Mateo 22:22 - Dios Iwene

²² Jejenö yöawawö̧, tjöbajale jalaka baibanö tja̧ja̧kwinobe, Bitema isabenö waisanö yöbawo̧we, jö̧ba̧lö, ja̧danö ö̧jelö labeibö tjȩwa̧jinobe.

Mateo 22:22 Referans Kwoze

Marcos 12:12

Ja̧danö, jobadö judío jojodötjö la'aka luwedöma a̧ja̧kwö waisachibijadötö Jesús wanedö yöawaja̧ma, idöda sulabenö tjomukwati̧ yöawatö. Jo̧kwaiawö̧, Jesúsnö do̧dato jö̧tja̧lijayonö jojodö ba̧jekwadö Jesúsnö tjösödiawö̧ yebabijadötö, Ökwödönö jwiinö tjölabena, jö̧ba̧lö. Jo̧kwaobetjö̧ do̧batökönö jo̧ba ö̧jelöma labekwajijadötö.

Colosenses 4:6

Ja̧danö, jobadönö yöka̧laduwi̧ma, dösölö̧jinö yöka̧laduwodönö. Ja̧danö wanedö yötawa: Meyuwanöma yöka̧laduwoko, söinö yöka̧laduwodönö chömöledö. Ja̧danö, jojodö ökwödönö abebö tja̧ja̧kwenama, otiwanö kwatadaduwo jö̧ka̧laduwi̧danö atadakwawa kwöwaisaduwo chömöledö, otiwanö jobadönö kwatadaduwakobetjö̧.

Hechos 6:10

Jejenö jwöjwötjakwawijayonö jobadöma atadakwawa jwiinö ji̧jadötö, Dios O̧'wo̧ Luwo̧ öba̧ja̧da̧lonö Esteban waisanö yöa̧lobetjö̧.

Mateo 22:46

Jejenö aebawö̧, atadakwawa jwiinö tjö̧jinobe, ja̧danö jemi tupakwöma Jesúsnö abebö tja̧ja̧kwobö yetjabinobe, yelösöda waisanö atado̧ jö̧ba̧lö.

Mateo 22:33

Jejenö yöawiawö̧, jojodöma tjöbajale jalaka baibanö tja̧ja̧kwinobe, Ayö, bitema waisanö ba̧ja̧do̧we, jö̧ba̧lö.

Mateo 10:16

Tupakwö yöawinobe Jesúsma: —Chömöledö, isabenö labobe kwi̧'yaduwobö wetaduwakwö. Baikwö wanedö yötawa: Ökwödönöma o̧bȩja̧dönö wetobedanö ichejekwa, labidö tebo a̧wi̧li̧dö tjö'da̧de kwi̧'yaduwobö. Jo̧kwajabetjö̧, waisanö omukwatö kwö̧jaduwo, ja̧danö ju'wibi ja'yubebi jojodönö laböködö kwö̧jaduwo.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.