Mateo 27:53 - Dios Iwene

⁵³ Jobadöma wobiakotjö latjebinobe, ja̧danö Jesús wobajaletjö tjeachaja̧ ikenama, jobadöma Jerusalén comunidadnö tetjachinobe, ja̧danö ba̧jekwadö jojodö jobadönö tjedinobe.

Mateo 27:53 Referans Kwoze

Apocalipsis 11:2

Jejenö ba̧ja̧dö kwedobö wetijayonö cheju a̧petuma ba̧ja̧döma kwedoko. Jobema judío jojodöböködö sulabenö ja̧tjobö jo̧be. Jobadöma, ötjö 'da̧batö chujuninemi comunidadnö tebachö, tjujuluwakwedö. Ja̧danö, ja̧wo̧dö cuarenta y dosnö, jobetjöma, la'aka luwedödanö sulabenö webö tjö̧jakwedö— weijatö Diosma ötjönöma.

Mateo 4:5

Jemi ikenama Awetjama Jesúsnö öbibö i̧'yinobe Jerusalénbe, Dios ejutjö wa̧pekwobe,

Apocalipsis 22:19

Ja̧danö, jelo̧, biya̧ wȩyukwatjö ja'yubebi söbebö loitjö̧bi, jo̧banöbi Diosma lȩebakwo̧. Yelösöda, jo̧bama Dios jwiinö otiwemi comunidadnö teachö̧kakwo̧. Ja̧danö, ba̧kwȩlö̧jatebö ja̧kwawa towi wa̧ji̧tjö kwakwawama, yelösöda ukwökakwo̧. Ja̧danö, Diosma jo̧banö kaatibobetjö̧, a̧petubeda ö̧jakwo̧. Jejenö lȩebakwo̧, biya̧ wȩyukwatjö ja'yubebi a̧ja̧kwökönö, söbebö lobo̧nöma.

Apocalipsis 21:2

Ikenama 'yayi̧ Jerusalén ötjabemi chedijatö, Dios 'da̧batö ujuninemima. Jemi 'yayi̧ Jerusalénma mölejȩbetjö böjȩkwö jwiachobe chedijatö. Yelösöda, otiwemi 'yayi̧ Jerusalénma. Bakwuju jilekwenö jemakwuju otiwanö otikwö, otiwanö 'dujawi̧danö otiwemi, 'yayi̧ Jerusalénma.

Daniel 9:24

Baikwö yöawinobe Gabrielma Danielnö: —Diosma omukwatö ujunajabe, kwömöledö Israel jojodönö tjö̧jibinö pjaatakwa̧ abönö, ina cuatrociento noventa o̧biya tjöbaledobö jo̧be jö̧ba̧lö. Ja̧danö, Dios badedö ujunina möle badekwachenama, tjusulatjö tjö̧jibinö pjaatakobe. Sulabenö ja̧tji̧ katjatibobö ja̧akobe, ja̧danö tjusula söbebö loakobe, okobe jwiinö suli̧ söbebö loakobe. Ja̧danö ja̧ mölema Diosda yöbawö weakobe, bakwainö otiwanö ba̧kwȩlö̧jatebö yöbawö weakobe. Ja̧ mölema Dios yöawi̧ yöbawo̧ Jeremías iwȩyudinadanö badekwachakobe, ja̧danö ökwö kwi̧'wi̧dinö kwedinadanö badekwachakobe, ja̧danö Jerusalénnö jȩju Dios ejuma, yemidanö isabenö Dios eju baibanö dichö loakobe.