Mateo 25:27 - Dios Iwene

²⁷ ¿tajawedö chiyina baladanö kwotidinököda? Balada lödawejunö kwödo jö̧ka̧linobe, chȩwa̧jenama, ajayi chiyina baladakwö, balada lödawejutjö tjiyi̧ baladakwö chemakobetjö̧, jö̧ba̧lö atadinobe la'aka luwo̧ma.

Mateo 25:27 Referans Kwoze

Judas 1:15

böjȩ jojodönö lȩebobö. Jejenö ichenama, okobe deinö sulabedö Diosnö omukwatökönö sulabenö ja̧tji̧ lȩebakobe, ja̧danö okobe deinö sulabedö jo̧banö sulabenö yötja̧li̧ lȩebakobe— jö̧ba̧lö. Jejenö laebobe Enoc yöawinama, ökwödönö sulabenö yöbawadönö badekwachi̧ma.

Romanos 3:19

Jau chömöledö, döwaisa, Diosma Moisésnö weinobe, iwȩyudobö, jojodö ja̧bö tjö̧jo jö̧ba̧lö wei̧ma. Ja̧danö, ja̧ weinama, Israel jojodönö weinobe, okobe jwiinö ja̧bö tjö̧jo jö̧ba̧lö. Jo̧kwaijayonö, okobe jwiinö ja̧bö tjö̧jo jö̧tja̧lijayonö, ja̧tjinokobe, yelösöda waekwinobe. Jau chömöledö, böjȩ jojodöma okobe jwiinö Dios weina ja̧bö jö̧ködö, bakwo̧bi deobe ja'yubebi junibökönö ja̧bo̧ma. Jau chömöledö, bakwo̧bi deobe, okobe jwiinö Dios weina waekwökönö ja̧bo̧ma. Ja̧danö, Dios weina Moisés iwȩyudinama suli̧ jwibadö badiboböma pjaatokobe chömöledö, okobe jwiinö ja̧bö dö̧jokobetjö̧. Jau chömöledö, Moisés iwȩyudinama sule sulabe dujuna̧li̧ weneda yöawobe. Ja̧danö, Dios lȩebenama, okobe deinö ökwödö böjȩ jojodöma atadakwawa jwidakwedösa, lȩkeboko yöda̧lo jö̧ba̧lö.

Mateo 25:26

Jö̧a̧lökwe, uluwo̧ atadinobe: Chömöayo̧ sulabo̧, ja̧danö 'dö̧wekwo̧ja. Ötjöma batjo chotidököyutjö wa̧ji̧ emo̧sa jö̧ba̧lö kwöwaisinatjö̧ma, ja̧danö trigosade chikwököyutjö wa̧ji̧ emo̧sa jö̧ba̧lö kwöwaisinatjö̧ma,

Mateo 25:28

Ikenama, ju'wedö iteda ömöayedönö weinobe, jo̧ba sulabo̧tjö ja̧ mil ö̧pi̧biya 'döbebö, jelo̧ diez mil juna̧lo̧nö tjiyobö.