Mateo 6:5 - Dios Iwene

⁵ Tupakwö yöawinobe Jesúsma: —Ja̧danö, Diosnö akebaduwenama, jobadö dötölatajanö omukwatadö atjebi̧danöma akebaduwa. Jobadöma tjösödobe, judío jojodö ba̧nö tja̧ja̧kwa̧lakwawejubiyatjö jamatö labinö Diosnö atjebobö, ja̧danö ba̧jekwadö jojodö kwetjachemi ö'öbönö ja̧nö, labinö Diosnö atjebobö, böjȩ jojodö Diosnö atjebi̧ tjedobö. Isabenö yötawaduwakwö chömöledö: Atjebaja̧ mikwa baibanöma iyökakwo̧ Diosma otiwanö abebadöja jö̧ba̧löma, ida̧ökö okobe jwiinö atjebaja̧ mikwa tjeminobetjö̧.

Mateo 6:5 Referans Kwoze

Mateo 6:2

Jo̧kwajabetjö̧, jwibadönö kwiyaduwenama, sulabenö dötölajatanö omukwatadö ja̧tji̧danöma ja̧köbaduwa. Jobadöma jwibadönö tjiyakwa̧ abönö, tjiyakwa̧ yöbawadö, judío jojodö ba̧nö tja̧ja̧kwa̧lakwawejubiyatjöbi, comunidad ö'wejetjöbi, okobe deinö tjiyi̧ edö, Aaa, bidöma otiwanö jwibadönö iyö pjabatadö, jö̧ba̧lö tjomukwatobö. Isabenö yötawaduwakwö chömöledö: Tjiyaja̧ mikwa baibanöma iyökakwo̧ Diosma, otiwanö iyadöja jö̧ba̧löma, ida̧ökö okobe jwiinö tjiyaja̧ mikwa tjeminobetjö̧.

Lucas 18:13

Ja̧danö, impuesto ötjabi̧ balada emajibo̧bi Diosnö aebinobe. Jo̧bama sulabo̧sa jö̧ba̧lö, yöne ichibökönö ödökwönönö ja̧nö, mölejȩbema edökönö aebinobe. Jo̧bama o̧'wo̧ tjo̧ekwobetjö omuko 'do'dobakwawö Diosnö aebinobe: Dios, ötjöma sulabenö ja̧bö jo̧sa, lȩlö̧jinö kwedobö ateba, jö̧ba̧lö.

Marcos 11:25

Ja̧danö, Diosnö akebaduwonö, jelo̧nö kwo̧'wo̧duwi sulinö kwomukwataduwi̧ma kakatibaduwo. Ja̧danö, ökwödö Kwabe'doduwi mölejȩbe jo̧ma ökwödö sulabenö ja̧köbaduwi̧bi söbebö loakwo̧— jö̧ba̧lijetö Jesúsma.

Isaías 1:15

Jo̧kwajabetjö̧, ötjönö abebö kwa̧ja̧kwaduwakobetjö̧, kwömamijuduwi kabebö dekataduwenama, jalachibö jelobekwö edo̧sa, ja̧danö nöinö abeba̧lö ötjönö akebaduwenama, a̧ja̧kwö̧kö̧sa, jojodönö sulabenö kwabö lobajadö, kwömamuduwi̧ tjökwösobu 'yoliwinö kwö̧jaduwobetjö̧.

Lucas 20:47

Jo̧kwaijayonö jejenö otiwadösa jö̧ba̧lö wamenö tji̧sebijayonö, ya̧dö tji̧lȩkwa̧mu wobekwinadö tjitea 'dötjebobe. Ja̧danö Diosnö abebö lekwe atjeba̧lenama, sule jojodöda a̧ja̧kwö tjösödobö atjeba̧lobe. Ja̧danö, jejenö sulabenö ja̧tjiökwe, ju'wedötjö bajalekwönönö isabenö jobadö Moisés iwȩyudina ba̧ja̧dadönö labinö lȩebakobe Diosma— jö̧ba̧lö yöawinobe Jesúsma.

