Mateo 26:14 - Dios Iwene

¹⁴ Ikenama, Jesús webawedö a̧li̧nösamutjö du̧ju̧tajabedötjö bakwo̧ Judas Iscariote mikwo̧ma, Diostjö jojodötjö ö'weje pjabatadötjö la'aka luwedö tjö̧jobekwö 'ya̧nö abebö a̧ja̧kwinobe:

Mateo 26:14 Referans Kwoze

Mateo 10:4

Ja̧danö Simón Cananeo jojo ötjabökwebi, Judas Iscariote, Jesúsnö iyö lobinabi.

Hechos 1:16

—Chömöledö, damötjö da'dömine Davidma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö yöbawö wȩyudijetö Judasnöma, Jesúsnö do̧batö tje'ewotö jö̧ba̧ladönö öbibö i̧'yakwo̧nöma. Damötjö jejenö laebijetö Dios iwenetjö, Davidmine iwȩyudinama. Ja̧ wene isabenö badekwachinobe, Judas sulabenö iyö loawa wene— yöbawijetö Pedroma—.

Juan 13:30

Jemi ikenama Judas pan ukwaja̧ ikena laebinobe. Ida̧ökö yö̧te baibinobe.

Juan 13:2

Ja̧danö, ja̧ yi̧bena Jesúsma öba̧ja̧di̧ waisachadökwö tjukwinobe. Ömöayedötjö bakwo̧, Simón itji̧ Judas Iscariote mikwo̧ma ida̧ökö Jesúsnö iyö loakwa̧ma omukwatinobe, Awetja jejenö o̧'wo̧ sulinö edobö weinökweobetjö̧.

Mateo 27:3

Lȩekwa luwedö Jesúsnö kwabö lotjobö wetjiökwe, Judas, Jesúsnö iyö lobajo̧ma o̧'wo̧ tjo̧achinobe, jo̧banö iyö lotoko jö̧ta̧lajabe jö̧ba̧lö. Jejenö omukwatö, tjimidina balada treintanö plata ö̧pi̧biya e'ewö 'ya̧nö tjeatinobe ö'weje pjabatadö tjuluwedönöbi, jojodötjö damönöbi,

Mateo 26:47

Jesús ina yöa̧lonö, Jesús a̧li̧nösamutjö du̧ju̧taja öba̧ja̧di̧ waisachadötjö jojo Judas mikwo̧ma ichibinobe, ba̧jekwadö jojodö kwölöte'iju do̧ba̧lakwadökwöbi, ö̧'iya do̧ba̧lakwadökwöbi. Jobadöma Diostjö jojodötjö ö'weje pjabatadötjö la'aka luwedö tjömöayedöbi ja̧danö jojodötjö damö tjömöayedöbi Judaskwö tjichinobe.

Juan 18:2

Jobe batjotjöma Jesús, iteda öba̧ja̧di̧ waisachadö ba̧kwȩlö̧jatebö ko̧ko̧kwiatjinobe. Ja̧danö, Judas, Jesúsnö iyö loakwo̧ma öwaisinobe jobe batjoma.

Mateo 26:25

Judasbi, Jesúsnö iyö loakwo̧ma Jesúsnö abebö a̧ja̧kwinobe: —Ba̧ja̧dakwawa luwo̧, jejenö yöka̧lajökwema, ötjömaökö, ¿jö̧tö?— jö̧ba̧lö. Aebökwe, Jesúsma atadinobe: —Ökwöda yöka̧lajabe— jö̧ba̧lö.

Juan 12:4

Jobema Judas Escariotebi ö̧binobe, Jesús öba̧ja̧di̧ waisachadötjö bakwo̧, Jesúsnö iyö loakwo̧ma. Jo̧bama María jejenö tobebö dujebiökwe:

Juan 13:26

—Bipja̧ panpja̧nö isa'be kwo'debö chiyökweda— atadinobe Jesúsma. Jo̧kwaobetjö̧ panpja̧nö isa'be kwo'debö iyinobe Judasnö, Simón Isacariote itji̧nö. Jejenö i̧sebinobe Jesúsma itenöda iyö loakwo̧ma, Biteda, jö̧ba̧lö.

Hechos 1:18

Jejenö do̧batö ujuninajayonö jelobekwö omukwatinobe Judasma— yöbawijetö Pedroma—. Ja̧danö, jo̧bama Jesúsnö weachina ikenama baikwö baledinobe: Sulabenö iyö loina mikwa baibanö nijima eminobe, itebo baibanö. Ikenama ju'wi möle, jobe nijinö kwebachö, mötjö nijakwö labinö meinobe. Meemi ukwa'wo 'dainobe okobe jwiinö ö'yapiyubi kȩ'achajinö.