Mateo 27:3 - Dios Iwene

³ Lȩekwa luwedö Jesúsnö kwabö lotjobö wetjiökwe, Judas, Jesúsnö iyö lobajo̧ma o̧'wo̧ tjo̧achinobe, jo̧banö iyö lotoko jö̧ta̧lajabe jö̧ba̧lö. Jejenö omukwatö, tjimidina balada treintanö plata ö̧pi̧biya e'ewö 'ya̧nö tjeatinobe ö'weje pjabatadö tjuluwedönöbi, jojodötjö damönöbi,

Mateo 27:3 Referans Kwoze

2 Corintios 7:10

Jau chömöledö, böjȩ jojodö tjo̧'wo̧ tjo̧achi̧danö o̧'wo̧ tjo̧achakwawama, pjaatökö ji̧ chömöledö, sulabenö tjomukwati̧ tjöbalewachokobetjö̧ woawada ji̧. Jo̧kwaijayonö Dios ösödi̧danö o̧'wo̧ tjo̧achakwawama otiwa, sulabenö tjomukwati̧ tjöbalewachinö ji̧obetjö̧, ja̧danö tjö̧jibinö ja̧i̧.

Juan 18:3

Jo̧kwaobetjö̧, Judasma romano jojodötjö guardianöbi, Diostjö jojodötjö ö'weje pjabatadötjö la'aka luwedö wetjajawö̧nöbi, fariseo jojodö wetjajawö̧nöbi öbibö i̧'yinobe jobe batjobema. Ja̧danö, la̧pa̧la̧yu̧biyanöbi, dejewa'yu̧biyanöbi deja̧lö tji̧'yinobe. Ja̧danö, tokwötebiyabi, ö̧'i̧ya kwakwatjakwa̧ ö̧'i̧yabi do̧ba̧lö tji̧'yinobe Jesúsnö do̧tjatobö.

Juan 13:27

Ja̧danö Judas, panpja̧ do̧batö ukwena Awetjama Judas o̧'wo̧ luwo̧nö teachibinobe. Ikenama Jesús jö̧a̧linobe Judasnö: —Tjo̧wi̧. Kwomukwato jö̧ka̧laja̧ma juluwanö ja̧bi— weinobe Jesúsma Judasnöma.

Juan 13:2

Ja̧danö, ja̧ yi̧bena Jesúsma öba̧ja̧di̧ waisachadökwö tjukwinobe. Ömöayedötjö bakwo̧, Simón itji̧ Judas Iscariote mikwo̧ma ida̧ökö Jesúsnö iyö loakwa̧ma omukwatinobe, Awetja jejenö o̧'wo̧ sulinö edobö weinökweobetjö̧.

Éxodo 21:32

Ju'wi wanedö yötawa: Bakayaso̧ma jelo̧ midö eminökwenö, midö eminokonö töbö i'yekanö tibatö loitjö̧ma bakayaso̧ a̧ji̧kwo̧ma plata treinta ö̧pi̧bi̧ya imidobö jo̧be tibatö loökwe uluwo̧nöma. Ja̧danö, bakayaso̧nö kwabö lotjobö jo̧be inawiyanö ikwawö— jejenö webijetö Isabenö Jo̧ma Moisésnö.

Hechos 1:18

Jejenö do̧batö ujuninajayonö jelobekwö omukwatinobe Judasma— yöbawijetö Pedroma—. Ja̧danö, jo̧bama Jesúsnö weachina ikenama baikwö baledinobe: Sulabenö iyö loina mikwa baibanö nijima eminobe, itebo baibanö. Ikenama ju'wi möle, jobe nijinö kwebachö, mötjö nijakwö labinö meinobe. Meemi ukwa'wo 'dainobe okobe jwiinö ö'yapiyubi kȩ'achajinö.