Mateo 5:5 - Dios Iwene

⁵ Aaa, otiwöködösa jö̧ba̧lö omukwatadöma, isabenö tjo̧'wo̧ ösöwanö tjö̧jakwedö, Diosma jobadönö böjȩ iyakobetjö̧.

Mateo 5:5 Referans Kwoze

Isaías 29:19

Ja̧danö Isabenö Jo̧ pjaatiawö̧, usula emawinadöma tjo'wo ösöwachibanö tjö̧jakwedö, jadanö bö̧jȩ jojodötjö̧ usula jojodöma, tjo̧'wo ösöwachibanö yötja̧lakwedö, —Ökwödö israel jojodö dösödökwe Okobe Jwiinö Juluwo̧ Diosma, isabenö otiwo̧, —jö̧ba̧lö.

Santiago 3:13

Chö̧ja̧wo̧dö ökwödötjö bakwo̧, waisanö omukwato̧ma, ja̧danö, Dios iwene jweinö waiso̧ma jo̧ba öwaisi̧ma i̧sekwobö jo̧be. Ja̧danö ¿dakwö i̧sekwobö jo̧beda? Biya̧ chö̧ja̧wo̧dö: Bakwo̧, jweinö waiso̧ma jojodönö dösölö̧jinö pjabato̧. Jejenö dösölö̧jinö pjabatö i̧sekwobe, Ötjöma Dios öibökwesa waisanö chomukwatobö, jö̧ba̧lö.

Gálatas 5:23

jojodönö labinöma webökönö ja̧awabi, tjösödi̧da ja̧bökönö biya̧ma otiwanö ja̧awa jö̧ba̧lö tjöwaisi̧danö ja̧awabi. Ja̧ jawa i̧sekwö dö̧jo jö̧ba̧lo̧ do̧'wo̧ luwo̧nö otidobe Dios O̧'wo̧ Luwo̧ma. Jau chömöledö, jejenö ja̧bö ja̧kwawama otiwa, ja̧danö jojodönö weawama jwia jejenö ja̧köbaduwa jö̧ba̧löma chömöledö.

Santiago 1:21

Jo̧kwaobetjö̧ chö̧ja̧wo̧dö, okobe jwiinö suli̧ ja̧köbaduwi̧ma kakatibaduwo. Yelösöda kwomajadeduwinö suli̧ma su̧'bȩinö jo̧be. Ja̧danö, su̧'bȩinö jo̧betjö̧ suli̧ma kwomajadeduwitjö doibobe, ojwiyo doibi̧danö. Chö̧ja̧wo̧dö, ja̧ suli̧ma kabatibö, Suli̧ wei̧ cha̧ja̧kwökö, jö̧ba̧lö, kwöbalewachaduwo, Dios iwene ösödö, Jwiinö otiwa, jö̧ba̧lö. Wanedö yötawaduwakwö chö̧ja̧wo̧dö: Diosma iteda iwene önebia tjujuni̧danö kwo̧'wo̧ luwo̧duwinö ujuninobe. Ja̧ iwenema pjaati̧ wene, böjȩnö kwö̧jaduwena suli̧tjö kwö̧jibaduwinö pjaati̧ wenema. Ja̧danö chö̧ja̧wo̧dö, suli̧ wei̧ öpöjödö ökwödönöda omukwatökönuwi, Luwedösa, jö̧ba̧lö. Dios iweneda ösödö kwö̧jaduwo, jo̧ba yöawi̧ a̧ja̧kwö.

Colosenses 3:12

Ökwödöma Dios ömöledöbedöja chömöledö, jo̧bama ökwödönö ösödö omudawö ujuninobe, iteda ömöledö bakibaduwanö. Jo̧kwajabetjö̧ wanedö yötawa: Lȩlö̧jinö edawabi, otiwanö pjabatö ja̧awabi, ju'wedönötjö o̧penönö jö̧kö̧sa jö̧ba̧lö omukwatakwawabi, dösölö̧jinö ja̧awabi, tjo̧'wo̧ 'dibachibö me'dawachibökönö ja̧awabi kamijido̧ 'dutjawi̧danö 'dukawaduwo chömöledö.

Mateo 11:29

Jau chömöledö, ötjö weti̧ ja̧badö bakibaduwo, ja̧danö ötjö chöba̧ja̧di̧ kwöwaisachaduwo chömöledö, ötjöma isabenö dösölö̧jinö ja̧bo̧chobetjö̧. Jau chömöledö, isabenö ökwödönö pjatatocha. Wanedö yötawa: Kwo̧'wo̧ luwo̧duwitjö kwö̧'wachaduwobö pjatatocha,

Efesios 4:2

Ja̧danö, chömöledö, baikwö ja̧bö ju̧kwaduwi: Ökwödödadama kwomukwataduwa, Aaa, ötjöma ju'wedötjö o̧penönö jo̧sa, jö̧ba̧löma. Chömöledö, otiwanö omukwatö, jojodökwö ösödabikwawö ju̧kwaduwi. Ju'wibi yötawa. Kwösödaduwökö jawa baledenama kwo̧'wo̧ luwo̧duwinö tjöbeba̧lakwawö kwuju̧kwaduwo chömöledö, kwo̧'wo̧ luwo̧duwinö suli̧ teachibökönö. Ju'wedö ökwödö kwöpöjödaduwi̧ jawa ja̧tjenabi, jobadönö kwösödaduwo, kwo̧'wo̧ luwo̧duwinö sulabenö omukwatökönö.

