Mateo 3:9 - Dios Iwene

⁹ Omukwatökönaduwi, Aaa, Abraham i̧tji̧mu tupadanö jojodödobetjö̧, Dios lȩebököwö̧sa, jö̧ba̧lö. Abraham i̧tji̧mu tupadanö jojodö kwö̧jaduwi̧ma mikwawokobe, Dios lȩebi̧tjö kwö̧jibaduwoböma. Diosma isabenö Abraham i̧tji̧mu tupadanö jojodönö pjaatakobe, jo̧kwaijayonö ösöditjö̧ma, biwa inawiyatjö Abraham i̧tji̧mu tupadanö jojodönö otidena, jobadönö pjaatobö.

Mateo 3:9 Referans Kwoze

Lucas 3:8

Isabenö sulabenö kwomukwataduwi̧ kabatibö kwöbalewachaduwitjö̧ma, otiwanö ja̧bö ja̧nö kwöbalewachaduwaja̧ wene kwi̧sebaduwo. Yöka̧lakwawaduwa, Aaa, Abraham i̧tji̧mu tupadanö jojodödobetjö̧, Dios lȩebököwö̧sa, jö̧ba̧lö. Abraham i̧tji̧mu tupadanö jojodö kwö̧jaduwi̧ma mikwawokobe, Dios lȩebi̧tjö kwö̧jibaduwoböma. Diosma isabenö Abraham i̧tji̧mu tupadanö jojodönö pjaatakobe, jo̧kwaijayonö yöawi̧ kwöpöjödaduwitjö̧ma, la'akatjöda pjaatökakobe ökwödönö. Jau, isabenö Abraham i̧tji̧mu tupadanö jojodönö pjaatakobe Diosma. Ja̧danö, baikwö yötawaduwakwö: Jojodötjö Dios yöawi̧ a̧ja̧kwo̧ deitjö̧ma, isabenö juluwo̧ Diosma, ökwödönö pjabatökönö biwa nijinö ba̧wa inawiyatjö Abraham i̧tji̧mu tupadanö jojodö 'yabayedönö otidobö juluwo̧, jobadö 'yabayedönöda pjaatobö.

Juan 8:33

Jejenö yöawiawö̧: —¿Dakwö yöka̧laja̧daja? Ökwödöma nu'yö di̧batö tjödinawö̧danö la'akatjöda jö̧ködösa. Ökwödöma Abrahamtjö tupadanö jojodösa. La'akatjöda dö̧jokobe jelo̧ wei̧da a̧ja̧kwöma. ¿Dakwö yökawobe, Ökwödö kwuluwo̧duwi wei̧tjö lakebaduwinö bakibaduwakwedöja, jö̧ba̧lö?— jö̧tja̧liökwe:

Romanos 4:1

Chömöledö ¿ökwödö Israel jojodö da'dömine Abrahamja? ¿Jo̧bama iteda ujulunö suli̧ jwibo̧ baibinaji̧?

Hechos 13:26

Ina yöbawijetö: —Chömöledö, Abrahamtjö tupadanö jojodöbi, ju'wedö Diosnö yebabinö ösödadöbi a̧ja̧kwaduwitjö. Diosma yöbawijetö iteda otiwa jawa wene, ji̧kwa wenema ökwödönö, Israel jojodönö.

Lucas 16:24

Jobadönö edö, jwöinobe: Chabe'do Abraham, ötjönö lȩlö̧jinö edö, Lázaronö webi, ichö ötö'anö ojwiyo dobeibö, chinenenö 'dȩebobö, ötjöma bola ökwölanö ja̧nö jwiinö usula chemawobetjö̧, jö̧ba̧lö aebinobe Abrahamnö.

Juan 8:53

Ökwöma, ¿da'dömine Abrahamnötjöbi, Dios yöawi̧ yöbawinadönötjöbi o̧penönö inesö mikwawo̧sa, jö̧ba̧lö, yökawobeji̧? Ökwöma kwo̧'wo̧ jwibo̧danö yöba̧lo̧ja— jö̧tja̧linobe.

