Mateo 21:37 - Dios Iwene

³⁷ Ikenama, bajalianö batjo luwo̧ma iteda itji̧nö weinobe, ötjöda chitji̧obetjö̧, isabenö jo̧banö otiwanö omukwatö tjiyo jö̧tja̧li̧danö tjiyakwedö jö̧ba̧lö.

Mateo 21:37 Referans Kwoze

Juan 3:16

Diosma okobe deinö böjȩnö ju̧kwadönö jwiinö ile niebobetjö̧ itji̧nö iteakwo̧nöda weinobe böjȩkwö. Ja̧danö, itji̧ iteakwo̧nö weinobe, jo̧banö ösödadöma, Bitema dö̧jibinö pjabato̧, jö̧ba̧lö, ba̧kwȩlö̧jatebö tjuju̧kwobö Dioskwö. Ja̧danö, jobadönö Dios lȩebi̧tjö baledökönö ba̧kwȩlö̧jatebö tjuju̧kwakwedö Dioskwö.

Juan 1:34

Jejenö ötjöma, Dios yöawinadanö baibobe edö chöwaisachibijatö, Aaa itema Dios weinökwe, jö̧ba̧lö. Jo̧kwaobetjö̧ jweinö yötawaduwakwö, ite icho̧ma Dios Itji̧— yöawinobe Juanma.

Lucas 20:13

Jejenö ja̧tjiökwe, batjo luwo̧ma omukwatö yöa̧linobe itedada: ¿Dakwö ja̧takwajö? Aaa, chitji̧ chösödökwenö wetocha, ja̧danö ötjöda chitji̧obetjö̧, batjo otidadöma isabenö jo̧banö otiwanö tjomukwatakobe, ja̧danö jo̧banö otiwanö omukwatö tjimido jö̧tja̧li̧danö tjumusidi̧ jo̧banö tjimidakwedö, jö̧ba̧lö.

Marcos 12:6

Ikenama la'aka luwo̧ wea̧linawö̧tjöma okobema bakwo̧da, la'aka luwo̧ iteda itji̧da, ile niebökweda, ji̧bijetö. Jo̧kwaobetjö̧, la'aka luwo̧ma, Chitji̧nö otiwanö omukwatö kwakwatjökena, jö̧ba̧lö, webijetö jo̧banö, itji̧nö, uba batjo otidadönötjö emajobö.

Mateo 3:17

Ja̧danö, mölejȩbetjö Dios iwene ökwöinobe, baikwö ökwöi̧ma: —Bitema ötjöda chösödökwe chitji̧. Cho̧'wo̧ ösöwanö chedökwe bitema— jö̧ba̧lö ökwöinobe.

Isaías 5:4

Kwedaduwemi, ajayinö chotidinatjö bajalekwönönö chöbatjo chotidobö ji̧naji̧? Ja̧maökö, okobe jwiinö chotido jö̧ta̧lina jawa otiwanö chotidijatö, jö̧tö? Ja̧danö, jobekwö otiwanö chotidinobetjö̧, uba waji̧ otiwi̧ wa̧jobö ji̧nobe, jö̧tö? Jo̧kwajabetjö̧ baikwö abebö cha̧ja̧kwaduwakwö: Uba waji̧ otiwi̧ wa̧jobö chiteada̧lemi, tajawedö sule suli̧ tebo jawa wa̧ji̧da pokwinada? Jobekwö suli̧ jawada pokwobö jwiinobe, jö̧tö?

Juan 1:18

Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.

Mateo 21:36

Jo̧kwajabetjö̧ batjo luwo̧ma balekwedönö ju'wedönö iteda ömöayedönö, ajayitjö bajalekwönönö ba̧jekwadönö weinobe, jo̧kwaijayonö ajayinö sulabenö ja̧tjinadanö yemidanö jobadönöbi sulabenö ja̧tjinobe öbatjo öbalewajawö̧ma.

Mateo 21:38

Jejenö omukwatö, itji̧nö weinobe, jo̧kwaijayonö, batjo luwo̧ itji̧nö tjedenama, batjo otidadöma yötja̧lakwawinobe idödada: Bitema iteda abe'do woaja̧ okobe, abe'do otidaja̧ omudajibakwo̧, jo̧kwajabetjö̧ bitenö kwabö loditjö̧ma, biyu öbatjoajayuma ökwödöda döbatjo baibakobe, jö̧ba̧lö omukwatakwawö yötja̧lakwawinobe.