Mateo 26:11 - Dios Iwene

¹¹ Jau chömöledö, usula jojodöma ba̧kwȩlö̧jatebö ökwödökwö tjö̧jakwedö, ba̧kwȩlö̧jatebö jobadönö pjakataduwobö, jo̧kwaijayonö ötjöma ba̧kwȩlö̧jateböma ökwödökwö chö̧jökakwo̧sa.

Mateo 26:11 Referans Kwoze

Deuteronomio 15:11

Isabenö ba̧kwelöjatebö ju'wedö jwibadö tjö̧jakobe kwiteboduwitjö chömöledö, jo̧kwajabetjö̧ jweinö wetaduwakwö, Kwiteboduwi israel nijitjö ju'wedö kwömöledöduwi usula jojodö ja̧nö, jwibö tjö̧jenama, a̧'dȩlökönö otiwanö jobadönö iyö kwöbalewaduwo, —jö̧ba̧lö yöawinobe Moisesma.

Marcos 14:7

Usulasedöma ba̧kwȩlö̧jatebö tjuju̧kwakwedö bemi kwiteboduwinö. Ja̧danö, ökwödö kwösödaduwena jobadönö edö otiwanö pjakataduwena. Jo̧kwaijayonö ötjönöma ba̧kwȩlö̧jateböma kwedaduwökakwedöja— jö̧ba̧lijetö—.

Juan 12:8

Usulasedöma ba̧kwȩlö̧jatebö ditebonö tjuju̧kwobe ökwödökwö. Ba̧kwȩlö̧jatebö diyobö jo̧be. Jo̧kwaijayonö ötjöma ba̧kwȩlö̧jateböma ökwödökwö chö̧jökakwo̧sa— jö̧a̧linobe Jesúsma.

Juan 16:28

Jau, ötjöma Dabe'do Dios ö̧jobetjö böjȩkwö ichino̧sa. Ja̧danö, böjȩtjö Dabe'do Dios ö̧jobekwö chȩwa̧jakwo̧sa— yöawinobe Jesúsma öba̧ja̧di̧ waisachadönöma.

Juan 16:5

Jo̧kwaijayonö, babema ötjönö webina ö̧jobekwö chȩwa̧jakwa̧ yöneawachobetjö̧ ja̧ baledakwa̧ yötawa. Ja̧danö, ötjönö webina ö̧jobekwö chȩwa̧jocha, jö̧ba̧lö, jö̧ta̧lena, ökwödötjö bakwo̧bi deobe ötjönö abebö a̧ja̧kwo̧ma, ¿Daikwö kwȩwa̧jakwa̧da? jö̧ba̧lö.

Juan 14:19

Babema lekwokobe ötjö wotakwa̧ma. Wotaja̧ okobema ötjönö öpöjödadöma ötjönö yemidanö tjedökakwedö. Jo̧kwaijayonö ökwödöma ötjönö yemidanö kwedaduwakwedöja. Ja̧danö, ötjöma wobajaletjö tjetachajakobetjö̧ ökwödöbi wobajaletjöma tjekachajaduwakwedöja, ba̧kwȩlö̧jatebö kwö̧jaduwobö.

Juan 13:33

Ina yöawinobe: —Chösödawö̧, ökwödökwö chö̧ji̧ma lekwökö. Chȩwa̧jocha. Chȩwa̧jabe okobema ötjönöma isakwö kwöbadekwajaduwökakobe. Belö yötawijatö la'aka luwedönö, Ötjö chi̧'yakwa̧ma kwi̧'yaduwoböma jwiobe, jö̧ba̧lö. Jejenö yötawa ökwödönöbi. Kwi̧'yaduwokobe chȩwa̧jobema.

Hechos 3:21

Jo̧kwaijayonö babema Jesúsma ina mölejȩbe jo̧, Diosma böjȩ yemidanö otiwöjȩ baibanö otidenanö baibanö, ajayinö ji̧nadanö. Ja̧ baledakwa̧ma Dios yöawi̧ yöbawinadö, iteda ujuninawö̧ma yöbawijadötö, damötjöma.

Juan 17:11

Chabe'do tjo̧wi̧, ökwö kwö̧jobekwö chȩwa̧jakwo̧sa, ja̧danö böjȩnöma, bidökwöma chö̧jökakwo̧sa. Jo̧kwaijayonö bidöma ina böjȩnö tjuju̧kwakwedö. Jo̧kwaobetjö̧ Chabe'do, jwiinö otiwo̧ Chabe'do, bidönö, ötjönö kwiyinawö̧nö kwite'ada̧lo kwujulunö. Ja̧ kwujulu ötjönö iyö pjabatiaköbijatö böjȩnö chö̧jenama. Ja̧danö, chȩwa̧ja̧ okobema bidönö kwite'ada̧lo kwujulunö, bakwaibedödanö tjö̧jobö. Ökwödö bakwaibedö dö̧ji̧danö, kwite'ada̧lo bidönöma, bakwaibedödanö tjö̧jobö— jejenö aebinobe Jesúsma Abe'donöma.

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Mateo 18:20

Jau chömöledö, ötjönö tjösödobetjö̧ du̧ju̧tajaena wa̧medukwaena tjoko̧ko̧kwenama, ötjöbi jobadökwö jo̧sa— jö̧ba̧lö Jesús yöawinobe.

1 Juan 3:17

Jau chö̧ja̧wo̧dö. Dö̧ja̧wo̧dönö ile nibebö pjadatobö jo̧be. Ja̧danö, böjȩnö ö̧jobö jawa juna̧lo̧ma öjawo̧ jwibo̧nö lȩlö̧jino edobö jo̧be, jo̧banö pjabatö iyö. Jo̧ba juna̧lo̧ma öjawo̧ jwibo̧nö pjaatökötjö̧ma Diosnö ösödökena. Öjawo̧ jwibo̧nö pjaatokobetjö̧ wajuwanö i̧sekwobe, Dios ile niebinadanö ile nibebökösa, jö̧ba̧lö. Ja̧danö, jejenö pjaatokobetjö̧ Diosnöbi öpöjödobe ichejekwa, Dios jojodönö ile niebi̧danö jojodönö ile nibebö ö̧jokobetjö̧.

Gálatas 2:10

Sule bakwöta jawada atjebinobe ökwödönöma chömöledö, balada jwibadö usula jojodönö omukwatö pjadatobö, ja̧danö jejenö atjebi̧ma chösödijatö, jwibadönö pjadatobö chösöda jö̧ba̧lö.

Mateo 26:10

Jesúsma jobadö yötja̧li̧ öwaisinobe, jo̧kwajabetjö̧ jobadönö yöawinobe: —Bisu otiwanö ja̧bujunö ¿tajawedö lȩkebaduwa? Tojebaja̧ma, isabenö otiwanö ja̧bö tojebajabe ötjönö.