Mateo 6:6 - Dios Iwene

⁶ Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.

Mateo 6:6 Referans Kwoze

2 Reyes 4:33

Jo̧kwajabetjö̧, jo̧dawa'ye teachinobe Eliseoma, tjȩmukwö, ja̧danö tebachajo̧ apjude utumatinobe, ja̧danö tumatajo̧, Isabenö Jo̧nö aebinobe.

Mateo 14:23

Jojodö tjȩwa̧jobö weaja̧ ikenama, Jesúsma jo̧dawa'ye mö'ösa'obe önöchinobe, jo̧dawa'ye Diosnö aebobö. Yö̧te baibanö, Jesúsma jobe jo̧dawa'ye ö̧jibinobe,

Isaías 65:24

Ötjönö atjebakwa̧ abönö, juluwanö teada̧lökönö jobadönö pjatatakwo̧sa, ina abebö, yöba̧lö katjatakwa̧ abönö, ida̧ökö atjebakwa̧ atadö, otiwanö pjatatakwo̧sa.

Hechos 9:40

Ikenama Pedroma okobe deinö a'dewö lobijetö a̧petube. A'dewö lobajo̧ma u̧yu̧ju̧ki̧junö bamatö Diosnö abebijetö. Ja̧danö, abebö kabatö wobajajunö edö jö̧ba̧lijetö: —Tabita, a̧laibi—jö̧ba̧lijetö. Jejenö jö̧a̧lioko jöbajale 'bobebö Pedronö edö a̧laibö bi̧jotö kamapjonö.

Isaías 26:20

Isabenö jobekwö pjaatakwo̧ yadakwö chömöledö. Jo̧kwaijayonö babema dameakwö lȩbebo̧ Diosma chömöledö, jo̧kwajabetjö̧ okwasȩko̧ tebachö, apjude kwutumataduwo chömöledö. Ja'yubenö lekwe kwu̧ju̧kwawaduwo, Dios dameakwö lȩebi̧ma 'dö̧ibajenanö kabatö.

Mateo 6:18

Jejenö ja̧köbaduwiawö̧, edadöma wajwitjena ö̧tö̧chö kwö̧jaduwi̧ma. Sule Kwabe'doduwi, jojodö tjedokonö ja̧köbaduwi̧ waiso̧ Kwabe'doduwima ö̧tö̧chö kwö̧jaduwi̧ öwaisakobe. Ja̧danö, Kwabe'doduwi okobe jwiinö edo̧ma, jo̧bada mikwa baibanö ökwödönö iyakobe— jö̧ba̧lö yöawinobe Jesúsma.

Hechos 10:9

Ja̧danö, ju'wi dewachö, jweinö ö̧jena, jobadö 'ya̧jadöma Jopetjöma yöneawachibobe 'yi̧jadötö. Yöneawachibobe tjichena Pedroma Diosnö abebö mö nöchijetö o̧do wame. Jobadö tjichakwa̧ma wajwibijetö Pedroma.

Mateo 6:4

Jau chömöledö, jojodö wajwitjonö kwiyaduwo. Ja̧danö baikwö yötawa: Ju'wedö wajwitji̧ jawa edo̧ Kwabe'doduwida kwiyaja̧ mikwa baibanö ökwödönö otiwanö iyakwo̧— jö̧ba̧lö yöawinobe Jesúsma.

Efesios 3:14

Jo̧kwaobetjö̧ Diosma ökwödönö jwiinö otiwanö pjaatinobetjö̧ chu̧yu̧ki̧junö bamatö chösödobe Dabe'do Diosnöma.

Romanos 8:5

Jau chömöledö, suli̧ ömöayedödanö ju̧kwadöma, jwaikwöda sulabe tjujuna̧li̧ ösödi̧ jawada omukwatadö. Ja̧danö, Dios O̧'wo̧ Luwo̧ ömöayedödanö ju̧kwadöma, jwaikwöda Dios O̧'wo̧ Luwo̧ ösödi̧ jawada omukwatadö.

Hechos 10:30

Jejenö jö̧a̧liökwe Cornelioma yöbawijetö: —Belö ö'wejemu möle baledibajabe, babedajayena, bejutjö Diosnö atebijatö. Jejenö atebonö omönanö jelo̧ öwawachijatö ötjö chöba a'o, kamijido̧ dewado̧ salöado̧ 'dubawo̧.

Juan 1:48

Jejenö yöawökwe: —¿Dakwö kwöwaisobö ötjönöma?— Natanaelma abebö a̧ja̧kwökwe: —Ökwönö chedatö, Felipe ökwönö jwöakwa̧ abönö. Higosowi teebe kwö̧bobe chedatö—yöawinobe Jesúsma Natanaelnö. Jejenö yöawökwe:

Juan 20:17

Wo̧jatibiökwe: —Wo̧katibatjö María, ina Dabe'do ö̧jobekwö ȩwa̧jö katekwachokobetjö̧— jö̧a̧linobe—. Babema chömöledönö yöbawaji, tjöwaiso. Ja̧danö, jobadönö yökawo, Chabe'do ö̧jobekwö chȩwa̧jakobe, ötjö Chabe'dobi ökwödö kwabe'doduwibi ö̧jobekwö. Ja̧danö, ötjö cho̧'wo̧ chöwana̧lökwe Dios, ökwödö kwo̧'wo̧duwi kwöwana̧laduwökwe Dios ö̧jobekwö chȩwa̧jakobe, yökawo— weinobe Jesúsma María Magdalenanö.

Proverbios 25:22

Jobekwö kwiyitjö̧ma, kwöpöjojoma ajayinö ökwönö öpöjödaja̧ma kabatibö kwömöledöso̧ baibanö ö̧jobe jo̧be. Ja̧danö, kwöpöjojonö iyö pjakatobetjö̧ Isabenö Jo̧ma le lö̧jinö edö pjakati̧tjö mikwa baibanö iyö pjaatakwo̧ja.