Mateo 26:67 - Dios Iwene

⁶⁷ Ikenama Jesús öbanö sutjinobe, ja̧danö jo̧banö kwakwatjinobe, ja̧danö jobadötjö ju'wedö jo̧banö öbanö 'bȩbö yötja̧linobe:

Mateo 26:67 Referans Kwoze

Isaías 50:6

Ja̧danö öpöjödadö ötjönö kwakwatjenema, yayonö katatibijökötö, jwaikwöda Dios wei̧ a̧ja̧kwö ja̧nö, wainö chibeka kwakwatjobö chi̧sȩbijatö. Ja̧danö cha̧jȩsa'ye 'yetjobö jö̧tja̧lenama, öpöjödökönö cha̧jȩ chi̧sebijatö, wainö 'yetakobetjö̧. Ötjönö otjenabi, ötjönö sutjenabi, yayonö tabatjö chöbama ju̧kwawö̧kö̧sa.

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Juan 18:22

Jejenö atadiökwe bakwo̧ guardia jojoma Jesúsnö kwainobe ömamunö. Kwabö jö̧a̧linobe: —¿Tajawedö jejenö yöka̧la Diostjö jojodötjö ö'weje la'aka pjabato̧nöma? Jo̧kwadabo̧ yöka̧li̧danö yöka̧la jo̧banöma— jö̧a̧linobe.

Mateo 27:30

Ja̧danö jo̧banö sutjinobe, ja̧danö isö̧'a Jesús do̧a̧lö̧'a̧ do̧batö, Jesús uunö kwatjinobe.

Marcos 14:65

Jejenö jö̧ba̧lö jojodöma Jesús öbanö susubijadötö. Öbanö kamijido̧ di̧batö edokonö kwakwabö obö jö̧ba̧lijadötö: —Babe kwakwadena yöbawi, Dios iwene yöbawo̧. ¿Didöjayedöobö ökwönö kwakwabadöma?—sulabenö obö jö̧ba̧lijadötö. Guardiabi Jesúsnö do̧batö öbanö 'do'dobijadötö.

Mateo 5:39

Jo̧kwaijayonö, wainö wetaduwakwö chömöledö baikwö: Sulabenö ja̧badönö kwölabikwawaduwoko jö̧ba̧lö. Jelo̧ kwibekasa'wonö 'bȩitjö̧ma, jalachibi bakwachobesa'wobi 'bȩobö, balekwa mikwama jo̧banö 'bȩköboko.

Hebreos 12:2

Ja̧danö jwaikwö 'ya̧nö, me'dawachibökönö, Jesús, dö̧jibinö pjabato̧nö eda̧löda di̧'yobö jo̧be. Chömöledö, Jesúsma ökwödönö pjaatinobetjö̧ Diosnö do̧'wo̧ wana̧ladö babibinadösa, Jesúsnö do̧batö emö. Ja̧danö, Jesús ökwödönö pjaatinobetjö̧ ba̧kwȩlö̧jatebö Diosnö do̧'wo̧ wana̧ladösa, jo̧banö kabatibökönö, jwaikwöda 'ya̧nö. Jo̧kwaobetjö̧ chömöledö, Jesúsnöda omukwata̧lö, jo̧ba i̧'yinadanö di̧'yobö jo̧be. Jo̧ba ö̧jina omukwataduwi. Yelösöda usula emawö woinobe towisa'onö bȩtjajökwema. Isabenö, ja̧ jo̧banö lȩtjebi̧ma yelösöda jwiinö taba̧lö̧ji̧ jawanö lȩtjebinobe. Jo̧kwaijayonö Jesúsma omukwatinokobe itenöda taba̧lö̧ji̧ jawanö lȩtjebi̧ma. Usula emawijayonö ju'wi möle baibakwa̧ omukwatinobe, jwiinö o̧'wo̧ ösöwanö ö̧jakwa̧ma. Ja̧danö, Jesús towi sötenö bȩtjajökwema ö'wö baibinobe. Jemi ikenama ö'wö babibajo̧ma wobajaletjö tjeachajinobe. Ja̧danö, yemidanö tjebachajo̧ma mölejȩbe kabekwachajö ȩwa̧jinobe. Ȩwa̧jo̧ma Abe'do Dios ö̧bemi öwaisobekwöchobe öbamatinobe. Chömöledö, Jesúsma jwiinö usula emawijayonö kaatibinokobe ju'wi möle baibakwa̧ omukwatobetjö̧, jwiinö o̧'wo̧ ösöwanö ö̧jakwa̧da. Jo̧kwaobetjö̧ chömöledö, jwaikwö 'ya̧nö, kabatibökönö, Jesús, dö̧jibinö pjabato̧nö eda̧löda di̧'yaduwo.

