Mateo 23:21 - Dios Iwene

²¹ Ja̧danö, bakwo̧ Dios eju wanedö iteda ja̧akwa̧ wene yöbawö ujunenama, sule ja̧damaökö, Dios ejubi, ja̧danö jobe jo̧ Diosnöbi wanedö yöbawö jo̧.

Mateo 23:21 Referans Kwoze

1 Reyes 8:13

Ja̧danö chuluwo̧ Isabenö Jo̧, ökwöda kweju baibanö, jwiinö otiweju chotidajabe, jobe ba̧kwelöjatebö kwö̧jobö chuluwo̧, —jö̧ba̧lö aebinobe Salomonma.

Colosenses 2:9

Jau chömöledö, jelobetjö Dios jawa kwisakwaduwoböma jwiobe, jojo babibina Cristoma okobe jwiinö Dios jawa ujuna̧lobetjö̧.

Efesios 2:22

Jau chömöledö ökwödö judío jojodöböködöbi, Dios O̧'wo̧ Luwo̧ kwo̧'wo̧ luwo̧duwinö tebachibö öjamatinobetjö̧ Jesúskwö bakobe babibö Dios ejudanö ja̧döja, Dios ö̧jejunö.

1 Reyes 8:27

—Chuluwo̧ Dios, ökwö kweju chotidajabe, jo̧kwaijayonö bö̧jȩnöda jö̧kö̧ja chuluwo̧. Jau chuluwo, inesö nöbo̧ja, mölejȩ inesö möjȩnöbi kwobiökenanö, jokwajabetjö̧ chöwaisa, beju bö̧jesejunö kwobioböma jwibo̧ja, jö̧balö.

Mateo 23:20

Baikwö yötawaduwakwö: Bakwo̧ Diosnö iyawapjo wanedö iteda isabenö ja̧akwa̧ wene yöbawö ujunenama, sule ja̧damaökö, Diosnö iyawapjobi, okobe jwiinö japjonö wanawabi wanedö yöbawö juno̧, ja̧danö jö̧a̧laja̧danö ja̧okobetjö̧ Dios lȩebobö jȩna.