Mateo 26:32 - Dios Iwene

³² Jo̧kwaijayonö, wobajaletjö tjetachajinö yemidanö 'yatibajinö Dios ja̧aja̧ ikenama, kwabönöduwi Galilea nijibe chi̧'yocha— jö̧ba̧lö yöawinobe.

Mateo 26:32 Referans Kwoze

Mateo 28:10

Ikenama Jesúsma jobadönö yöawinobe: —Yekabiduwa chömöledö. Chö̧ja̧wo̧dönö yöbawaduwi, Galilea nijibe tji̧'yobö, ja̧danö jobetjö ötjönö tjedakwedö, jö̧ba̧lö yökawaduwodönö— jö̧ba̧lö yöawinobe Jesúsma.

Mateo 28:16

Jesús öba̧ja̧di̧ waisachadö a̧li̧nösamutjö bakwo̧bedöma Galilea nijibe tji̧'yinobe, ja̧danö 'ya̧jadö, Jesús yöawina'o mö'ösa'obe tji̧'yinobe.

Mateo 20:19

ja̧danö judío jojodöböködönö iyö lotjakobe, ötjönö kwabö lotjobö. Jobadö judío jojodöböködöma oböbi otjakobe ötjönö, ja̧danö kwakwaböbi kwakwatjakobe, ja̧danö towisa'onö nönö, kwabö lotjakobe ötjönö. Jo̧kwaijayonö, jejenö ja̧tjijayonö, wa̧pötakwa möle baledibajenama, wobajaletjö tjebachajö 'yatibajakobe— jö̧ba̧lö yöawinobe Jesúsma.

Marcos 16:7

Babema Pedronöbi ju'wedö Jesús öba̧ja̧di̧ waisachadönöbi yökawaduwo da̧ja̧duwi. Jobadönö yökawaduwo, Tjo̧wi̧ Jesús i̧'yajabe Galileabe ökwödö kwi̧'yaduwakwa̧ abönö, jö̧ba̧lö. Jobetjö kwedaduwakwedöja Jesúsnöma, iteda jö̧a̧linadanö— jö̧ba̧lijetö ángelma jobadö ya̧dönöma.

Marcos 14:28

Jejenö, Dios iwenetjö laebi̧danö baledakobe. Jo̧kwaijayonö ötjöma yemidanö wobajaletjö tjebachajo̧ kwabönöduwinö Galilea nijibe 'ya̧jo̧ ökwödökwö chö̧jakwo̧sa—jö̧ba̧lö yöbawijetö Jesúsma.

Mateo 16:21

Ja̧ möle jamatö, tupakwö bajalenö Jesúsma iteda öba̧ja̧di̧ waisachadönö jweinö yöawinobe: —Jerusalénbe chi̧'yobö jo̧be. Ja̧danö, jobetjö Israel jojodötjö damötjöbi, Diostjö jojodötjö ö'weje pjabatadö la'aka tjuluwedötjöbi, Moisés iwȩyudina ba̧ja̧dadötjöbi usula chemawobö ja̧kobe, ja̧danö ötjönö kwabö lotjobö ja̧kobe. Ja̧danö, jemi tupakwö wa̧pötakwa möle baledibajenama wobajaletjö tjetachajobö ja̧kobe— jö̧ba̧lö.

1 Corintios 15:6

Ikenama bakobe quinientosnö jo̧banö ösödadönö öwawachinobe. Jau chömöledö, jobadö quinientosnö Jesúsnö edinadötjö, ja'yubeda ida̧ökö wotjinajayonö, ba̧jekwadö ina 'yaba̧ladö tjuju̧kwobe babebi.

Mateo 26:33

Jö̧a̧lökwe, Pedroma Jesúsnö yöa̧linobe: —Ju'wedö okobe deinö ökwönö le'dedibö dötjibajijayonö, ötjöma la'akatjöda le'dediböma dötibajökakwo̧sa— jö̧ba̧lö.