Mateo 25:1 - Dios Iwene

¹ Tupakwö yöawinobe Jesúsma: —Baikwö wanedö yötawa Mölejȩbe jo̧ yöbawö weena jawa: Bakwo̧ ilekwonö emajo̧, pjiesta ujuninobe. Pjiesta junö i̧'yakwa̧ abönö, jo̧bakwö pjiesta tjujunakwedö domulataja möayedö ya̧döma, tjitea dejuwa'yu̧ e'ewö jo̧ba ichakwa̧ te'ada̧lö latjebinobe.

Mateo 25:1 Referans Kwoze

Apocalipsis 19:7

Do̧'wo̧ luwo̧nö omukwatö jo̧banö dösödaduwo. Obeja Itji̧danö Jo̧ma ilekwonö emakwo̧ ö̧ji̧danö ö̧jobetjö̧ Diosnö dösödaduwo, Otiwanö jo̧, jö̧ba̧lö. Dösödaduwonö, Obeja Itji̧danö Jo̧ ilekwo baibanö emakwujuma tjo̧wi̧, otiwanö jotikwajobe.

Apocalipsis 21:9

Ja̧danö, ángelma, jelemutjö du̧ju̧tajanö dȩja̧'di̧ju juna̧ladötjö bakwo̧ ichö jö̧a̧lijatö ötjönöma: —Ötjökwö ichi, Obeja Itji̧danö Jo̧ ilekwo̧ baibanö emakwujunö chi̧sebokwö— jö̧a̧lijatö.

Apocalipsis 21:2

Ikenama 'yayi̧ Jerusalén ötjabemi chedijatö, Dios 'da̧batö ujuninemima. Jemi 'yayi̧ Jerusalénma mölejȩbetjö böjȩkwö jwiachobe chedijatö. Yelösöda, otiwemi 'yayi̧ Jerusalénma. Bakwuju jilekwenö jemakwuju otiwanö otikwö, otiwanö 'dujawi̧danö otiwemi, 'yayi̧ Jerusalénma.

Juan 3:29

Ökwödö yökawaduwi̧, Jesús ba̧jekwadönö ojwenö ubu̧datobe, jö̧ba̧lö, yökawaduwi̧ a̧ja̧kwö jwiinö chösöda, otiwa, jö̧ba̧lö— yöawinobe—. Wanedö yötawa: Ilekwonö emi̧ pjiesta ja̧nö, emakwo̧ma ösödinö ö̧jobe, iteda ilekwonö emakobetjö̧. Ja̧danö, jo̧ba ömöledöso̧bi ösödinö ö̧jobe, ömöledöso̧ ilekwonö emiökwe. Ja̧danö, jo̧bama ilekwonö emakwo̧ ösödö yöa̧li̧ a̧ja̧kwö, bakwainö ösödobe. Chömöayedö, Jesúsma ilekwonö emakwo̧danö jo̧. Ja̧danö, ötjöma ilekwonö emakwo̧ ömöledöso̧danö jo̧sa. Ötjöma Jesús jojodönö ösödö yöa̧li̧ a̧ja̧kwö ösödo̧sa. Jo̧kwaobetjö̧, cho̧'wo̧ luwo̧nö jwiinö ösödö jo̧sa, Jesús ojwenö ubu̧dati̧ yökawaduwi̧ a̧ja̧kwö— yöawinobe Juan Ojwenö Bu̧dato̧ma ömöayedönö.

Mateo 13:24

Jesúsma ju'wi wanedö yöawakwawabi yöawinobe, baikwö: —Mölejȩbe jo̧ la'aka luwo̧ ö̧jena jawama baikwö wanedö yötawa: Bakwo̧ batjo luwo̧ma, trigosade otiwi̧ ödebiya öbatjonö ikwö ujuninobe.

