Mateo 4:13 - Dios Iwene

¹³ Ajayinöma Nazaret comunidadbe ȩwa̧jinobe, ikenama jobetjö labebö Capernaúm comunidadbe ja̧nö i̧'yinobe. Jobe Capernaúmma, o̧pesobu nöobu Galileasobu ö'öbö comunidad, ja̧danö Israel jojodötjö Zabulónsaso, ja̧danö Neftalísaso jojodö tjitebo.

Mateo 4:13 Referans Kwoze

Juan 4:46

Ja̧danö, Jesúsma Galilea niji comunidad, Caná mikwemi ichibinobe, ojwiyotjö ubasobu o̧'do̧bu baibanö ja̧inemima. Jobe ichonö, jelobe, Capernaúm mikwobe, jobetjö bakwo̧ la'aka luwo̧ itji̧ma nöinö ö'wöchinobe.

Marcos 1:21

Ikenama Jesúsma jobadökwö Capernaúmbe kwebachö 'yi̧jetö. Jobe ichibö, otikwökö möle baibena, Jesúsma, judío jojodö ba̧nö tja̧ja̧kwa̧leju okwa tebachijetö. Tebachö jeju tebachajadönö yöbawijetö Dios iwenema.

Mateo 11:23

Ja̧danö ökwödö Capernaúm jojodöma, ¿kwedaduwemi mölejȩbe kakekwaduwakwa̧ji̧? ¡Kakekwaduwökakwedöja, Dios ökwöla nöolabe ikwö loakwa̧wö̧ja! Isabenö jojodö edajitjökö jawa kwö'da̧deduwitjö chi̧sebinadanö Sodomatjö chi̧sebinatjö̧ma, Sodoma jojodöma sulabenö tjomukwati̧ kabatibö tjöbalewacho jö̧tja̧linena, ja̧danö Diosma la'akatjöda jobadönö söbebö looko jö̧a̧linena, ja̧danö tjiteboma ina jo̧ jö̧a̧lena.

Juan 6:59

Jejenö yöawinobe Jesúsma, Capernaúmnö ja̧nö, judío jojodö ba̧nö tja̧ja̧kwa̧leju okwatjö.

Juan 6:24

Ja̧danö, kwajadöma, Jesús, jo̧ba öba̧ja̧di̧ waisachadöbi detjiawö̧, jowi ichajaowibiyanö a̧jibö pebibö tji̧'yinobe Capernaúmbe, Jesúsnö isakwö.

Juan 6:17

isowinö a̧jibö ojwe pebibö tji̧'yinobe, Capernaúmkwöchobe. Ja̧danö, ida̧ökö yi̧ibajayonö Jesúsma ina jobadö tji̧'yobekwö i̧'yinokobe.

Juan 2:12

Ikenama, Jesúsma ojo'dokwö, ö̧ja̧wo̧dökwö, iteda öba̧ja̧di̧ waisachadökwö Capernaúmbe i̧'yinobe. Jobema tjö̧jinobe, juluwanöda, wa̧pötakwa mölebi, ö'wejemu mölebi.

Mateo 17:24

Jobadö Capernaúm nijibe tjichibenama, Dios eju jawa impuesto ötjabi̧ balada emadöma Pedronö ichö abebö tja̧ja̧kwinobe: —Ökwödönö ba̧ja̧do̧ Jesúsma ¿Dios eju jawa balada imidökenaji̧?— jö̧ba̧lö.

Lucas 4:23

Ikenama Jesúsma jobadönö yöa̧linobe: —Chöwaisa kwomukwataduwi̧ma. Okobe deinö tjöwaisa waisadö dötölödönö wanedö yötja̧li̧ma. Baikwö laebobe: Bakwo̧ dötölö jawa isabenö waiso̧ ö̧jitjö̧ma, sule ju'wedönöda pjaatakwawama öwaisökena, iteda ö'wöchi̧ otikwö loawabi öwaisena, ¿jö̧tö? Jo̧kwajabetjö̧ isabenö dötölö kwö̧jitjö̧ma ökwöda kwö'wöchi̧tjö kwö̧bibajinö otikwö lobi. Ja̧danö, ökwöda kwö'wöchi̧ otikwö loköbobö kwöwaisitjöma, jenada döwaisena, isabenö ökwödönöbi pjakatobö kwöwaisobe, jö̧ba̧lö waisadö dötölönö wanedö yötja̧li̧ laebobe, ¿jö̧tö? Ja̧danö, ja̧ yötja̧li̧ laebachi̧danö ötjönö weköbaduwena. Baikwö yötawa: Ötjönö kwa̧ja̧kwaduwajabe, Jesúsma Capernaúm comunidadtjö iteda ujulu i̧sebinobe, jö̧ba̧lö, ¿jö̧tö? Ja̧ wene a̧ja̧kwö ökwödönöbi chi̧sebotö jö̧ba̧lö weköbaduwena. Jau, ötjönö weköbaduwena: Isabenö Capernaúmtjö kwujulu kwi̧sebinatjö̧ma, belö a̧dekwanö kwitebotjöbi kwujulu i̧sebi, isabenö kwujuluwojobö dedakobetjö̧, jö̧ba̧lö ötjönö weköbaduwena, ¿jö̧tö? Jelobetjö chi̧sebinadanö, belöbi chi̧sebobö weköbaduwobe— jö̧ba̧lö yöa̧linobe Jesúsma, jo̧banö öpöjödadönöma.

Mateo 4:14

Ja̧ baledi̧ma, Dios yöawi̧ yöbawo̧ Isaías mikwo̧ iwȩyudinadanö baledinobe. Baikwö iwȩyudinobe Isaíasma:

Mateo 4:15

Jordán tupakwö niji ja̧danö Zabulóntjöbi, Neftalítjöbi niji, ja̧danö isobu nöobu ö'öbö niji, Galilea ötjabi̧ nijima, ba̧jekwadö judío jojodöböködö tjö̧jena.

Mateo 9:1

Jesúsma isowinö a̧jibö, o̧pesobu bakwachobube ȩwa̧jinobe, iteda itebobe.

Marcos 2:1

Ikenama Jesúsma jojodö deena ö̧jina tupakwö, lekwökö möle baibena, Capernaúmbe yemidanö 'yi̧jetö. Jobe ichena jobe ju̧kwadöma kwebachö yöba̧lakwawijadötö, Jesúsma ichajabe, jö̧ba̧lö. Ja̧danö, ba̧jekwadö a̧ja̧kwijadötö jo̧ba ö̧jobema.

Lucas 10:15

Ja̧danö ökwödö Capernaúm jojodöma, kwedaduwemi ¿mölejȩbe kakekwaduwakwa̧ji̧? Kabekwajöködöja. Ötjönö kwöpöjödaduwobetjö̧ ¡Dios ökwöla nöolabe ikwö loakwa̧wö̧ja!— jö̧ba̧lö yöawinobe Jesúsma, jo̧banö öpöjödadö comunidad jojodönö baledakwa̧ma.