Mateo 4:18 - Dios Iwene

¹⁸ Jesús o̧pesobu Galilea mikwobu ö'öbönö kweachemi, ömadö du̧ju̧taja ba̧i̧ jwobadönö edinobe, Simón ju'wi imi Pedro mikwo̧nöbi, öjawo̧ Andrés mikwo̧nöbi. Jobadöma maya jwobö tjotidinobe, ja̧danö maya jwotjobe edinobe.

Mateo 4:18 Referans Kwoze

Mateo 10:2

Jobadö a̧li̧nösamutjö du̧ju̧tajabedö Jesús öba̧ja̧di̧ waisachadöma, tjimibiya baikwö laebobe: Abönö Simón, ju'wi imi Pedrobi, Pedro öjawo̧ Andrésbi. Ja̧danö Zebedeo i̧tji̧mu Jacobobi, ja̧danö Jacobo öjawo̧ Juanbi.

Lucas 6:14

Simón, ju'wi imi Pedro jö̧ba̧lö Jesús imidinökwebi, Pedro öjawo̧ Andrésbi, Jacobobi, Juanbi, Felipebi, Bartolomébi,

Mateo 16:18

Ja̧danö baikwö yötawakwö: Ökwöma inawa jö̧ba̧lö Pedro mikwo̧ja, ja̧danö wanedö yötawa, ötjöma biwa inawa wame chejudanöbedö chömöledönö chujunocha. Ja̧danö, isabenö yötawakwö, chejudanöbedöma isabenö 'diinö tjö̧jakwedö, ja̧danö woawama jobadönö juluwökakobe.

Mateo 15:29

Jesúsma jobetjö labebajo̧, Galilea o̧pesobu ö'öbönö kweachinobe, ja̧danö mö'ösa'o nöchajo̧, öbamatinobe.

Juan 6:1

Jemi ikenama Jesúsma, iteda öba̧ja̧di̧ waisachadökwö Galilea ojwe pebibö i̧'yinobe. Jödö Galilea ojwema, Tiberias ojwe ötjabödö. Imi dötölataja ötjabödö.

Juan 21:1

Ja̧ möle tupakwöma, Jesúsma yemidanö öwawachinobe öba̧ja̧di̧ waisachadönö, Tiberias tjolatjö. Ja̧ baledina yötawa.

Juan 6:8

Ja̧danö, Jesús öba̧ja̧di̧ waisachadötjö jelo̧, Simón Pedro öjawo̧ Andrésma, jö̧a̧linobe Jesúsnö:

Marcos 7:31

Ikenama Jesúsma öba̧ja̧di̧ waisachadökwö Tiro comunidadtjö labebö Sidón comunidadbe 'yi̧jetö. Ikenama jobe Sidóntjö labebö Decápolis niji 'ya̧nö, o̧pesobunö ichibijetö, Galilea mikwobu lobe.

Deuteronomio 3:17

Ja̧danö ju'wibi, Araba ötjabobe niji jobadönö chiyijatö, u'da Galilea o̧pesobutjö, Araba o̧pesobu, ju'wi imi Mar Muerto mikwobube ichibanö, ja̧danö jemi tupakwö, Pisga mösa'o ö'öböbe ichibanö. Jobekwö laebobe jobadönö chiyina niji jawo̧ meajobekwö bakwachobema, —jö̧ba̧lö yöawinobe Moisesma.

Éxodo 3:10

Jo̧kwaobetjö̧ Moisés, Egiptobe kwi̧'yobö wetakwö, faraónnö abebö ötjö chömöledönö, Israel jojodönö weobö, jobetjö ökwökwö latjebobö— yöba̧lijetö Isabenö Jo̧ma.

Éxodo 3:1

Ja̧danö, Moisésma Madiánnö ja̧nö o̧bȩja̧dönö te'ada̧liabijetö, öjaba Jetro, jobe jojodötjö Diostjö tjö'da̧denö pjabato̧ a̧jwi̧mu o̧bȩja̧dönö. Ju'wi möle Moisésma o̧bȩja̧dönö öbibö 'yi̧jetö jojodö deobekwö mejebe, ja̧wo̧ meajobekwö. Jobekwö 'ya̧nö mö'ösa'o jena ichibijetö, Horeb mikwa'o, Diosnö ösödö midö junijadötö, Dios ö̧ja'o, jö̧ba̧lö.

Mateo 4:19

Jobadönö edö, Jesúsma yöawinobe: —Ötjö chökömanö ichaduwi. Ja̧danö babe ba̧i̧ emö maya jwobö kwotidaduwi̧danö, jojodönö jwobadö bakibaduwanö ja̧takwo̧sa— jö̧ba̧lö yöawinobe.