Mateo 6:22 - Dios Iwene

²² Tupakwö yöawinobe Jesúsma: —Chömöledö, wanedö yötawa, kwöbajaleduwima, kwiteba'o jawatjö dejewa'yu̧danö ichejekwa. Baikwö labebö lobö yötawa chömöledö: Kwöbajaleduwinö otiwanö kwedaduwitjö̧ma, okobe jwiinö kwiteba'oduwi dewinö jo̧bedanö ichejekwa,

Mateo 6:22 Referans Kwoze

Colosenses 3:22

Ökwödö tjömöayedö baibanö midö tjeminawö̧ma, kwuluwedöduwi wetji̧ma ja̧bö kwö̧jaduwo. Ja̧danö, sule ökwödönö tjösödo jö̧ba̧lö tjedenadamaökö chömöledö, jwaikwöda Duluwo̧nö yebabinö kwösödaduwobetjö̧, böjȩ kwuluwedö tjedenabi, tjedökenabi wetji̧danö ja̧bö kwö̧jaduwo.

Efesios 6:5

Babema jojodö tjömöayedö, midö tjeminawö̧nö, bakwo̧nökwena yötawa. Böjȩtjö kwuluwo̧duwi wei̧ a̧ja̧kwö, otiwanö omukwatö, Chotido, jö̧ba̧lö, ösödanö otidaduwi. Ja̧danö, böjȩtjö kwuluwo̧duwi wei̧danö kwotidaduwenama omukwataduwi, Böjȩtjö chuluwo̧ wei̧ chotidi̧danö Cristo wei̧bi ja̧danö chotidobe, jö̧ba̧lö.

Hechos 2:46

Ju'wi möle jwiinö Jesúsnö ösödadöma bakwainö omukwata̧lö, Dios eju okwa tebachö ji̧abijadötö. Tjejubiyatjö kwanöbi tebachö ji̧abijadötö, tjo̧'wo̧ ösöwanö, sulabenö tjomukwati̧ jwiinö.

Isaías 5:20

Isabenö usula tjemawakwedö, ökömakwö sulabenö yöba̧ladöma. Jobadöma otiwi̧ jawa edö, —Suli̧, Dios öpöjödi̧, —jö̧ba̧lö yöba̧ladö, jadanö suli̧ Dios öpöjödi̧ jawa edö, —Otiwi̧, Dios ösödi̧, —jö̧ba̧lö yöba̧ladö. Ja̧danö ju'wibi yȩi̧ edö, —Isabenö dewi̧, —jö̧ba̧ladö, ja̧danö dewi̧ edö, —Yȩi̧, —jö̧ba̧ladö. Ja̧danö lei̧ jawa, —Isabenö o̧ti̧, —jö̧ba̧ladö, ja̧danö o̧ti̧ jawa, —Isabenö lei̧, —jö̧ba̧ladö, sulabenö ökömakwö yöba̧ladöma.

Mateo 5:15

Ja̧danö, jojodö dejewa'yu̧ tjönötedenama, ¿wi̧lȩyu̧ teebe tjujunenaji̧? Junöködö, mesasöte wame junadö, okobe deinö o̧do okwa ju̧kwadö otiwanö tjedobö, ¿jö̧tö?