Lucas 5:22

Jejenö tjomukwatiökwe, Jesúsma tjomukwati̧ öwaisinobe, ja̧danö jobadönö abebö a̧ja̧kwinobe: —¿Tajawedö sulabenö kwomukwataduwobeda kwomajadeduwinö, Jesúsma sulabenö yöba̧lo̧ Diosnö jö̧ba̧löma? Kwedaduwemi bite usula söbebö lotobö ¿chujulu jwitenaji̧?

Marcos 7:21

Ja̧danö ¿tajida ja̧ tjomajade okwatjö laebi̧ suli̧ jwöebi̧ma? Biya̧ jawa: Sulabenö omukwatakwawa, ja̧danö, bakwo̧ isuju ilekwodanö emökönö ö̧ji̧, ja̧danö, bakwuju iso̧ jilekwedanö emökönö jö̧ji̧, tjomajade okwatjö laebi̧ suli̧ jwöebi̧ma. Ja̧danö, ju'wibi: Naukwakwawa, ja̧danö, jojodönö kwabö loawa, ja̧danö, bakwo̧ jelo̧ ilekwokwö ö̧ji̧, ja̧danö, bakwuju jeluju jilekwekwö jö̧ji̧, tjomajade okwatjö laebi̧ suli̧ jwöebi̧ma.

Hechos 15:14

Simón Pedro yöawatö ökwödönöma, Dios judío jojodöböködönö ajayinö ösödi̧ i̧sebinama, jobadötjöbi iteda i̧tji̧mu batjibanö ja̧bö.

Lucas 19:40

Yötja̧liökwe Jesúsma atadinobe: —'Wi̧inö batjiboböma wetökö. Isabenö jejenö yötja̧li̧ ökwöobö jo̧be. Baikwö yötawa: Bidö 'wi̧inö batjibitjö̧ma, biwa inawiyada jwötjeba̧li̧danö jwöbeba̧lö yöa̧lena inawiyama, Diosma isabenö ja̧ yötja̧li̧ ökwöobö weobetjö̧. Jau, inawiyama jwöeba̧lököwa, ¿jö̧tö? Jo̧kwaijayonö, isabenö bidö ötjönö yötja̧li̧danö ökwöobö jo̧be, jo̧kwajabetjö̧ jojodö yötja̧lökötjö̧ma, yötja̧lo jö̧tja̧li̧ma inawiyada jwöbeba̧lö yöa̧lena— jö̧ba̧lö atadinobe Jesúsma.

Lucas 7:39

Jejenö baledobe edö, Jesúsnö a̧debajo̧ Simón mikwo̧ma omukwatinobe itedada, Jesúsma isabenö Dios yöawi̧ yöbawo̧ ö̧jitjö̧ma, bisunö öwaiso jö̧a̧lajena, jwiinö sulabenö ja̧buju jö̧ba̧lö, ja̧danö yöne jichibobö weoko jö̧a̧lajabe, jö̧ba̧lö omukwatinobe fariseo jojo Simónma.

Lucas 12:17

Jejenö nöinö wa̧jiökwe omukwatinobe: ¿Dakwö ja̧takwajö? Yelösöda nöinö wa̧jobema, ja̧ wa̧ji̧ lödawejuma obiökena. ¿Dakwö ja̧takwajö? jö̧ba̧lö omukwatinobe.

Juan 8:37

Ina yöawinobe: —Chöwaisa. Ökwödöma Abrahamtjö tupadanö jojodöja. Ja̧danö, Abrahamtjö tupadanö jojodököbaduwijayonö ötjönö kwabö loköbaduwotö jö̧ba̧lö kwisakwaduwobe. Ötjö yötawi̧ a̧ja̧kwö kwo̧'wo̧ luwo̧nö kwöpöjödaduwobetjö̧ kwabö loköbaduwobö jö̧ka̧laduwobe.