Mateo 5:21 - Dios Iwene

²¹ Tupakwö yöawinobe Jesúsma: —Ökwödöma kwa̧ja̧kwinaduwobe da'dödöminenö weinama, jojodönö kwabö lobökönaduwi, ja̧danö, jojonö kwabö loköbitjö̧ma, lȩekwa jo̧be jö̧ba̧lö weinama kwa̧ja̧kwinaduwobe, ¿jö̧tö?

Mateo 5:21 Referans Kwoze

Deuteronomio 5:17

–Ja̧danö, ju'wibi wetaduwakwö: Jojodönö kwabö loköbaduwoko.

Éxodo 20:13

Ja̧danö, ju'wibi wetaduwakwö: Bakwo̧ jelo̧nö kwabö loköbaduwoko.

Mateo 5:38

Tupakwö yöawinobe Jesúsma: —Chömöledö, weawa kwa̧ja̧kwinaduwobe, bakwo̧ sulabenö ja̧aja̧danö, balekwa mikwa jo̧banö lȩekwa jo̧be. Jelo̧ öbajale 'dainö kwaitjö̧ma, balekwa mikwa öbajale 'dainö ja̧bö lȩekwa jo̧be, ja̧danö jelo̧ o'ye paduwibanö doitjö̧ma, balekwa mikwa o'ye paduwibanö ja̧bö lȩekwa jo̧be, jö̧ba̧lö weawa kwa̧ja̧kwinaduwobe, ¿jö̧tö?

Mateo 5:33

Tupakwö yöawinobe Jesúsma: —Chömöledö, kwa̧ja̧kwinaduwobe, da'dödöminenö weinama, ja̧köbakwa̧ yöbawö kwujunitjö̧ma, yöbawö kwujunajöködanöma ja̧köbaduwa, jö̧ba̧lö. Ja̧danö, okobe jwiinö yöbawö kwujunaja̧ma, Dios öba a'otjö ja'yubebi junibökönö ja̧bi, jö̧ba̧lö weina kwa̧ja̧kwinaduwobe, ¿jö̧tö?

Mateo 5:27

Tupakwö yöawinobe Jesúsma: —Ökwödöma weawa kwa̧ja̧kwinaduwobe, kwi̧lȩkwa̧muböködökwöma ja̧bökönaduwi jö̧ba̧lö laebi̧ weawama, ¿jö̧tö?

Mateo 5:43

Tupakwö yöawinobe Jesúsma: —Yötjawi̧ kwa̧ja̧kwinaduwobe chömöledö, kwömöledö kwipjeanö ju̧kwadönö kwösödo, jo̧kwaijayonö kwöpöjojodönö kwöpöjödo, jö̧ba̧lö yötjawi̧ kwa̧ja̧kwinaduwobe, ¿jö̧tö?

Deuteronomio 16:18

Tupakwö yöawinobe Moisesma, israel jojodönö: —Chömöledö, kwiteboduwi bakwasokwena niji ba̧kwȩmeachibanö, okobe jwiinö kwiteboduwi comunidadteniatjö lȩekwa luwedönöbi, ju'wedö luwedönöbi 'da̧batö kwujunaduwo, tjömöledö wene yötjawi̧ a̧ja̧kwö, jweinö lȩekwa yötjawakobetjö̧.

2 Samuel 20:18

Atadoko yöja̧linobe, —Bemi Abel comunidadma, isabenö waisanö omukwatadö tju̧ju̧kwobe comunidad, baikwö yöta̧la: Damötjö̧ jojodö jwöjwötjakwawenama, yöba̧liatjinobe, –Abel jojodöma isabenö waisanö lȩbebadö, jo̧kwajabetjö̧ Abel comunidadtjöda abebö da̧ja̧kwo, dite otiwanö yöa̧lojobö döwaisakobetjö̧, –jö̧ba̧lö.

1 Juan 3:15

Ja̧danö, Diosma öjawo̧nö o̧'wo̧ sulinö edo̧nöma jojonö kwabö lobo̧danö, bakwainö, edobe. Ja̧danö döwaisa chömöledö, jojonö kwabö lobo̧ma Dios 'yayi̧ ja̧kwawa iyi̧ma jwibo̧ o̧'wo̧ luwo̧nö, ba̧kwȩlö̧jatebö ja̧kwawama, jö̧ba̧lö. Isabenö ökwödö, do̧'wo̧ luwo̧nö 'yabayedöma dö̧ja̧wo̧dökwö ösödabikwawö duju̧kwobö jo̧be.