Isaías 54:5

Jau, ökwö kwilekwedanöbo̧ma, ökwönö otidina Isabenö Jo̧ Okobe Jwiinö Juluwo̧ Dios jö̧ba̧lö mikwo̧da. Ökwönö kwö̧ji̧binö pjabato̧ma, Israel jojodö tjösödökwe Suli̧ Jwibo̧ Dios, okobe deinö bö̧jȩnö ju̧kwadö tjuluwo̧ Dios jö̧ba̧lö ötjabökweda kwilekwedanöbo̧ma, jo̧kwajabetjö̧ tabakwö kwö̧jobö jwibujuja.

Apocalipsis 14:4

Jobadö ciento cuarenta y cuatro ömadöma, isujukwö la'akatjöda jö̧ködö. Jobadöma, Diosnöda ösödö, jo̧ba wei̧da a̧ja̧kwö, ju̧kwadö. Ja̧danö, jobadöma Obeja Itji̧danö Jo̧ ökömanö kwebachadö. Ja̧danö, jobadöma böjȩnö ju̧kwadötjö ajayinö Dios omudawö eminawö̧. Batjo junawatjö ajayinö wa̧ji̧, damötjö wainö Diosnö tjiyinadanö, jobadöma Diosnöbi, Obeja Itji̧danö Jo̧nöbi ajayinö omudawö iyawinadö.

Tito 2:13

Jau Tito, ina böjȩnö dö̧jayi, do̧'wo̧ wana̧lö dite'ada̧lobe, isabenö Dios jö̧a̧lina möle badekwachakobe jö̧ba̧lö, inesö otiwa möle, ökwödö dö̧jibinö pjabato̧ la'aka Dios Jesucristoma iteda ujulu i̧sebenama.

Mateo 22:2

—Baikwö wanedö yötawa Dios la'aka luwo̧ ö̧jakwa̧ jawama: Bakwo̧ la'aka luwo̧ma, iteda itji̧ ilekwonö emawa pjiesta ujuninobe.

2 Timoteo 4:8

Ja̧danö, jejenö ja̧bö chö̧jiökwe, chuunö chubutjawakwaka, sulabe jwibadö tjubutjawakama, ida̧ökö mölejȩbe te'ada̧lö jo̧be, 'dö̧ibaji̧ möle Duluwo̧ chuunö öwanenanö kabatö. Jau Timoteo, Duluwo̧da sulabe jwibo̧ inesö lȩekwa luwo̧ma, ja̧danö ja̧ mölema, Duluwo̧ma ja̧ka inesö otiwaka ötjönö iyö öwanakobe. Jo̧kwaijayonö sule ötjönödamaökö, okobe deinö Duluwo̧ ichakwa̧ ösödö te'ada̧ladönöbi iyakobe ja̧ mölema.

Mateo 3:2

—Sulabenö kwomukwataduwi̧ kabatibö balewachaduwi, Dios yöbawö weakwa̧ möle yöneawachibobe— jö̧ba̧lö.

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.

1 Corintios 11:2

Chömöledö, ökwödöma otiwanö kwomukwataduwobe ötjö ja̧bö chö̧jinama, ja̧danö ökwödönö wetina jawama otiwanö ja̧bö kwö̧jaduwobe, baikwö ja̧bö kwö̧jaduwo jö̧ba̧lö ökwödönö wetina jawama. Ja̧danö, jejenöobetjö̧, otiwa jö̧ba̧lö yötawaduwakwö chömöledö.

Mateo 20:1

Tupakwö yöawinobe Jesúsma: —Baikwö wanedö yötawa Dios la'aka luwo̧ ö̧jakwa̧ jawa: Bakwo̧ uba batjo luwo̧ ö̧jinobe, ja̧danö jo̧bama tjotidakwedönö yȩayi isakwinobe, ja̧ möle öbatjo tjotidobö.

Mateo 13:47

Ja̧danö, ju'wibi baikwö wanedö yötawa mölejȩbe jo̧ yöbawö weena jawama: Maya jwobö otidadöma o̧pesobutjö maya jwotjinobe, ja̧danö nöinö ba̧i̧ ju'wedötjöbi do̧tjatinobe.

