Mateo 25:35 - Dios Iwene

³⁵ Jau chömöledö, ökwödöma otiwanö ötjönö pjabatinadöja, a̧wi̧chi̧lö̧jökwe chö̧jenama, kwakwawa kwiyinaduwobe, ja̧danö ojwiyo o̧ti̧ tjötenama, chowobö kwiyinaduwobe, ja̧danö jelobetjö ichajo̧ chö̧jenama, kwejuduwinö te'ada̧lö tekatinaduwobe,

Mateo 25:35 Referans Kwoze

Hebreos 13:16

Ja̧danö ju'wibi yötawa. Babe möle Diosnö diyobedanö diyi̧ma, biya̧: Jojodönö ju'wi jawabi, ju'wi jawa pjadatobö jo̧be chömöledö. Ja̧ pjadati̧ma Diosnö diyobedanö diyi̧. Ja̧danö ju'wibi, ökwödö dujuna̧li̧tjö jwibadönö pjabatö diyaduwo chömöledö. Ja̧ pjadati̧bi Diosnö diyobedanö diyobe. Chömöledö, jejenö, jojodönö pjadatena Diosma jwiinö ösödobe, o̧'wo̧ ösöwanö edö.

Santiago 1:27

Ja̧danö, Dios, ökwödö Dabe'do Diosma ¿dakwö yöawobeda, Biya̧ ötjönö inesö kwösödaduwi̧ kwi̧sekwaduwi̧ma, jö̧ba̧lö? Biya̧ chö̧ja̧wo̧dö, Diosnö jwiinö inesö dösödi̧ma: Usulasedönö, tjabe'do tjojo'do debadönöbi, tjilekwe wotjinawö̧nöbi pjadatobö jo̧be, usula tjemawena. Ju'wi jawabi chö̧ja̧wo̧dö, biya̧: Böjȩnö ju̧kwadö sulabenö ja̧tji̧tjö 'da̧bachibö dö̧jobö jo̧be, ja̧ suli̧kwö pjabacha̧lökönö. Jejenö kwö̧jaduwo chö̧ja̧wo̧dö, Dios kwö̧jaduwobö ösödi̧danö, jo̧ba iwene ösödinö a̧ja̧kwö.

Romanos 12:13

Kwömöledöduwi Cristonö ösödadö jwibö tjö̧jenama, pjakataduwo, ja̧danö jelobetjö ichajadö tjichibenama, öpöjödabökönö te'ada̧lö pjakataduwo.

Romanos 12:20

Jau chömöledö, Dios iwene wei̧danö ja̧köbaduwo. Baikwö weobe Dios iwenema: Kwöpöjojonö a̧wi̧chi̧ tjöitjö̧ma, jo̧banö kwakwawa kwiyo, ja̧danö ojwiyo o̧ti̧ tjöitjö̧ma, ojwiyo kwiyo. Jejenö ja̧köbitjö̧ma, taba lö̧jökwe ö̧jakwo̧ kwöpöjojoma, jö̧ba̧lö laebobe Dios iwenema.

Hebreos 6:10

Chömöledö ja̧ baledakwa̧ma chöwaisa, Dios, jweinö omukwato̧ma, ökwödö otiwanö jo̧banö ösödö kwuju̧kwaduwi̧ omukwato̧obetjö̧. Chömöledö, jo̧banö kwösödaduwi̧ma wajuwanö kwi̧sebaduwobe ju'wedö jo̧ba i̧tji̧mu babibinadönö pjakataduwobetjö̧. Ajayitjö Jesúsnö do̧batö kweminaduwa baikwö kwö̧ja̧wo̧dönö dösölö̧jinö pjakataduwobe, jo̧ba i̧tji̧mu babibinadönöma.