Tito 3:2

ja̧danö, ju'wedönö sulabenö yöba̧lökönö tjö̧jobö, ja̧danö jwöjwöbökönö tjö̧jobö, ja̧danö, dösölö̧jinö yöba̧lö tjö̧jobö, ja̧danö okobe deinö ju'wedönö otiwanö dösölö̧jinö ja̧bö tjö̧jobö yökawodönö.

1 Pedro 3:4

Ju'wida chömöledö ya̧dö inesö kwotikwaduwi̧ma, kwo̧'wo̧ luwo̧duwi jawada, dösölö̧jinö ja̧danö jwöjwöakwawa jwiinö ja̧kwawada. Jejenö tjotikwi̧ma, damö jawa jwöachökö ji̧ chömöledö, ja̧danö Dios edemi, inesö mikwawi̧ chömöledö.

Isaías 11:4

Jo̧ba lȩebakwa̧ma, jojodönö wainökwena edöma lȩebökakwo̧, jweinö Dios wei̧danö lȩebakwo̧. Jweinö bakweminö lȩekwa yöawakwo̧, jwibadöbi, ju'wedö sulabenö ja̧tja̧jawö̧bi öba a'o tjichibenama, mikwawöködö jö̧ba̧löma öpöjödökakwo̧, jojodönö bakweminö edö, isabenö lȩekwa yöawo jö̧a̧li̧danö lȩebakwo̧. Isabenö otiwanö lȩebakwo sulabedönöma, jweinö lȩekwa yöbawö, sulabenö ja̧badönö kwabö lotjobö weakwo̧, debö tji̧'yakobetjö̧.

1 Timoteo 6:11

Jau Timoteo, ökwöma Dios ömöledöso̧ja, jo̧kwajabetjö̧, biya̧ yötawaja̧ sulabenö ja̧awatjö döbibaji, sulabenö ja̧bökönö. Dios ömöledöso̧köbobetjö̧, ju'wida isakwö kwö̧jobö jo̧be, ja̧ma biya̧: Dios ösödi̧danö ja̧awa kwisakwo, ja̧danö Diosnö ösödö jo̧ba ösödi̧danö ja̧bö kwö̧jobö kwisakwo. Ja̧danö, kabatökönö Cristonö kwo̧'wo̧ wana̧lö kwö̧jobö kwisakwo, ja̧danö jwaikwöda kwömöledö Cristonö ösödadönö kwösödobö kwisakwo. Ja̧danö, wene baibenabi kwo̧'wo̧ 'dibachibö me'dawachibökönö Cristonö kwo̧'wo̧ kwöwana̧lobö kwisakwo, ja̧danö otiwanö dösölö̧jinö jojodönö ja̧köbobö kwisakwo Timoteo.

2 Timoteo 2:25

Ja̧danö, Dios jawa öpöjödadö jobadönö öpöjödakwawö tjö̧jena, jobadökwö jwöjwöbakwawökönö dösölö̧jinö jwetjebobö jo̧be, Dios pjaatitjö̧ma bidöma sulabenö tjomukwati̧ kabatibö tjöbalewachena, ja̧danö isabenö wene tjösödena jö̧ba̧lö.

Romanos 4:13

Chömöledö, Diosma Abrahamnö jö̧a̧linobe, Böjȩma ökwönö chiyakwöjȩ, ja̧danö kwi̧tji̧mu tupadanö jojodönöbi chiyakwöjȩ, jö̧ba̧lö. Jejenö yöawinama, okobe jwiinö Dios weina ja̧iökwema yöawinokobe chömöledö. Abrahamma, Diosma jweinö yöbawo̧, jö̧ba̧lö, Dios yöawi̧ ösödobetjö̧, Diosma jo̧banö yöawinobe, Chedemi Abrahamma suli̧ jwibo̧, jö̧ba̧lö. Ja̧danö, Abrahamma Dios yöawi̧ ösödiökwe, Diosma yöawinobe ja̧ma, Böjȩma ökwönö chiyocha, jö̧ba̧lö.

Mateo 21:5

Jerusalénnö ju̧kwadönö yöbawaji: Edaduwi. Kwuluwo̧duwima kwö̧jaduwobekwö ichobe. Jo̧bama luwo̧sa jö̧ba̧lö omukwatökönö, bulunö wanö, bulu itji̧nö wanö ichobe, jö̧ba̧lö yöawinobe.

Isaías 60:21

ja̧danö okobe deinö kwömöledö israel jojodöma, bakobe weti̧ a̧ja̧kwö tjö̧jakwedö, ja̧danö 'döbibajökönö, ba̧kwelöjatebö otiwanö israel nijinö tjö̧jakwedö. Jau chömöledö, jojodö towi tjujuni̧danö, ötjöda israel jojodönö chujunocha, —Duluwo̧ Diosma otiwo̧, —jö̧ba̧lö ötjönö tjösödakobetjö̧. Ja̧danö chujunajawö̧, otiwanö 'diinö tjö̧jakwedö.

Isaías 61:1

Isabenö Jo̧ O̧'wo̧ Luwo̧ma ötjökwö jo̧, Isabenö Jo̧ Diosda ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, tjo̧'wo tjo̧bekwö ju̧kwadönö tjo̧'wo ösöwachibanö pjatatobö, ja̧danö ölakwabikwawö juluwajö do̧tja̧tajawönö tjetjatakwa̧ yötawobö, ja̧danö ka̧lena ba̧jadönö ka̧lenatjö tjö̧jibakwa̧ wene yötawobö.