Juan 19:3

Ja̧danö, jo̧banö omöna tjo̧'wo̧ sulinö waneda̧lö obö, Dokwa judío jojodö tjuluwo̧, jö̧ba̧lö, tjömamijunö kwakwatjinobe.

Marcos 15:19

Ikenama Jesús uunö kwakwabijadötö ö̧sö̧'anö. Ja̧danö, subakwöbi subakwijadötö. Ja̧danö, tju̧yu̧ju̧ki̧junö bamatö tjöba nijakwö bȩbachibö, tjuluwo̧nö tjösödi̧danö omönanö tjo̧'wo̧ sulinö waneda̧lö obijadötö.

Isaías 52:14

Jo̧kwaijayonö ajayinö jo̧banö tjedenama, tajijö jö̧ba̧lö, tjöbajale jalaka baibanö tjedinökwe. Jau, nöinö kwakwatjökwe, öbama jojo öbadanö ichejekwinokobe, ja̧danö jwiinö usula emawo̧ ö̧ji̧ edö, jo̧banö wajwitjo jö̧tja̧linena, —Bitema jojoso̧, —jö̧ba̧lö.

1 Corintios 4:13

Ökwödönö sulabenö yötja̧lenama, otiwanö dösölö̧jinö yöba̧lö datadobe. Jau chömöledö, okobe deinö tjöpöjödawö̧ dö̧jobe ökwödöma. Ja̧danö babebi okobe deinö tjöpöjöda'wo sula'wodanö dichejekwa ökwödöma.

Marcos 10:34

Jobadöma oböbi otjakobe ötjönöma. Ja̧danö, subakwöbi sutjakwakobe ötjönöma. Ja̧danö, kwakwaböbi kwakwatjakobe ötjönöma. Ikenama ötjönöma kwabö lotjakobe. Jo̧kwaijayonö, wa̧pötakwa möle baledajena ötjöma yemidanö tjetachajakwo̧sa— yöbawijetö Jesúsma iteda öba̧ja̧di̧ waisachadönö, itenöda baledakwa̧ma.

1 Reyes 22:24

Yöa̧liökwe, Sedequiasma yöne ichibö, Micaiasnö 'bȩinobe ibekasa'wonö, ja̧danö Micaiasnö yöa̧linobe: —Omöna. Isabenö Jo̧ yöawi̧ yöbawo̧sa, kwedemi ötjötjö labebö, ökwönöda yöawobeji̧, Isabenö Jo̧ o̧'wo luwo̧ma? Ömöna yöka̧la, —jö̧ba̧lö.

Deuteronomio 25:9

öpöemine ilekwobinujuma ö̧jobekwö 'ya̧wibö, ömasapatjö sapatu 'döjebobö ja̧kobe, ja̧danö öbanö sujobö ja̧kobe. Jemi ikenama yöja̧lobö ja̧kobe, –Ökwödanöjayedö, tjöpöemine ilekwobinujunö ji̧tji̧kwobö pjabatöködönö, ökwönö chi̧sȩbaja̧danö baledobö ja̧kobe, sulabenö tjöpöemine imi söbebö loawa ja̧tjobetjö̧, –yöja̧lobö ja̧kobe.

Mateo 26:68

—Ökwö, ötjöma Dios weakwo̧ jö̧a̧linökwesa jö̧ba̧lo̧ma, yöbawi: ¿Tida ökwönö 'bȩaja̧da?— jö̧ba̧lö sulabenö obö yötja̧linobe.