Filemón 1:7

Jau Filemón, isabenö Dios ömöledö tjo̧'wo̧ ösöwachibanö pjakatajabe, ja̧danö jejenö pjakatobetjö̧ ötjönöbi pjakatajabedanö ichejekwa, ötjöbi cho̧'wo̧ ösöwachibanö, ja̧danö ötjöbi cho̧'wo̧ luwo̧ ujuluwachibanö. Ja̧danö, jejenö pjakataja̧ omukwatö, Diosnö ösödö atebobe, balekwa mikwa ökwönöbi pjaatobö.

1 Timoteo 5:10

ja̧danö, wobekwinadötjö tjite'ada̧lakwawö̧ma sule jojodö, Bidöma otiwanö ja̧bö ji̧nadö, jö̧ba̧lö tjöwaisawö̧nöda. Ja̧ otiwanö ja̧bö tjuju̧kwina jawama baikwö yötawa: Otiwanö tji̧tji̧munö bötjatö, jelobetjö ichajadönö tjejunö tebatö, ju'wedö Jesúsnö ösödadö tjömöayujudanöbujusa jö̧ba̧lö pjabatö, usula emawadönö pjabatö, ja̧danö jwaikwöda okobe jwiinö otiwanö ja̧awa ja̧bö. Jejenö ja̧bö ji̧nadö ya̧dö tji̧lȩkwa̧munö wobekwinadönöda kwujuno, Jesúsnö ösödadö tjite'ada̧lawö̧, jö̧ba̧lö

Efesios 4:28

Ja̧danö, ökwödötjö bakwo̧ naukwabo̧ma naukwabikwawatjö kabatibö, Otiwanö chotido, jö̧ba̧lö, itedada naukwabökönö u̧kwa emawabi, jwibadönö iyöbi iyö ö̧jobö jö̧ba̧lo̧.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

Hechos 16:15

Ikenama jobujunöbi, jobujukwö jejunö ju̧kwadönöbi ojwenö tjubu̧datijatö. Ikenama Lidiama ökwödönö jö̧ja̧lijatö: —Babema ötjönöma kwöwaisaduwa, Jesúsnö chösödi̧ma. Jejenö ötjönö otiwanö kwedaduwitjö̧ma ötjö chejunö kwuju̧kwaduwo, bemi yöbawöma— jö̧ja̧lijatö. Ikenama jobujuma jejunö duju̧kwobö jwiinö ösödö ajebitjö̧, Jau kwatjö̧ma, jö̧ba̧lö, di̧'yijatö jejube duju̧kwobö.

Hechos 11:29

Ikenama Dios yöawi̧ yöbawo̧ Agaboma, jejenö yöawiawö̧: —Balada pjabatakwawö wedo— jö̧ba̧lijadötö Jesúsnö ösödadöma. Jejenö jö̧ba̧lajadö balada ko̧ko̧dijadötö, bakwo̧nökwena tjujuna̧li̧tjö Judea nijibe wetjobö.

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 4:32

Okobe deinö Jesúsnö ösödadöma tjomajadenö tjo̧'wo̧ luwo̧nö otiwanö bakwainö omukwatijadötö. Tju̧kwa teatjöbi ö'wiawökönö ju̧kwiabijadötö, okobe jwiinö dujuna̧li̧kwenama, Okobe deinö bakwainö du̧kwa tea, jö̧ba̧lö.

Juan 13:29

Jobadötjö ju'wedöma Judasda balada te'ada̧lö ö̧jobetjö̧ tjomukwatinobe, Pjiesta jawa emobö wea, jö̧ba̧lö. Ja̧danö jobadötjö ju'wedöma tjomukwatinobe, Usulasedönö iyobö wea, jö̧ba̧lö.

Lucas 11:41

Ökwödöma jwaikwöda kwujuna̧laduwotö jö̧ba̧lö omukwatadöja, ja̧danö jejenö omukwatö ja̧nö, okwanö yȩbadöja. Jo̧kwajabetjö̧ okwanö yȩi̧ kwidichawaduwakobetjö̧ kwujuna̧laduwi̧ a̧'dȩlökönö jwibadönö kwiyaduwo, wamenöbi okwanöbi kwidichawaduwakobetjö̧.

