Mateo 5:47 - Dios Iwene

⁴⁷ Ja̧danö chömöledö, sule kwömöledöduwinöda debawö dokwa akebaduwitjö̧ma, ¿ju'wedö ja̧tji̧tjö bajalekwönönö ja̧köbaduwenaji̧? Diosnö öpöjödadöbi jejenö ja̧badö chömöledö. Ökwödönö weti̧ma sule kwömöledönöda kwösödaduwo jö̧ba̧löma wetökö chömöledö. Kwöpöjojodönöbi kwösödaduwobö wetaduwakwö.

Mateo 5:47 Referans Kwoze

Lucas 6:32

Tupakwö yöawinobe Jesúsma: —Jau chömöledö, sule ökwödönö ösödadönöda kwösödaduwitjö̧ma, ¿tajawedö kwösödaduwi̧ omukwatobö Diosma, Bidöma otiwanö ösödadö, jö̧ba̧löma? Jau chömöledö, sule ökwödönö ösödadönöda kwösödaduwitjö̧ma, sulabenö ja̧badö tjösödi̧danöda kwösödaduwena, jobadöbi idönöda ösödadönöda tjösödobetjö̧.

Mateo 5:20

Jau chömöledö, baikwö yötawaduwakwö: Ökwödöma fariseo ötjabiwö̧ ja̧bö tjö̧ji̧tjö, ja̧danö Moisés iwȩyudina ba̧ja̧dadö ja̧bö tjö̧ji̧tjö ökwödöma bajalekwönönö sulabenö ja̧bökönö jwaikwöda otiwanö ja̧bö kwö̧jaduwökötjö̧ma, la'akatjöda Dios la'aka luwo̧ ö̧jakwa̧ tekachaduwökena— jö̧ba̧lö yöawinobe.

1 Pedro 2:20

Jau chömöledö, kwöwaisaduwa, sulabenö ja̧bö kwö̧jaduwitjö̧ma Diosma otiwanö omukwatökena ökwödönö, ¿jö̧tö? Ja̧danö, sulabenö ja̧köbaduwiökwe kwuluwo̧ ökwödönö kwakwaitjö̧ma, kwo̧'wo̧ 'dibachibö kwöbaledaduwi̧ mikwawökena, Dios otiwanö ökwödönö omukwatobö. Jo̧kwaijayonö otiwanö ja̧bajadö usula emawö kwöbaledaduwenama, Diosma edö otiwanö omukwatobe ökwödönö chömöledö, chi̧tji̧muma weti̧danö ja̧bö tjö̧jobetjö̧ usula emawadö jö̧ba̧lö.

Mateo 10:12

Jeju tekachaduwenama, Dios jejunö ju̧kwadönö pjaato jö̧ba̧lö tekachaduwo.

Mateo 5:46

Ja̧danö, baikwö yötawaduwakwö chömöledö: Sule ökwödönö ösödadönöda kwösödaduwitjö̧ma, ¿tajawedö kwösödaduwi̧ omukwatö Dios ökwödönö iyobö chömöledö? Jau chömöledö, sule ökwödönö ösödadönöda kwösödaduwitjö̧ma sulabedö la'aka luwo̧ itea balada emadö tjösödi̧tjö bajalekwönönö kwösödaduwökena, jobadöbi jobadönö ösödadönö ösödadö chömöledö.

Mateo 5:48

Jau chömöledö, kwabe'doduwi mölejȩbe jo̧ Diosma, bakwainö otiwanö ja̧bo̧, jo̧kwajabetjö̧ ökwödö jo̧ba i̧tji̧mubi bakwainö otiwanö ja̧bö kwö̧jaduwo— jö̧ba̧lö yöawinobe Jesúsma.

Colosenses 4:14

Ja̧danö dösödökwe dötölöso̧ Lucas mikwo̧bi, ja̧danö Demas mikwo̧bi detjawobedanö ökwödönö dokwa jö̧ba̧lö atjebobe.

Colosenses 4:15

Ja̧danö Laodicea comunidadnö ju̧kwadötjö Jesúsnö ösödadönöbi, Ninfas mikwujunöbi, Ninfas jejutjö ko̧ko̧kwö ba̧ja̧dö Jesúsnö ösödadönöbi yökawaduwo, Pabloma deawobedanö dokwa jö̧ba̧lö aebobe jö̧ba̧lö.