Mateo 25:32 - Dios Iwene

³² ja̧danö okobe deinö tjitebotenia ju̧kwadönö chöba a'o ko̧ko̧kwö tjö̧jobö wetocha, ja̧danö jobadötjö otiwadönö sulabedötjö böjö 'da̧batö chujunocha, o̧bȩja̧dönö te'ada̧lo̧ o̧bȩja̧dönö chi̧wo̧dötjö böjö 'da̧batö ujuni̧danö.

Mateo 25:32 Referans Kwoze

Mateo 13:49

Jobekwö baledakobe 'dö̧ibaji̧ mölema. Ángelesdöma jojodö otiwadötjö sulabedönö böjö 'da̧batö tjujunakobe,

2 Corintios 5:10

Jau chömöledö, Duluwo̧ ösödi̧danö ja̧dobö disakwobe, döwaisobetjö̧, okobe deinö Cristo ba̧nö yöawelö dö̧jakwedösa, jo̧bada böjȩnö ja̧nö ja̧dina yöawobö, otiwojobö, sulojobö jö̧ba̧lö. Ja̧danö jo̧bada ja̧dina mikwa baibanö iyakwo̧ chömöledö.

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Juan 10:14

Ja̧danö, ötjöma, jejenömabö̧kö̧sa. Otiwanö te'ada̧lo̧sa. Ötjö cha̧jwi̧munöma chöwaisawö̧. Ja̧danö, cha̧jwi̧muma ötjönö waisadö.

1 Corintios 4:5

Ja̧danö, Duluwo̧da yöawakwo̧obetjö̧, Duluwo̧ yöawakwa̧ abönöma, ju'wedönö yöbawökönaduwi, Aaa, Duluwo̧ wei̧ otiwanö ja̧badö, sulabenö ja̧badö jö̧ba̧lö. Jau chömöledö, Duluwo̧ ichakwa̧ möle badekwachenama, jo̧bada yöawakobe. Baikwö wanedö yötawa: Okobe jwiinö yȩa'wo okwa jawa Duluwo̧ma idejatakobe, otiwanö öwawinö baibanö, ja̧danö, jojodö tjomajadenö tjomukwati̧ i̧sebakobe Duluwo̧ma. Ja̧danö, iya̧da möleda Diosma jojodönö bakwo̧nökwena yöawakwo̧ otiwanö tjotidinama.

Romanos 2:16

Jejenö jo̧be chömöledö, ja̧danö ju'winö Diosma yemidanö Cristo Jesúsnö weakobe, inesö lȩekwa luwo̧ baibanö. Ja̧danö, Cristo Jesúsda domajadenö domukwatina yöawakobe, sulojobö, otiwojobö, jö̧ba̧lö. Ja̧danö ja̧ möle baibenama, okobe deinö sulabenö ja̧badönö lȩebakobe, Moisés iwȩyudina junaladötjö sulabenö ja̧badönöbi, Moisés iwȩyudina jwibadötjö sulabenö ja̧badönöbi. Biya̧ wene yötawaduwakwö chömöledö, Dios yöawi̧ma.

Romanos 2:12

Jau chömöledö, isabenö jweinö lȩbebo̧ Diosma jojodönö. Baikwö yötawa: Ju'wedöma, judío jojodöböködöma, Dios weina wene, Dios Moisésnö iwȩyudobö weina wenema wajwibadö. Ja̧ weina wajwitjijayonö, Diosma jobadönö lȩebakwo̧ sulabenö ja̧tjobetjö̧. Ja̧danö, Dios weina wene juna̧ladönöbi lȩebakwo̧ Diosma, sulabenö ja̧tjobetjö̧. Dios weinadanö ja̧tjokobetjö̧, Dios lȩebakwawö̧ jobadönöma.

Juan 10:27

Ötjö cha̧jwi̧muma ötjö chiwene a̧ja̧kwö waisadö, ja̧danö, jobadönö chöwaisawö̧. Ja̧danö, jobadöma chökömanö ichadö.

1 Samuel 2:10

Jo̧banö öpöjödadönö isabenö tji'delachajinö söbebö loakwo̧ Isabenö Jo̧ma, isabenö böba ökwödi̧danö mölȩjebetjö labinö ökwöakobe jobadönö lȩebakwa̧ma. Isabenö bö̧jȩ ba̧kwemeachibanö ju̧kwadönö badedö edakwo̧ Isabenö Jo̧ma, ja̧tjina otiwojobö sulojobö jö̧ba̧lö, ja̧danö iteda ujunajökwe la'aka luwo̧nö isabenö ujulu iyakwo̧, iteda omudawö ujunajökwenö, —jö̧ba̧lö yöja̧linobe Anama, Diosnö ösödö.

Mateo 28:19

jo̧kwajabetjö̧ baikwö wetaduwakwö: Böjȩ bakwameachibanö tjitebokwena jojodönö yöbawö, ösödadönö chöba̧ja̧di̧ waisachadö batjibanö yöbawaduwi. Ja̧danö, Chabe'do Diosbi, ötjö Dios Itji̧bi, Dios O̧'wo̧ Luwo̧bi ökwödönö wedobetjö̧, diminö jobadönö ojwenö bu̧dataduwi.