Mateo 24:10 - Dios Iwene

¹⁰ Ja̧ möle, ba̧jekwadö katjatibakobe, ja̧danö tjömöledönö tjöpöjojodönö iyö lotjakobe, ja̧danö tjömöledönö tjöpöjödakobe.

Mateo 24:10 Referans Kwoze

Lucas 21:16

Isabenö ba̧jekwadö ökwödönö tjöpöjödakobe chömöledö, yöne kwömöledöbi ökwödönö tjöpöjödakobe. Jau chömöledö, kwabe'dodöbi, kwojo'dodöbi, kwö̧ja̧wo̧döbi, yöne kwömöledöbi, ju'wedö kwömöledöbi öpöjödö iyö lotjakobe ökwödönö, ja̧danö ötjönö kwösödaduwobetjö̧ isabenö ökwödötjö ju'wedönö kwabö lotjakobe.

Marcos 13:12

Jejenö, ökwödönö baledonö böjȩ jojodöma, ötjönö öpöjödadöma, tjo̧'wo̧ sulinö edö idöda tjömöledönö kwabö lotjobö wetjachakwedö. Jobadöma, idöda tjömöledönö, ötjönö ösödadönö, la'aka luwedönö kwabö lotjobö wetjachakobe. Ja̧danö, tjabe'dobi, tjojo'dobi ötjönö öpöjödadöma idöda tji̧tji̧munö ötjönö ösödadönö wetjachakwedö, kwabö lotjobö. Ja̧danö, tji̧tji̧mubi ötjönö öpöjödadöma, idöda tjabe'donöbi, tjojo'donöbi ötjönö ösödadönö wetjachakwedö kwabö lotjobö.

Mateo 11:6

Ja̧danö tupakwö yökawaduwonö Juannö: Aaa, Jesúsma isabenö Dios weinökwe jö̧ba̧lö ötjönö ösödö kabatiböködöma, isabenö tjo̧'wo̧ ösöwanö ja̧dö jö̧ba̧lö— atadinobe Jesúsma.

Marcos 4:17

Tjösödijayonö inakoena niji ja'yubeda jenadanö, bö'diya okwa dötewöködanö, tjomajade okwanö do̧batiböködö. Dios iwenetjö ja'yubeda, wame jawada tjomukwatobetjö̧ tjomajade okwanö do̧batiböködö. Jo̧kwaobetjö̧ ju'wi möle, wene baibena, ja̧danö Dios iwene tjösödobetjö̧ usula tjemawenama, juluwanö kabatibadö Diosnöma—labebö lobö yöbawijetö—.

2 Timoteo 4:16

Ajayinö lȩekwa luwedö tjöba a'o chö̧jenama, jo̧dawa'ye chö̧jijatö, okobe deinö le'dedibö tji̧'yinobetjö̧. Jejenö le'dedibö tji̧'yijayonö, ötjönö le'dedibö 'yi̧nadönö Dios lȩlö̧jinö edobö chösöda, le'dedibö tji̧'yina omukwatökönö.

Mateo 13:21

Jobadöma ajayinö tjo̧'wo̧ ösöwachibanö tja̧ja̧kwijayonö, okwanö söibokobe a̧ja̧kwadö, ja̧danö lekwema ösödöködö. Wene baibena, ja̧danö usula tjemawenama, juluwanö kabatibadö.

Mateo 10:21

Jau chömöledö, ötjönö öpöjödadöma, yöne tjö̧ja̧wo̧döda ötjönö ösödadönöma iyö lotjakobe, kwabö lotjobö, ja̧danö ju'wedöma idöda tji̧tji̧munö iyö lotjakobe, ja̧danö ju'wedöma tjabe'dodönö öpöjödö iyö lotjakobe, tjabe'dodönö kwabö lotjobö, ötjönö tjösödobetjö̧.

2 Timoteo 4:10

Jau Timoteo, ajayinö ötjökwö otidina Demas mikwo̧ma, böjȩ jawa ösödobetjö̧ ötjönö le'dedibö i̧'yajabe, ja̧danö böjȩ jawa ösödobetjö̧ Tesalónicabe i̧'yajabe. Ja̧danö, ju'wibi Crescentema Galacia nijibe i̧'yajabe, ja̧danö Titoma Dalmacia nijibe i̧'yajabe,

2 Timoteo 1:15

Timoteo, kwöwaisa, ba̧jekwadö Asia nijitjö Jesúsnö ösödadöma ötjönö katjatibinobe, ja̧danö jobadötjö Figelobi, Hermógenesbi ötjönö katjatibinobe.

Mateo 13:57

Jejenö tjöpöjödiökwe, Jesúsma jobadönö yöawinobe: —Okobe deinö jelobetenia jojodöma otiwanö tjomukwatobe Dios yöawi̧ yöbawo̧nö, sule iteda a̧dekwanö itebo jojodöda, ja̧danö yöne ömöledöda jo̧banö otiwanöma omukwatöködö, Dios yöawi̧ yöbawö̧kö̧, jö̧ba̧lö— yöawinobe Jesúsma.

Mateo 24:11

Ja̧danö, ba̧jekwadö sulabenö yöbawadöma sulabenö yötjawakobe, ja̧danö ba̧jekwadö jobadö yötjawi̧ a̧ja̧kwö tjösödakobe,