Mateo 13:38

Ja̧danö, öbatjo badekwachi̧ma, böjȩ badekwachobe, ja̧danö otiwade ödebiya badekwachi̧ma, webö yöbawo̧ Dios ömöledönö badekwachobe. Ja̧danö, sula'wo jawasa'ye badekwachi̧ma, inesö sulabo̧ Awetja ömöledönö badekwachobe,

Apocalipsis 4:5

Ja̧danö, ö̧belöma böba kwawijatö, nekakanö dejö. Böbama labinö ökwödijatö. Ja̧danö, ö̧bemi badeibö dejuwa'yiju, jelemutjö do'yulatajanö ubijatö. Ja̧ o'yubiyama Dios O̧'wo̧ Luwo̧ ujulu i̧sebi̧, jelemutjö dötölataja ujulu ujuna̧li̧ wanekwachi̧.

Mateo 9:15

Jejenö atjebökwe, Jesúsma atadö wanedö yöawinobe: —Kwöwaisaduwa, tji̧lȩkwa̧munö emawa pjiesta tjujunenama, iteda ilekwonö emajo̧ ömöledöma jo̧bakwö pjiesta tjujunena. Ja̧danö, jejenö pjiesta tjujunenama o̧'wo̧ tjo̧achöma budekwöködö, ¿jö̧tö? Ötjöma ilekwonö emajo̧danö ichejekwo̧sa, ja̧danö jobadökwö chö̧jayi, o̧'wo̧ tjo̧achöma ö̧tö̧chö ja̧böködö chöba̧ja̧di̧ waisachadöma. Jo̧kwaijayonö ju'wi möle detakobe, ja̧danö detena baibenama jobadöbi o̧'wo̧ tjo̧achö tju̧kwa ö̧tö̧chö ja̧tjakwedö— jö̧ba̧lö atadinobe Jesúsma.

Mateo 5:16

Ökwödöbi ja̧danö chömöledö. Ökwödö böjȩ jojodö tjö'da̧de ja̧nö, otiwanö ja̧bö ja̧nö kwidejataduwo, okobe deinö otiwanö ja̧bö kwö̧jaduwi̧ tjedakobetjö̧, ja̧danö jejenö edö, okobe deinö mölejȩbe jo̧ kwabe'doduwinö tjösödakobetjö̧— jö̧ba̧lö yöawinobe Jesúsma.

Hechos 20:8

Ökwödöma mösȩko̧nö döba̧ijatö, la̧pa̧la̧yu̧bi̧ya ba̧jekwa o̧yu̧ dewȩko̧nö.

Mateo 13:31

Jesúsma ju'wi wanedö yöawakwawabi yöawinobe, baikwö: —Baikwö wanedö yötawa Dios la'aka luwo̧ ö̧jakwa̧ jawama: Bakwo̧ batjo otido̧ma, mostaza ötjabi̧sade öbatjonö ödinobe.

Mateo 25:7

Jejenö jwöiawö̧, jobadö domulataja möayedö ya̧döma a̧laibö tjitea dejuwa'yu̧ tjotidinobe otiwanö dejatobö.

Juan 18:3

Jo̧kwaobetjö̧, Judasma romano jojodötjö guardianöbi, Diostjö jojodötjö ö'weje pjabatadötjö la'aka luwedö wetjajawö̧nöbi, fariseo jojodö wetjajawö̧nöbi öbibö i̧'yinobe jobe batjobema. Ja̧danö, la̧pa̧la̧yu̧biyanöbi, dejewa'yu̧biyanöbi deja̧lö tji̧'yinobe. Ja̧danö, tokwötebiyabi, ö̧'i̧ya kwakwatjakwa̧ ö̧'i̧yabi do̧ba̧lö tji̧'yinobe Jesúsnö do̧tjatobö.

Apocalipsis 8:10

Jemi ikena trompeta pjubo̧ pjuena sili'i nöbo̧, dejewa'yu̧danö ubo̧ mölejȩbetjö ojwebiyanöbi, ojwe se'dijunöbi meobe chedijatö, ö'wemida.