Mateo 26:18 - Dios Iwene

¹⁸ Abebö tja̧ja̧kwökwe, Jesúsma jobadönö weinobe: —Comunidadbe 'ya̧duwi, ökwödönö yötawajökwenö isakwö. Jo̧banö badekwajadö, baikwö yökawaduwonö: Ba̧ja̧dakwawa luwo̧ma baikwö yöawobe: Dios ötjönö badedö ujunina möle badekwachajabe, jo̧kwajabetjö̧ ötjöbi, chöba̧ja̧di̧ waisachadöbi kwejutjö Dios mönö öbaledina omukwatö pjiesta kwejutjö dukwakobe, jö̧ba̧lö yökawaduwonö— jö̧ba̧lö weinobe Jesúsma.

Mateo 26:18 Referans Kwoze

Juan 7:6

Ja̧danö Jesúsma atadinobe jobadöma, Pjiesta baledö kwi̧'yo, jö̧ba̧lö, wetjiökwe: —Ina, jobe chi̧'yoböma jwiobe. Ökwödöma ju'wi mölebi, ju'wi möle, kwi̧'yaduwobö jo̧be. Ötjöma jejenömaökö.

Juan 17:1

Jesúsma, ja̧ öba̧ja̧di̧ waisachadönö yöawaja̧ ikena mölejȩbekwö edö iteda Abe'donö aebinobe: —Chabe'do, tjo̧wi̧ baiba, ökwö badedö kwujunina baledi̧ma. Ja̧danö, tjo̧wi̧, ötjö jwiinö chotiwi̧ma kwi̧sebo jojodönö, ja̧danö, ökwö jwiinö kwotiwi̧ chi̧sebobö— aebinobe Jesúsma iteda Abe'donö—.

Juan 13:1

Ja̧danö, Dios mönö öbaledina tjomukwati̧ pjiesta möle baledakwa̧ abönö möle yi̧bena baibena Jesúsma omukwatinobe, Tjo̧wi̧ böjȩtjö labebö Chabe'do ö̧jobe chȩwa̧jakwa̧ma lekwökö, jö̧ba̧lö. Jo̧bama iteda öba̧ja̧di̧ waisachadö batjibakwedönö ile nibebö ji̧ainobe, ajayinö ichinatjö tupakwö baibanö. Ja̧danö, jobadönö jwiinö ile niebi̧ma i̧sebö, midawö woakwo̧ Jesúsma.

Juan 7:30

Jejenö yöawawö̧ do̧batö tje'ewobö jö̧tja̧lijayonö do̧tjatinokobe. Ina, jo̧banö do̧tjati̧ möle, Dios ajayinö badedö ujunina möle badekwachokobetjö̧ ina do̧tjatinokobe.

Juan 7:8

Ökwödöda kwi̧'yaduwo pjiesta baledö. Ötjöma chi̧'yökö, ina chi̧'yoböma jwiobetjö̧— jö̧a̧linobe Jesúsma.

Juan 12:23

Jejenö yötjawökwe Jesúsma judío jojodönöbi, judío jojodöböködönöbi yöawinobe: —Ida̧ökö badekwacha ötjö, jojo baibanö jeminökwe jwiinö chujulu i̧sebi̧ möle— yöawinobe Jesúsma. Ikenama, wanedö yöbawö yöawinobe:

Lucas 22:53

Mölekwena Dios ejutjö ökwödö kwö'da̧de ba̧nö jojodönö chöba̧ja̧dijatö, isabenö sulabo̧chitjö̧ma, jobetjö möle jojodö tjedonö do̧kataduwobö ji̧nena. Jo̧kwaijayonö inesö sulabo̧ yȩa'wo okwa jo̧ ömöayedöja, ja̧danö kwuluwo̧ omukwati̧danö omukwatö, yö̧te yȩa'wo okwada sulabenö ötjönö do̧kataduwobö omukwatadöja— jö̧ba̧lö yöa̧linobe Jesúsma.

Juan 11:28

Jejenö atadajaju Martama jöjawuju Maríanö yöjawobö, jöjawuju jö̧jobekwö jȩwa̧jinobe. Ichibö tjo̧'omanö yöjawinobe: —Ba̧ja̧dakwawa jojoma ida̧ökö ichajabe. Ökwönö edobö jö̧a̧la—yöjawinobe.

Marcos 5:35

Jesúsma ina jobujunö yöa̧lonö ju'wedöma ichibijadötö judío jojodö ba̧nö tja̧ja̧kwa̧leju la'aka luwo̧ Jairo, tjemu ö'wöchuju jabe'donöma edö. Jobadöma Jaironö yöbawijadötö: —Ökwö kwitjijuma ida̧ökö ö'wö bajibajabe. Jo̧kwaobetjö̧ bite ba̧ja̧dakwawa jojonöma akeba̧la, ichoböma.

Mateo 26:2

—Kwöwaisaduwa chömöledö. Dios damötjö Israel jojodö tjö̧jibinö mönö öbaledina jawa pjiestama, dötölataja möle baledibajena jamatakobe, ja̧danö ju'wibi yötawaduwakwö, ötjö jojo baibanö jeminökwenö iyö lotjakobe, ja̧danö ötjönö towisa'onö bȩbö tjönakobe— jö̧ba̧lö.

Mateo 23:10

Ja̧danö, inesö ba̧ja̧dakwawa luwo̧ ökwödönö yötja̧loböma webökönaduwi, inesö ba̧ja̧dakwawa luwo̧ kwuluwo̧duwima, Dios weakwo̧ jö̧a̧linökwedaobetjö̧.

Mateo 23:8

Jo̧kwaijayonö, ökwödöma jobadö ja̧tji̧danöma ja̧bökönaduwi chömöledö. Jojodö ökwödönö ba̧ja̧dakwawa luwo̧ jö̧ba̧lö yötja̧loböma webökönaduwi, ba̧ja̧dakwawa luwo̧ kwuluwo̧duwima bakwo̧daobetjö̧, ja̧danö ökwödö okobe deinö jo̧bada öba̧ja̧dawö̧köbaduwobetjö̧.

Mateo 21:3

Ja̧danö, kwejataduwena jelo̧ ökwödönö, ¿Tajawedö kwejataduwa?, jö̧ba̧lö aebitjö̧ma, baikwö kwatadaduwo, Duluwo̧ bidönö öwamatobö jo̧betjö̧ dejatobe, jö̧ba̧lö. Jejenö yökawaduwajökwe, juluwanö kwichejabaduwobö weakwo̧— jö̧ba̧lö weinobe Jesúsma.

Juan 20:16

Jejenö jö̧ja̧liökwe: —María— jö̧a̧loko, jalachibö edö jöwaisachibinobe, Jesúsda. jö̧ba̧lö. Ja̧danö, jo̧banö jö̧ja̧linobe: —Rabuni— jö̧ba̧lö. Rabuni, jö̧ba̧löma, hebreo tjiwenenö, Ba̧ja̧dakwawa jojo, jö̧ba̧lö. Ja̧danö, Maríama, ösödö wo̧jatibinobe Jesúsnö.

Mateo 26:49

Ja̧danö, Jesús ö̧jobe ichibö: —¿Dokwa, ba̧ja̧dakwawa luwo̧?— jö̧ba̧lö, Judasma jweinö Jesús ö̧jobekwö 'ya̧nö ibekasa'wonö du̧atinobe.

Mateo 26:19

Jesús öba̧ja̧di̧ waisachadöma Jesús weaja̧danö ja̧tjinobe, ja̧danö Dios mönö öbaledina omukwatö pjiesta kwakwawa tjukwakwa̧ tjotidinobe.