Mateo 26:33 - Dios Iwene

³³ Jö̧a̧lökwe, Pedroma Jesúsnö yöa̧linobe: —Ju'wedö okobe deinö ökwönö le'dedibö dötjibajijayonö, ötjöma la'akatjöda le'dediböma dötibajökakwo̧sa— jö̧ba̧lö.

Mateo 26:33 Referans Kwoze

Lucas 22:33

Jejenö yöawiökwe, Pedroma atadinobe: —Chuluwo̧, ötjöma la'akatjöda ökwönö kabatibö̧kö̧sa. Ökwönö ka̧lena tjöditjö̧böbi, kwabö lotjitjö̧böbi yayonö wotenanö kabatö ökwökwö chi̧'yobö omukwato̧sa, la'akatjöda katatibökakwo̧sa— jö̧ba̧lö atadinobe Pedroma.

Filipenses 2:3

Ja̧danö, ja̧köbaduwi̧ma, ökwödöda kwemaduwotö jö̧ba̧löma kwisakwaduwoko, ja̧danö ökwödönö tjomukwatoböma, Aaa, bidöma otiwadö jö̧ba̧lö tjomukwatoböma kwisakwaduwoko chömöledö. Jau chömöledö, mikwawadösa jö̧ba̧löma kwomukwataduwoko, ju'wedönöda kwösödaduwo, ötjönötjö bajalekwönönö mikwawadö jö̧ba̧lö.

Romanos 12:10

Ja̧danö, kwömöledö Jesúsnö ösödadönö kwösödaduwo, ökwöda kwöjawo̧danö, ja̧danö kwömöledöduwinö otiwanö kwomukwataduwo, ökwödada kwomukwatakwawemi o̧penönö jobadö kwömöledöduwinö otiwanö kwomukwataduwo, jobadönö ösödö.

Marcos 14:29

Ikenama Pedroma jö̧ba̧lijetö: —Okobe deinö ökwönö katjatibonöbi ötjöma katatibökakwo̧sa— jö̧ba̧lijetö.

Proverbios 20:6

Ja̧danö, ju'wibi yötawa: Isabenö, ba̧jȩkwadö yötja̧lena ömöledöso̧nö, ökwönö ba̧kwȩlö̧jatebö pjatatakwo̧sa, la'akatjöda chile'dedibökakwo̧sa, jö̧ba̧lö. Jobekwö yötja̧lijayonö omöna yötja̧lena. Isabenö bakwo̧, ba̧kwȩlöjatebö pjatatakwo̧sa, jö̧ba̧lö yöa̧li̧danö badekwachinö i̧sebo̧ma deobe.

Juan 21:15

Ikenama kwanö katjatena, Jesúsma abebö a̧ja̧kwinobe Simón Pedronö: —Simón, Juan itji̧ ¿ökwöma bidö kwömöledö ötjönö ile nitjebemitjö o̧penönö jwiinö ile nikebiji̧ ötjönöma?— abebö a̧ja̧kwiökwe: —Jau chuluwo̧. Kwöwaisa. Ökwönö ile nibebo̧sa— atadiökwe: —Jo̧kwaobetjö̧ kwite'ada̧lo ötjö cha̧jwi̧mu o̧bȩja̧dö tji̧tji̧munö— weinobe Jesúsma Pedronö, wanedö yöbawö.

Mateo 26:32

Jo̧kwaijayonö, wobajaletjö tjetachajinö yemidanö 'yatibajinö Dios ja̧aja̧ ikenama, kwabönöduwi Galilea nijibe chi̧'yocha— jö̧ba̧lö yöawinobe.

Mateo 26:34

Yöa̧lökwe, Jesúsma Pedronö yöawinobe: —Isabenö yötawakwö Pedro, makö akala jwöakwa̧ abönö, wa̧pötakwanö yökawakwo̧ja, Jesúsnö wajwitökwe jö̧ba̧lö— yöawinobe.