Mateo 5:4 - Dios Iwene

⁴ Tjo̧'wo̧ tjo̧achö budekwadöma isabenö tjo̧'wo̧ ösöwanö tjö̧jakwedö, tjo̧'wo̧ tjo̧achajabetjö tjo̧'wo̧ ösöwachibanö tjö̧jakobetjö̧.

Mateo 5:4 Referans Kwoze

Apocalipsis 21:4

Diosma, ömöledönö otiwanö ite'ada̧lakobe. Jobadöma belöma budekwabinö tjuju̧kwinajayonö, tjo̧wi̧, babema budekwaböködö. Ja̧danö, yemidanö wotjökakwedö. Ajayi suli̧ baledinama, la'akatjöda yemidanöma suli̧ma baledökakwawö̧. Ja̧danö, tjo̧'wo̧ tjo̧ebi̧bi yemidanöma baledökakwawö̧. Budekwöbi, nii̧bi niökakwawö̧ ajayinö baledinadanö— jö̧ba̧lö cha̧ja̧kwijatö.

Isaías 57:18

Ötjöma chömöledö sulabenö ja̧bö tjö̧ji̧ chedajabe, jo̧kwaijayonö yayonö jobadönö pjatatakwo̧sa, ja̧danö tjö̧bibajinö otidö lotocha. Jobadönö öbibö jwetebocha, ja̧danö jobadö o̧'wo tjo̧achö budekwadönö, tjo̧'wo ösöwobö pjatatocha.

Lucas 6:21

Ökwödötjö a̧wi̧chi̧ lö̧jawö̧ma isabenö tjo̧'wo̧ ösöwanö tjö̧jakwedö, tjomeawachibanö tjujuna̧lakobetjö̧. Ökwödötjö o̧'wo̧ tjo̧achö budekwadöma isabenö tjo̧'wo̧ ösöwanö tjö̧jakwedö, isabenö tupakwö jwiinö tjo̧'wo̧ ösöwachibanö tjö̧jakobetjö̧.

Santiago 1:12

Chö̧ja̧wo̧dö, wene baledena tjo̧'wo̧ 'dibachibö, jwaikwöda, Diosnö tjo̧'wo̧ wana̧lö 'ya̧döma, Dios pjaatawö̧. Ja̧danö, jwaikwöda tji̧'yi̧ma tji̧sekwobe, Diosnöda do̧'wo̧ wana̧lö ja̧dösa, jö̧ba̧lö. Ja̧danö chö̧ja̧wo̧dö, jobadöma Dios yöbawö ujunina tjemakwedö, ba̧kwȩlö̧jatebö ja̧kwawama. Jau chö̧ja̧wo̧dö, Diosma yöbawö ujuninobe, Ötjönö ösödadönö ba̧kwȩlöjatebo ja̧kwawa chiyakwo̧sa, jö̧ba̧lö.

Isaías 25:8

Ö'wö baibakwawabi söbebö loakobe duluwo̧ Isabenö Jo̧ma, ja̧ möle tupakwö, la'akatjöda ö'wö batjibökakobetjö̧. Ja̧danö o̧'wo tjo̧achö tjubudesobuma, okobe deinö tjöbajaletjö 'do̧bebö loakobe. Ja̧danö, ökwödö israel jojodö, iteda ömöledö tabakwö dö̧ji̧bi söbebö loakobe, jemi tupakwö la'akatjöda tabakwö dö̧jökakobetjö̧. Jobekwö yöawajabe Isabenö Jo̧ma, ja̧danö isabenö yöawaja̧danö badekwachinö baledakobe.

Isaías 66:10

Jobekwö juluwanö jemobetjö̧, okobe deinö ökwödö Jerusalennö ösödadöma, jobujukwö kwo̧'woduwi ösöwanö kwö̧jaduwo. Okobe deinö ökwödö jobujunö ile nibebö ösödadöbi, jobujunö budekwadöbi, bakobe Jerusalenkwö kwo̧'woduwi ösöwachibanö kwö̧jaduwo.

