbawadö tjö̧jojobö jö̧ba̧lö. Ja̧danö, sulabenö yöbawadönö isabenö lȩekwa ja̧kobe, baikwö wanedö yötawa: Okobe jwiinö suli̧ jawa wa̧ji̧owibiyama, jubö lobö tjujuwakwa̧owibiya— jö̧ba̧lö wanedö yöawinobe Jesúsma.

Lucas 6:43

Tupakwö wanedö yöawinobe Jesúsma: —Chömöledö, towibiya kwöwaisaduwa, otiwowima, suli̧ jawa wa̧jobö jwiowi, ja̧danö sulabowima otiwa jawa wa̧jobö jwiowi, ¿jö̧tö?