Santiago 4:6

Jo̧kwaijayonö Diosma ökwödönö pjaatobö juluwo̧ ökwödö dösödi̧da omukwatö junibö dö̧jobö. Chö̧ja̧wo̧dö, Diosma ökwödönö pjabatö ujuluwobe ökwödö sulabe dösödi̧ma. Isabenö chö̧ja̧wo̧dö, Dios pjaati̧ma ökwödö sulabenö dösödi̧tjö o̧penönö juluwobe. Jejenöobetjö̧ Dios iwenetjö baikwö laebobe: Diosma, Luwedösa, jö̧ba̧lö, omukwatadönö ölakwabikwawö jo̧. Jo̧kwaijayonö, Jo̧kwadabedösa, jö̧ba̧lö omukwatadönö lȩlö̧jinö pjabato̧. Jejenö laebobe Dios iwenema. Chö̧ja̧wo̧dö, Luwedösa, jö̧ba̧lö, domukwataduwoko. Jejenö omukwatökönö dö̧jiökwe Diosma lȩlö̧jino edö pjaatakwo̧.

Lucas 18:1

Ju'wi möle Jesúsma iteda öba̧ja̧di̧ waisachadönö ba̧ja̧dö yöawinobe, me'dawachibökönö ba̧kwȩlö̧jatebö Diosnö atjebobö. Ja̧danö, ba̧ja̧dö, jobadönö wanedö yöawinobe baikwö:

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

Lucas 11:43

¡Isabenö usula kwemawaduwakwedöja ökwödö fariseo jojodöma! Ökwödöma ba̧nö tja̧ja̧kwa̧lejutjö luwedö tjö̧bena kwö̧baduwobö ösödadöja, ja̧danö kwakwawa iyawejube kwekachaduwenama, jojodö otiwanö edö, ba̧ja̧dakwawa luwo̧ jö̧ba̧lö jojodö ökwödönö yötja̧lobö ösödadöja.

Mateo 21:22

Jau chömöledö, isabenö atebi̧danö iyakwo̧ Diosma jö̧ba̧lö jo̧ba ujulu ösödö akebaduwitjö̧ma, okobe jwiinö akebaduwi̧ma iyakwo̧— jö̧ba̧lö atadinobe.

1 Tesalonicenses 5:17

kabatökönö Diosnö akebaduwo,

Juan 16:24

Ina la'akatjöda ötjö chiminö akebaduwinokobe. Yötawaduwakwö. Ötjö chiminö akebaduwitjö̧ma Diosma a̧ja̧kwö pjaatakwo̧, kwo̧'wo̧duwi jwiinö ösöwanö kwö̧jaduwobö— yöawinobe Jesúsma öba̧ja̧di̧ waisachadönöma.

Marcos 12:38

Jesúsma ina yöbawijetö: —Chömöledö, Moisés iwȩyudina ba̧ja̧dadönöma tjöbeba̧lakwawöjönö edö kwuju̧kwaduwo. Jobadöma, Mikwawadösa, jö̧ba̧lö, tjökamisi ödöi̧ o̧do̧ 'dubawibö tea iyawena kwetjachobö ösödadö jojodöma tjeda̧lobö, Ba̧ja̧dakwawa luwo̧ jö̧ba̧lö.

Mateo 9:38

Jo̧kwajabetjö̧, ja̧ wa̧ji̧ emawa luwo̧ Diosnö akebaduwo, emö otidadönö weo jö̧ba̧lö— yöawinobe Jesúsma.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Proverbios 16:5

Ju'wibi yötawa: Bakwo̧ma, itedada baikwö omukwatena, ötjöda luwo̧sa, jö̧ba̧lö, ötjöda otiwo̧sa, jö̧ba̧lö, waiso̧sa, jö̧ba̧lö. Isabenö Jo̧ma jwiinö öpöjödobe jo̧ba omukwati̧danö omukwatadönöma, okobe deinö. Isabenö yötawa: Jobekwö omukwatadönöma Isabenö Jo̧ lȩebakwawö̧.

