Mateo 26:42 - Dios Iwene

⁴² Ikenama, Jesúsma yemidanö tjebachibö 'ya̧wibö Diosnö aebinobe: —Chabe'do, usula chemawakwa̧ baledobö jwiitjö̧ma, isabenö usula chemawobö ji̧tjö̧ma, ökwöda kwösödi̧danö baibobö chösöda— jö̧ba̧lö.

Mateo 26:42 Referans Kwoze

Mateo 26:39

Webajo̧, ödöokobe 'ya̧wibö, öba nijakwö bamatö, Diosnö aebinobe: —Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö Chabe'do, ökwöda kwösödi̧danö ja̧bi— jö̧ba̧lö.

Hebreos 4:15

Ja̧danö Jesús, Diostjö jojodötjö ö'weje la'aka pjabato̧ baibanö jo̧ma, jojodö tjime'dawi̧ baledi̧ma waiso̧. Ja̧danö jo̧banöbi, böjȩnö ö̧jena ime'dawinö baledijayonö la'akatjöda sulabenö ja̧inokobe. Chömöledö, Jesúsma jojodö tjime'dawi̧ma öwaisobetjö̧ ökwödönö pjaatobö waiso̧. Jejenö Jesúsda ökwödönö lȩlö̧jino edö Diostjö jojodötjö ö'weje la'aka pjabato̧ baibanö jo̧ma.

Mateo 6:10

Ja̧danö ju'wibi la'aka luwo̧ kwö̧jakwa̧ möle juluwanö baibobö dösöda. Mölejȩbe ju̧kwadö jwaikwöda kwösödi̧danö ja̧bö tjö̧ji̧danö, böjȩnö ju̧kwadönöbi kwösödi̧danö ja̧bö tjö̧jobö dösöda.

Mateo 20:22

Jejenö ajebökwe, Jesúsma ji̧tji̧munö yöawinobe: —Akebaduwi̧ma wajwibadöja chömöledö. Ötjöma isabenö nöinö usula chemawakwo̧sa chömöledö, ja̧danö chipjeanö tjöbamatakwedöbi bakwayinö usula tjemawakwedö. Ökwödöma ötjö usula chemawi̧danö ¿usula emawö kwöbaledaduwobö kwujuluwaduwobeji̧?— jö̧ba̧lö. Aebawö̧: —Jau, usula kwemawi̧danö ökwödöbi usula emawö döbaledobö juluwadösa— jö̧ba̧lö tjatadinobe.

Mateo 26:43

Ikenama, yemidanö ȩwa̧bijö, iteda öba̧ja̧di̧ waisachadönö abekwajadönö edinobe, bö̧ti̧lö̧jabobetjö̧.

Marcos 14:36

Ina budekwabijetö: —Chabe'do, ökwöma okobe jwiinö juluwo̧ja. Atebakwö, kwösöditjö̧ma inia tjötinö ja̧tjakwa̧ma baledökönö pjakato. Jo̧kwaijayonö jö̧ta̧lakwö. Jejenö budekwabinö atebijayonö ökwöda waiso̧ja Chabe'do. Kwösödi̧da baledobö webi Chabe'do, ötjö chösödi̧nömaökö— budekwabijetö Abe'do Diosnö.

Lucas 22:42

—Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö chabe'do, ökwöda kwösödi̧danö ja̧bi— jö̧ba̧lö.

Juan 6:38

Ötjöma ötjöda chösödi̧danö chö̧joböma ichinö̧kö̧sa mölejȩbetjöma böjȩkwö. Ötjönö webo̧, Chabe'do Diosda ösödi̧danö chö̧jobö ichinasa.