Mateo 22:24 - Dios Iwene

²⁴ Jobadöma Jesúsnö abebö tja̧ja̧kwinobe baikwö: —Ba̧ja̧dakwawa luwo̧, Moisésma baikwö iwȩyudinobe, bakwo̧ ilekwonö juna̧lo̧ma, i̧tji̧mu deayi woitjö̧ma, iteda öjawo̧ma wobö ujunibinokonö emobö jo̧be, ja̧danö jobadö tji̧tji̧muma, öpöe i̧tji̧mudanö batjibakwedö jö̧ba̧lö iwȩyudinobe.

Mateo 22:24 Referans Kwoze

Lucas 20:28

Jobadöma Jesúsnö abebö tja̧ja̧kwinobe baikwö: —Ba̧ja̧dakwawa luwo̧, Moisésma baikwö iwȩyudinobe, bakwo̧ ilekwonö juna̧lo̧ma, i̧tji̧mu deayi woitjö̧ma, iteda öjawo̧da wobö ujunibinokonö emobö jo̧be, ja̧danö jobadö tji̧tji̧muma, öpöemine iteaja̧ tjomudajibakwedö batjibakobe jö̧ba̧lö iwȩyudinobe.

Marcos 12:19

—Ba̧ja̧dakwawa jojo, Moisés iwȩyudina ökwödö ja̧bö dö̧ji̧ma baikwö yöawobe: Bakwo̧, ilekwonö juna̧lo̧, tjemu debo̧ woitjö̧ma öjawo̧ma jo̧ba ilekwo ba̧jajunö emobö jo̧be. Ja̧danö, jo̧ba i̧tji̧mu wobina i̧tji̧mudanö batjibobö jo̧be.

Lucas 6:46

Tupakwö yöawinobe Jesúsma: —Chömöledö, ökwödöma ötjönö duluwo̧ jö̧ba̧lö öbabidöja ötjönö, ¿jö̧tö? Ja̧danö, jejenö duluwo̧ jö̧ba̧lö ötjönö ökabiduwitjö̧ma, ¿tajawedö yötawi̧danö ja̧bö kwö̧jaduwokobeda? Isabenö yötawi̧danö ja̧bö kwö̧jaduwobö jo̧be.

Mateo 22:36

—Ba̧ja̧dakwawa luwo̧, Moisés Dios wei̧ iwȩyudinatjö, ¿diya̧daja̧ ju'wi wei̧tjö bajalekwönönö mikwawi̧ wei̧ma?— jö̧ba̧lö.

Mateo 22:16

Ikenama, omukwatajadö, idöda tjömöayedönö ju'wedönöbi, la'aka luwo̧ Herodesnö ösödadötjö ju'wedönöbi wetjinobe, Jesúsnö abebö tja̧ja̧kwobö baikwö: —Ba̧ja̧dakwawa luwo̧, ökwönö döwaisa, jweinö yöbawo̧ja jö̧ba̧lö. Ja̧danö, Aaa, jojodö sulabenö tjöpöjödapji jö̧ba̧lö omukwatökönö, yebabökönö jweinö Dios ösödi̧ jawa yöbawo̧ja, jö̧ba̧lö döwaisa. Jau ba̧ja̧dakwawa luwo̧, döwaisa, luwedönöbi jweinö yöbawo̧ja, jojodönö wainökwenama kwedokobetjö̧.

Mateo 7:21

Tupakwö yöawinobe Jesúsma: —Chömöledö, ju'wedöma ötjönö Duluwo̧ jö̧ba̧lö ötjabijayonö, chömöayedöböködö, ja̧danö ötjönö Duluwo̧ jö̧ba̧lö ötjabijayonö, mölejȩbe jo̧ Dios la'aka luwo̧ ö̧jakwa̧ tetjachökakwedö. Jau chömöledö, sule mölejȩbe jo̧ Chabe'do ösödi̧danö ja̧badöda jobe tetjachakwedö.

Génesis 38:11

Jejenö balediökwe Judáma, yebabinö omukwatijetö, ¡Ayö! Chitji̧ bajaliyanö luwo̧nö Tamarnö emobö wetitjö̧ma, jo̧babi ö'wö baibena, jö̧ba̧lö. Jo̧kwaobetjö̧ jö̧ba̧lijetö ojoliju Tamarnö: —Babeda kwabe'do ejube daji, jobeda ja̧nö, kwilekwenö emökönö. Chitji̧ bajaliyanö luwo̧ Sela, möayo̧ baibena ökwönö emakobe— jö̧ba̧lijetö. Jo̧kwaobetjö̧ Tamarma jabe'do ejube ȩwa̧jaju jobeda ja̧nö te'ada̧lijotö.

Génesis 38:8

Ja̧danö, Er woaja̧ ikena Judáma jö̧ba̧lijetö itji̧ Onánnö, ikena jojonö: —Chitji̧ a̧ja̧kwitjö. Kwöpöe Erma i̧tji̧mu debo̧ woinobe. Kwöwaisa, ökwödö da'dödö wetjinama, baikwö weobe: Bakwo̧ iteda öpöe tjemu debo̧ woajaitjö̧ma jo̧ba öjawo̧ma öpöe ilekwobajujunö emobö weobe, öpöe ö̧jajabe okobe ja̧nö itji̧nö 'yaebobö. Jo̧ba itji̧ abönö pöema wobina itji̧danö ö̧jakwo̧, wobinatjö̧ tupadanö jojodö tjö̧jakobetjö̧. Jo̧kwaobetjö̧ chitji̧ wetakwö: Kwöpöemine ilekwobajujunö kwemo— webijetö Judáma itji̧ Onánnö.

Mateo 22:25

Ja̧danö, bakwo̧ i̧tji̧mu ömadö jelemutjö du̧ju̧taja tjö̧jinobe, ja̧danö jobadötjö abönö pöema ilekwonö eminobe, jo̧kwaijayonö, i̧tji̧mu ina deayi woinobe. Jejenö woiökwe, jo̧ba öjawo̧ma öpöemine wobö ujunibinokonö eminobe.

Lucas 20:33

Ina böjȩnö tjö̧jayi okobe deinö jobadö jelemutjö du̧ju̧taja tjilekwo jö̧jinobe, jo̧kwajabetjö̧, baikwö abebö da̧ja̧kwakwö Jesús: 'Dö̧ibaji̧ möle wobajaletjö tjetjachajenama, jobadö okobe deinö tjilekwoba̧ju jö̧jinobema, mölejȩbetjöma ¿ti ilekwo jö̧jakwa̧da?— jö̧ba̧lö abebö tja̧ja̧kwinobe.