Mateo 6:11 - Dios Iwene

¹¹ Ja̧danö, ju'wibi, mölekwena du̧kwa kwakwawa kwiyobö adeba Dabe'do.

Mateo 6:11 Referans Kwoze

Proverbios 30:8

Pjabatitjö jweinö yötawobö, ja̧danö jojodönö jelobekwö tjo̧mukwatinö ö'öbönö yötawokobö. Ja̧danö, ju'wibi pjabatitjö: Jwibö chö̧joböma weköboko, ja̧danö, nöinö juna̧lö chö̧joböbi kwiyoko. Sule kwanö chö̧ji̧da chujuna̧linö pjabatitjö.

Lucas 11:3

Ja̧danö ju'wibi, mölekwena du̧kwa kwakwawa kwiyobö adeba Dabe'do.

Mateo 4:4

Jejenö weökwe, Jesúsma atadinobe: —Jejenöma chotidökö, Dios iwene baikwö laebobetjö̧: Sule pan kwanödama otiwanö 'yaba̧löködö jojodöma, okobe jwiinö Dios yöawi̧bi tja̧ja̧kwoböbi jo̧be, jö̧ba̧lö laebobe— jö̧ba̧lö atadinobe Jesúsma.

Diosnö ösödo̧ Job mikwo̧ usula emawina jawa 23:12

Isabenö Dios wei̧ a̧ja̧kwö jo̧sa, jwaikwöda jo̧ba wei̧ ja̧bö jo̧sa, wainö ja̧bökönö. Isabenö Dios yöawi̧ ösödö jo̧sa, a̧wi̧chi̧ tjöbö chö̧ji̧tjö̧bi, yayonö chu̧kwa kwakwawa chukwobö chösödi̧tjö̧ bajalekwönönö, Dios yöawi̧da cha̧ja̧kwobö ösödo̧sa, –Kwakwawa mikwawi̧tjö bajalekwönönö mikwawi̧ma, Dios yöawi̧da, –jö̧ba̧lö.

Isaías 33:16

Jobadöjayedöma, otiwanö wene jwiinö tjö̧jakwedö. Wene baledenama, jobadöma mösa'otjö, inawa ötöla 'diinö tjöekwemi tjö̧jobö tjöbadekwakwedö, ja̧danö otiwanö kwakwawabi, owawabi tjujuna̧lakwedö, —jö̧ba̧lö yöawobe Isabenö Jo̧ma.

1 Timoteo 6:8

Jo̧kwajabetjö̧, böjȩnö ja̧nö dukwoböbi, da̧du̧kwoböbi dujuna̧litjö̧ma, do̧'wo̧ ösöwanö dö̧jobö jo̧be, otiwanö juna̧ladösa jö̧ba̧lö.

2 Tesalonicenses 3:12

Jejenö ja̧bö ju̧kwadönö Duluwo̧ Jesucristo iminö baikwö ba̧ja̧dö wedobe ökwödönö chömöledö: 'Wi̧inö ja̧nö, idöda tjotidawa otidö tjö̧jo jö̧ba̧lö, böjȩnö ja̧nö tjukwakwa̧ kwakwawama idöda otidö tjemobö.