Isaías 35:10

Tjöpöjojodö tjujulutjwö Isabenö Jo̧ tjö̧jibinö pjaatinawö̧ jamabenö Sion mösa'obe tjȩwa̧jakwedö. Tjo̧'wo ösöwachibanö lo̧awa lo̧bö, Sion mösa'obe tjichibakwedö, ja̧danö 'dö̧bibajökönö, ba̧kwelöjatebö tjo̧'wo ösöwanö tjö̧jakwedö. Ja̧ möle la'akatjöda o̧'wo tjo̧achö tjö̧jökakwedö, ja̧danö la'akatjöda usula tjemawökakwedö, Isabenö Jo̧ pjaatiawö̧, jwaikwöda ba̧kwelöjatebö tjo̧'wo ösöwanöda tjö̧jakwedö.

Isaías 30:19

Yadakwö isabenö Sion mösa'onö tjö̧jakwedö jojodöma, ja̧danö Jerusalennö ju̧kwadöma budekwö katjatibakwedö. Kwo'woduwi tjo̧bekwö pjaatobö jwökeba̧laduwiökwe, a̧ja̧kwakwo̧ Diosma, jadanö a̧ja̧kwajo̧, isabenö lȩlöjinö edö pjaatakwo̧. Jau, a̧ja̧kwenama, isabenö juluwanö atadö pjaatakwo̧.

Lucas 16:25

Aebökwe Abrahamma atadinobe: Chitji̧, ina böjȩnö kwö̧jayi kwö̧jina omukwatibi. Jenama, ökwöma otiwa jawa kwujuna̧lonö, bite Lázaroma usula emawö suli̧ jawada ujuna̧linobe, ¿jö̧tö? Babema ötjökwö o̧'wo̧ ösöwanö ö̧jonö, ökwöma usula emawö jo̧ja.

Lucas 6:25

Ja̧danö, ökwödötjö babe tjomeawinö kwajadöma, ayö, isabenö o̧'wo̧ tjo̧achö tjö̧jakwedö, isabenö a̧wi̧chi̧ lö̧jawö̧ tjö̧jakobetjö̧. Ja̧danö, ökwödötjö babe tjo̧'wo̧ ösöwanö obadöma, Ayö, isabenö o̧'wo̧ tjo̧achö tjö̧jakwedö, isabenö o̧'wo̧ tjo̧achö tjubudekwakobetjö̧.

Isaías 12:1

Ja̧danö, ja̧ möle Dios jwiinö otiwanö pjaatiawö̧, baikwö yöka̧laduwakwedöja: —Duluwo̧ Isabenö Jo̧, otiwanö pjabato̧ja jö̧ba̧lö yöda̧lakwö. Jau Duluwo̧, ajayinö ökwödönö kwödameakwijatö, jo̧kwaijayonö ajayinö kwödameakwinajayonö, kwödameakwi̧ma kakatibajabe, ja̧danö do̧'wo ösöwachibanö pjakatajabe.

Lucas 7:38

ja̧danö Jesús oma'apekwöchobe bȩbachibö jubudekwinobe. Budekwö, jubudesobunö Jesús ömasapiya jidichinobe, ja̧danö jöwö'yenöbi 'do̧jinobe Jesús ömasapiyama, ja̧danö Jesús ömasapiya du̧batö, omewi̧ jawa Jesús ömasapiyanö tobebö dujebinobe.

Isaías 66:2

Okobe jwiinö mölejȩnö ji̧bi, bö̧jȩnö ji̧bi, ötjöda chotidijatö chömöledö, ja̧danö okobe jwiinö kwedaduwi̧ma, ötjö chiteada edadöja. Jo̧kwajabetjö̧ cheju baibanö kwiyaduwobö jwibadöja chömöledö. Jobekwö ötjö Isabenö Jo̧ma yötawaduwakwö. Ju'wibi baikwö yötawaduwakwö: Ötjö otiwanö edö pjatatakwawö̧ma, bidö: Tjomajadenö, —Mikwawöködösa, —jö̧ba̧lö omukwatadö, yötawi̧ a̧ja̧kwö, yebabinö tjö̧bawö, sulabenö tjomukwati̧ kabatibö balewachadöma.