Mateo 5:44 - Dios Iwene

⁴⁴ Jo̧kwaijayonö, baikwö yötawaduwakwö chömöledö: Kwöpöjojodönöbi kwösödaduwo, ja̧danö usula kwemawobö ja̧badönö Diosnö akebaduwo, jö̧ba̧lö yötawaduwakwö.

Mateo 5:44 Referans Kwoze

Romanos 12:14

Ju'wedö usula kwemawaduwinö sulabenö ja̧tjenama, Diosnö akebaduwo jobadönöma, jobadönö pjaatobö akebaduwo. Jau chömöledö, pjaatobö akebaduwo, lȩeboböma akebaduwoko, ökwödönö sulabenö ja̧badönöma.

1 Pedro 3:9

Ju'wedö ökwödönö sulabenö ja̧tjenama, balekwa mikwa sulabenöma ja̧köbaduwoko, ja̧danö ökwödönö sulabenö yötja̧lenama, balekwa mikwa jobadönö sulabenöma kwatadaduwoko. Jau chömöledö, jobadönö balekwa mikwa sulabenöma ja̧bökönö, Diosnö akebaduwo, jobadönö pjaatobö. Jau chömöledö, Diosma ökwödönö jwöinobe, okwödönö dösölö̧jinö pjaatobö, ja̧danö Dios ökwödönö jejenö pjaatobetjö̧, ja̧ omukwatö ju'wedönö pjabatö Diosnö akebaduwobö jo̧be.

Lucas 23:34

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

1 Pedro 2:23

Jo̧banö sulabenö yötja̧lenama, balekwa mikwa sulabenöma atadinokobe, ja̧danö usula emawenama, usula emawinö ja̧badönö yebeabinöma yöa̧linokobe. Jau chömöledö, Cristoma jwaikwöda Diosnö, inesö jojodö ja̧tji̧ otiwojobö sulojobö jö̧ba̧lö yöbawo̧nö o̧'wo̧ wana̧lö ite'ada̧linobe, jo̧bada bajaliyanö yöawakwo̧ jö̧ba̧lö. Ökwödöbi jo̧ba omukwatinadanö kwomukwataduwo chömöledö, ja̧danö usula kwemawaduwenabi jwaikwöda otiwanö ja̧bö kwöbaledaduwo, Cristo ökwödönö i̧sebinadanö.

Hechos 7:60

Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.

2 Reyes 6:22

Abebö a̧ja̧kwökwe, —Bidönö kwabö loköboko. Ökwöda kwökwölöte'onö, ja̧danö kwitea 'böpönö bidönö juluwajo̧, ina 'yaba̧ladönö do̧katitjö̧ma, jobadönö kwabö loköbenaji̧? Kwabö loköbökena, jö̧tö? Jo̧kwajabetjö̧, bidönö pan tjukwobö kwiyo, ja̧danö ojwiyo tjowobö kwiyo. Ikenama, tjukwaja̧ ikena, ja̧danö tjowaja̧ ikenama, webö loköbodönö, tjuluwo̧ ö̧jobekwö tjȩwa̧jakobetjö̧, —jö̧ba̧lö atadinobe Eliseoma.

1 Samuel 24:17

Ja̧danö Saulma Davidnö yöa̧linobe, —Isabenö ökwöma otiwanö ja̧bö chö̧ji̧tjö bajalekwönönö otiwanö ja̧bö jo̧ja. Ötjöma ökwönö sulabenö ja̧tijayonö, ökwöma jwaikwöda otiwanö pjabatöda ja̧bö kwö̧jajabe.

Proverbios 19:11

Ja̧danö, ju'wibi yötawa: Bakwo̧ ö'wiyakwawönö omukwatobetjö̧ juluwanö ödameakwokobe. Jo̧banö sulabenö yöba̧la̧dönöbi labinö atadö̧kö̧. Isabenö, jojodöma jo̧banö otiwanö tjedobe, otiwanö omukwato̧ jö̧ba̧lö, sulabenö yöba̧ladönö labinö atadokobetjö̧.

Juan 13:34

Ja̧danö, 'yayi̧ weti̧, babe weti̧ma wetobö jö̧ta̧la ökwödönöma, biya̧: Ökwödödada ile nibekwö kwö̧jaduwo. Ötjö ökwödönö ile nitebi̧danö kwömöledöduwinö ile nibekwö kwö̧jaduwo.

1 Tesalonicenses 5:15

Ja̧danö, ökwödönö sulabe baibenama, kwite'ada̧laduwo, ökwödötjö bakwo̧bi balekwa mikwa sulabenö ja̧apji jö̧ba̧lö. Kabatökönö otiwanö ja̧bö kwö̧jaduwobö kwisakwaduwo, kwömöledöduwi Jesúsnö ösödadönöbi, ju'wedö jojodönöbi.

Hechos 16:28

Ja̧danö, jo̧banö edö Pabloma labinö jö̧ba̧lijetö: —¡Bulatakwawöma loköba! Edi, okobe deinö ökwödö beju okwanö ba̧jadöma bena dö̧baja. Ladekwokobe— jö̧ba̧lijetö.