Mateo 4:8 - Dios Iwene

⁸ Jemi ikenama Awetjama Jesúsnö öbibö i̧'yinobe mö'ösa'o jwiinö möa'o wa̧pekwa'obe, ja̧danö okobe deinö tjitebotenia i̧sebinobe, ja̧danö tjitebokwena otiwanö tjö̧ji̧ i̧sebinobe.

Mateo 4:8 Referans Kwoze

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

Apocalipsis 11:15

Jemi ikena trompeta pjubo̧, jelemutjö domulatajasanu pjubo̧ baibanö pjubo̧ pjuenama mölejȩbetjö labinö tjiwene yötja̧li̧ cha̧ja̧kwijatö, biya̧ tjiwenenö ökwöi̧: —Tjo̧wi̧ta. Böjȩma Duluwo̧ Dios La'aka Luwo̧ ö̧jena badekwachajabe. Ja̧danö, Dios weinökwe, jojodö tjö̧jibinö pjaatobö weinökwe La'aka Luwo̧ ö̧jenanö badekwachajabe. Jobadöma ba̧kwȩlö̧jatebö webö tjö̧jakwedö— jö̧ba̧lö, ökwöi̧ cha̧ja̧kwijatö.

1 Pedro 1:24

Jau chömöledö, böjȩ jojodöma lekwema jö̧ködö, Dios iwene laebi̧danö, baikwö laebobe Dios iwenema: Okobe deinö böjȩ jojodöma, meje'yedanö ichejekwadö, ja̧danö tjotikwi̧ma, o̧bubiya otikwi̧danö ichejekwobe. Meje'yema wobö kököachibobe, ja̧danö o̧bubiama kököbachö tjoduwobe,

Daniel 4:30

Ja̧danö, edö, yöa̧linobe itedada, isabenö biya̧ inesö otiwobe comunidad Babiloniama, ötjöda otiwanö chotidajabe, yöbawö weti̧ comunidad baibanö. Ötjöda chujulunö otiwanö chotidajabe, chujulu otiwanö öwawobö, okobe deinö edö ötjönö tjöwaisobö, Nabucodonosorma isabenö jwiinö juluwo̧ jö̧ba̧lö, yöa̧linobe Nabucodonosorma itedada.

Mateo 4:5

Jemi ikenama Awetjama Jesúsnö öbibö i̧'yinobe Jerusalénbe, Dios ejutjö wa̧pekwobe,

Juan 5:20

Ja̧danö, Diosma ötjönö, iteda itji̧nö jwiinö ile niebobetjö̧ iteda otidi̧ma okobe jwiinö i̧sebobe ötjönöma, iteda ösödi̧ chöwaisobö. Ja̧danö, Diosma ju'wi jawabi i̧sebakobe, ötjö otiwa jawa chotidakwa̧ma. Yelösöda, kwebachö̧kö̧nö otiwanö baibanö chotidajemitjö o̧penönö mikwawi̧ jawa chotidakwo̧sa. Jejenö chotidiawö̧ ökwödöma, ¡Ayö!, jö̧ba̧lö, kwöbajaleduwi jalaka baibanö kwedaduwakwedöja— yöawinobe Jesúsma judío la'aka luwedönö.