Mateo 27:57 - Dios Iwene

⁵⁷ Yi̧benakwö, bakwo̧ José mikwo̧ma Pilato ö̧jobekwö i̧'yinobe. Jo̧ba Joséma Arimatea jojo, ja̧danö nöinö balada juna̧lo̧, ja̧danö ju'wibi Jesús öba̧ja̧di̧ waisacho̧ ö̧jinobe.

Mateo 27:57 Referans Kwoze

1 Samuel 1:1

Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.

Isaías 53:9

Jo̧banö kwabö lobajadö, sulabenö ja̧badönö lödawemi tjo̧tjobö jö̧tja̧linökwe, jo̧kwaijayonö ö'wö baibenama, nöinö juna̧ladökwö tjo̧tji̧nökwe. Jojodönö suli̧ öwaedinököjayonö, ja̧danö ja'yubebi omöna yöa̧linököjayonö,

Mateo 27:58

Jo̧ba Joséma, Pilato ö̧jobekwö 'ya̧nö aebinobe, Jesús iteba'o emö ödobö. Jejenö aebökwe, Pilatoma weinobe, Jesús iteba'o jo̧banö tjiyobö,

Hechos 13:29

Ikenama okobe jwiinö Jesúsnö baledakwa̧ tjiwȩyudinama badekwachajena ju'wedöma Jesúsnö, ö'wö babibajo̧nöma ösötetjö meatö e'ewö lödijadötö i̧lȩdo̧nö.

Marcos 6:29

Ikenama Juan ömöayedöma jejenö baledi̧ a̧ja̧kwö 'yi̧jadötö Juan owobiako emö. Emö ȩwa̧jadöma i̧lȩdo̧ okwa lödijadötö. Jejenö baledijetö Juan Ojwenö Bu̧dato̧ ö'wö baibina wenema.