Mateo 21:39 - Dios Iwene

³⁹ Jejenö omukwatajadö, jo̧banö do̧batö, batjotjö labebö jo̧banö kwabö lotjinobe.

Mateo 21:39 Referans Kwoze

Hechos 2:23

Ina yöbawijetö: —Ökwödöma sulabedönö weköbaduwijatö ösötenö bȩtjobö Jesúsnöma, ö'wöchinö baibanö. Ja̧ weköbinaduwima Diosma la'akatjöda waisijetö. Diosma la'akatjöda Jesúsnö baledakwa̧ waisö, omukwatö junijetö Jesúsnöma.

Santiago 5:6

Ja̧danö, ökwödö juna̧ladöma yelösöda sulabenö omukwatö ja̧köbinaduwobe ju'wedönö, ökwödönö sulabenö omukwatöködönöma. Ja̧danö, jobadö otiwanö omukwatö ju̧kwadönö jwökeba̧linaduwobe böjȩnö lȩbebö yöbawo̧nöma, Sulabenö ja̧tjinobe, jö̧ba̧lö. Ja̧danö, ju'wedönö kwabö lotjobö weköbinaduwobe. Isabenö, ökwödö sulabenö ja̧badöma, sulabenö ja̧böködönö kwabö loköbinaduwobe. Biya̧da yötawa ökwödö juna̧ladönöma. A̧ja̧kwaduwitjö. Isabenö, ju'wi möle usula kwemaduwakwedöja.

Hechos 7:52

Da'dödöminema, Dios yöawi̧ yöbawinadönö sulabenö ja̧tjinobe. Bakwo̧bi deobe sulabenö ja̧tjinökökwema. Dioskwö wene jwibo̧ ichakwa̧ yöbawinadönöbi kwabö lobijadötö. Babema ökwödöma da'dödöminema Dios yöawi̧ yöbawinadönö sulabenö ja̧tji̧danö ökwödöbi ja̧köbaduwijatö. Ja̧danö, ökwödöma Dios yöawi̧ yötjawinökwenö sulabenö iyö loköbaduwijadötö tjö'wötobö webö.

Juan 18:12

Ikenama Roma jojodötjö guardiabi, jobadö tjuluwo̧bi, Diostjö jojodötjö ö'weje pjabatadö wetjajawö̧bi, fariseo jojodö wetjajawö̧bi Jesúsnö ömamunö nu'yajadö öbibö tji̧'yinobe.

Mateo 26:57

Ö'weje pjabatadö la'aka tjuluwo̧ Caifás mikwo̧ ejutjö, Moisés iwȩyudina ba̧ja̧dadöbi, damöbi ko̧ko̧kwö tjö̧bajinobe, ja̧danö Jesúsnö do̧batajadöma tjö̧bajabekwö jo̧banö öbibö tji̧'yinobe.

Hechos 5:30

Diosma, ökwödö da'dödömine Tjuluwo̧ Diosma, Jesúsnö, towisa'onö bȩbö tjujunobö weköbinaduwökwenöma yemidanö tjeachajinö ja̧bijetö.

Hechos 4:10

Jejenö akebaduwitjö̧ yötawa ökwödönöbi, okobe deinö israel jojodönöbi kwöwaisachibaduwobö. Jesucristo, Nazaretnö da̧peachina ujulunöda otiwanö baibinobe jo̧ba kwebachö̧kö̧nöma. Ökwödö bȩbö tjujunobö weköbaduwinökwe ö'wöchajo̧ yemidanö 'yabibajina, jo̧ba ujulunöda baibinobe— atadijetö—.

Juan 18:24

Ikenama ö'weje la'aka pjabato̧ Anásma weinobe Jesús, tjunu'yajökwenö tje'ewobö Caifás öjobekwö.

Mateo 26:50

Du̧atökwe, Jesúsma jo̧banö jö̧a̧linobe: —Iyö loköbobö kwomukwati̧ma juluwanö iyö lobitjö— jö̧ba̧lö. Ikenama, Judaskwö ichajadöma ichö Jesúsnö do̧batibö 'diinö do̧tja̧linobe.

Mateo 21:38

Jejenö omukwatö, itji̧nö weinobe, jo̧kwaijayonö, batjo luwo̧ itji̧nö tjedenama, batjo otidadöma yötja̧lakwawinobe idödada: Bitema iteda abe'do woaja̧ okobe, abe'do otidaja̧ omudajibakwo̧, jo̧kwajabetjö̧ bitenö kwabö loditjö̧ma, biyu öbatjoajayuma ökwödöda döbatjo baibakobe, jö̧ba̧lö omukwatakwawö yötja̧lakwawinobe.

Mateo 21:40

Ökwödöma ¿dakwö kwomukwataduwa? Batjo luwo̧ ichenama, ¿dakwö ja̧akwa̧da jobadö batjo öbalewajawö̧nöma?— jö̧ba̧lö abebö a̧ja̧kwinobe Jesúsma.