Mateo 23:6

Ja̧danö pjiesta tjukwenama, luwedö tjö̧bena tjö̧bobö jwiinö ösödadö, ja̧danö ba̧nö tja̧ja̧kwa̧lejutjöbi luwedö tjö̧bena tjö̧bobö ösödadö.

Proverbios 15:8

Ja̧danö, ju'wibi yötawa: Isabenö Jo̧ma jwiinö öpöjödo̧ sulabenö omukwatadö tjö̧ji̧ma. Jobadö jo̧banö kwabö juwö tjiyi̧bi edö jwiinö öpöjödo̧ Isabenö Jo̧ma, sulabenöda omukwatö tjö̧jobetjö̧. Jobekwö öpöjödokobe Isabenö Jo̧ma, Dios wei̧ a̧ja̧kwö ju̧kwadönöma. Isabenö Jo̧ma Dios wei̧ a̧ja̧kwö ju̧kwadönö jwiinö ösödo̧. Jobadö Diosnö atjebi̧ma a̧ja̧kwö jwiinö ösödo̧. Jobadöma ba̧kwȩlö̧jatebö Dios wei̧ a̧ja̧kwö tjö̧jobö isakwadötjobetjö̧ Isabenö Jo̧ma jwiinö ösödobe jobadönöma.

Mateo 6:16

Tupakwö yöawinobe Jesúsma: —Ja̧danö, Diosnö omukwatö kwökönö ö̧tö̧chö kwö̧jaduwenama, dötölatajanö omukwatadö ja̧tji̧danöma ja̧köbaduwa. Jobadöma o̧'wo̧ tjo̧achö tjöba dichawökönö, kamijido̧ sulabado̧ 'dutjawobe, okobe deinö edadö ö̧tö̧chö tjö̧ji̧ edö, Aaa, bidöma otiwanö Diosnö omukwatö ö̧tö̧chö ju̧kwadö, jö̧ba̧lö tjomukwatakobetjö̧. Isabenö yötawaduwakwö chömöledö: Jobadöma ida̧ökö okobe jwiinö ö̧tö̧chö tjö̧ji̧ mikwa emajadö jojodötjö chömöledö, Diosma jobadönö iyökakobe.

Mateo 6:1

Tupakwö yöawinobe Jesúsma: —Chömöledö, ökwödö otiwanö ja̧köbaduwenama, sule jojodöda tjedo jö̧ba̧löma ja̧bökönaduwi. Jau chömöledö, jojodöda ökwödönö ösödö tjedobö ja̧köbaduwiökwe, mölejȩbe jo̧ Kwabe'doduwima otiwanö ja̧köbaduwaja̧ mikwa baibanöma iyökakobe, ida̧ökö jojodötjö ja̧tjaja̧ mikwa baibanö emajadö jö̧ba̧lö.

Mateo 23:5

Okobe jwiinö jobadö ja̧tji̧ma, jojodö jobadönö tjedo jö̧ba̧lö ja̧badö. Jau chömöledö, jobadöma Dios iwene jawatjö wȩyukwöja isapjo nöapjo okwa anö, tjöbanöbi tjöjanöbi di̧batakwawedö, ja̧danö tjökamijido̧ ö'öbönö isa'ye ödöa'ye di̧batadö, isabenö jwaikwöda Diosnö ösödadösa jö̧ba̧lö.

Lucas 6:24

Ja̧danö ju'wibi yöawinobe Jesúsma: —Ja̧danö ökwödötjö nöinö juna̧ladöma, Ayö, isabenö o̧'wo̧ tjo̧achö tjö̧jakwedö, tjo̧'wo̧ ösöwachibanö ji̧ jawama ida̧ökö okobe jwiinö tjujuna̧lajabetjö̧.