Marcos 14:7

Usulasedöma ba̧kwȩlö̧jatebö tjuju̧kwakwedö bemi kwiteboduwinö. Ja̧danö, ökwödö kwösödaduwena jobadönö edö otiwanö pjakataduwena. Jo̧kwaijayonö ötjönöma ba̧kwȩlö̧jateböma kwedaduwökakwedöja— jö̧ba̧lijetö—.

Mateo 26:11

Jau chömöledö, usula jojodöma ba̧kwȩlö̧jatebö ökwödökwö tjö̧jakwedö, ba̧kwȩlö̧jatebö jobadönö pjakataduwobö, jo̧kwaijayonö ötjöma ba̧kwȩlö̧jateböma ökwödökwö chö̧jökakwo̧sa.

Mateo 25:40

Atjebitjö̧, ötjö la'aka luwo̧ma chatadakwo̧sa: Isabenö yötawaduwakwö, bidö chömöledötjö ju'wedötjö nijakwönönö mikwawö̧kö̧nö jejenö pjakatinaduwenama, ötjönöda pjakatinaduwobe, jö̧ba̧lö.

Daniel 4:27

Jobekwö laebobe kwi̧'wi̧dikwina chuluwo̧, jo̧kwajabetjö̧ baikwö pjabatö yötawakwö: Sulabenö ja̧bö kwö̧ji̧ kabatibö, otiwanö Dios ösödi̧danö ja̧bö kwö̧jo, ja̧danö usula jojodönö lȩlö̧jinö edö pjakato. Ja̧danö jejenö ja̧bö kwö̧jitjö̧ma, Diosma lȩlö̧jinö edena, ja̧danö yötawaja̧ jawa baledökönö lekwe möle otiwanö kwö̧jena— jö̧ba̧lö yöawinobe Danielma, la'aka luwo̧ Nabucodonosornö.

Proverbios 25:21

Ja̧danö, ju'wibi jwebebö yötawa: Kwöpöjojo a̧wi̧chi̧ lö̧jinö ö̧jitjö̧ma, jo̧banö kwakwawa kwiyo ukwobö, ja̧danö ojwiyo o̧ti̧ lö̧jitjö̧ma, ojwiyo kwiyo, owobö.

Proverbios 22:9

Ja̧danö, ju'wibi yötawa: Jwibadönö pjabatadönö, idöda tju̧kwa̧ kwakwawa iyö pjabatadönöma Diosma jobadönö ösödö pjabato̧.

Proverbios 19:17

Ja̧danö, ju'wibi yötawa wanedö: Bakwo̧ma jwibo̧nö lȩ lö̧jinö edö iyobe. Ja̧danö, jo̧ba jwibo̧nö iyi̧ma Isabenö Jo̧nöda öbalewobedanö jo̧be. Ja̧danö, ja̧ öbalewaja̧tjö̧ mikwa baibanö tjebatö iyakwo̧ Isabenö Jo̧ma iyo̧nöma.

Proverbios 14:31

Ja̧danö, ju'wibi yötawa: Usula jojodönö lȩlö̧jinö edökönö labo̧ma Diosnöda sulabenö labo̧, jobadö usulasedönö otidinanöma. Jobekwö jö̧kö̧ usulasedönö otiwanö pjabatö edo̧ma. Usula jojodönö otiwanö pjabatö edo̧ma Diosnö otiwanö edo̧, juluwo̧, jö̧ba̧lö.

Proverbios 14:21

Ja̧danö, ju'wibi yötawa: Bakwo̧ ipjeanö jo̧nö, jwibo̧nö öpöjödo̧ma sulabenö omukwatö jo̧. Isabenö, jwibadönö lȩlöjinö edö pjabato̧ma o̧'wo̧ ösöwanö jo̧.

1 Reyes 17:11

Aeboko, ojwiyo ichejebö ji̧'yinobe, ja̧danö ji̧'yemi ja'ötjö yemidanö jwöinobe, —Jojosuju, ju'wibi pan ja'yubenö kwichejebobö atebakwö, chukwobö, —jö̧ba̧lö.