Mateo 21:33 - Dios Iwene

³³ Tupakwö yöawinobe Jesúsma: —Ju'wi wanedö yöawakwawabi kwa̧ja̧kwaduwo, baikwö: Bakwo̧ niji otiwemi juna̧lo̧ma, uba batjo otidinobe, ja̧danö laju ubasobu ja̧takwö tjotidakwaju sobö ujuninobe, ja̧danö batjo ö'öbö tjöekwinö ujuninobe, ja̧danö batjo te'ada̧ladö otiwanö tjedobö möaka edawaka ujuninobe. Ikenama, ju'wedö batjo otidadönö mikwanö öbalewinobe öbatjoma jobadö tjotidobö, ja̧danö balewajo̧, jelobe ju'wedö tjitebobe kwebachö i̧'yinobe.

Mateo 21:33 Referans Kwoze

Juan 15:1

Jesúsma wanedö yöawinobe öba̧ja̧di̧ waisachadönö: —Ötjöma uba sa'basa, inesö sa'ba. Ja̧danö, Chabe'doma uba batjo otido̧— yöawinobe—.

Lucas 19:12

Baikwö yöawinobe Jesúsma: —La'aka luwedö tjitji̧ tupadanö jojojodötjö bakwo̧ ö̧jinobe, iteda itebo jojodötjö la'aka tjuluwo̧ ö̧jakwo̧ jö̧ba̧lö 'dabatö tjujuninökwema. Ja̧danö, la'aka luwo̧ baibanö tjujunobö baibenama, jo̧bama ödö i̧'yinobe, inesö la'aka luwo̧ ö̧jobekwö, inesö la'aka luwo̧ma jo̧banö la'aka tjuluwo̧ baibanö ujunobö, ja̧danö jemi ikena ȩwa̧jö itebo jojodönö yöbawö weobö.

Marcos 13:34

Wanedö yötawa: Bakwo̧ la'aka luwo̧, jelobe i̧'yajabe okobema ejunö ömöayedöma tjuluwo̧ weaja̧ otidö tjuju̧kwobe. Jobadöma bakwo̧nökwena tjotidawa otidö tjuju̧kwobe tjuluwo̧ weaja̧ma. Apjude a'o te'ada̧lo̧nöbi, Eda̧lö kwite'ada̧lo, jö̧ba̧lö, webijetö tjuluwo̧ma i̧'yakwa̧ abönö, yemidanö ichakwa̧ma ite'ada̧lobö. Ja̧danö, ömöayedöma wajwibadö tjuluwo̧ yemidanö ichakwa̧ma.

Mateo 23:2

—Moisés iwȩyudina ba̧ja̧dadöbi, fariseo jojodöbi ökwödönö webö tjö̧jobe, ¿jö̧tö? Jau chömöledö, jobadöma Moisés jojodönö webö ö̧jinadanö babema jobadöda Moisés iwȩyudina jawa ökwödönö wetjobe, ¿jö̧tö?

Mateo 21:28

Tupakwö yöawinobe Jesúsma jobadönö: —Baikwö wanedö yötawa: Bakwo̧ uba batjo juna̧lo̧ma, i̧tji̧mu ömadö du̧ju̧tajanö ujuna̧linobe, ja̧danö ju'wi möle abönö pöenö weinobe: Chitji̧, babe möle chöbatjo kwotido, jö̧ba̧lö.

Mateo 13:18

Baikwö labebö lobö yötawaduwakwö batjo otido̧nö wanedö yötawaja̧ma, kwa̧ja̧kwaduwobö:

Isaías 1:10

Isabenö Sodoma jojodödanö, ja̧danö Gomorra jojodödanö, jwiinö sulabenö ja̧badöja chömöledö israel jojodö. Jo̧kwajabetjö̧ ökwödö Sodoma luwedödanö wanekwachadönö baikwö yötawaduwakwö, Isabenö Jo̧ yöawi̧ kwa̧ja̧kwaduwo jö̧ba̧lö. Ja̧danö ökwödö Gomorra jojodödanö wanekwachadönö baikwö yötawaduwakwö, Dios jwebebö lȩebi̧ma, otiwanö omukwatö kwa̧ja̧kwaduwo, jö̧balö.

1 Reyes 22:19

Yöa̧liökwe, tupakwö yöawinobe Micaiasma: —Tupakwö Isabenö Jo̧ yöawi̧ kwa̧ja̧kwo: Chi̧'wi̧dinö chedatö, Isabenö Jo̧ iteaka la'aka luwo̧ ö̧bakanö ö̧bobema, ja̧danö okobe deinö mölejȩbe ju̧kwadö iteda ömöayedö ölakwabikwawadö angeledö öwaisobekwöchobebi, wajwiobekwöchobebi tjo̧ko̧ko̧kwobekwö chedatö.

Deuteronomio 16:18

Tupakwö yöawinobe Moisesma, israel jojodönö: —Chömöledö, kwiteboduwi bakwasokwena niji ba̧kwȩmeachibanö, okobe jwiinö kwiteboduwi comunidadteniatjö lȩekwa luwedönöbi, ju'wedö luwedönöbi 'da̧batö kwujunaduwo, tjömöledö wene yötjawi̧ a̧ja̧kwö, jweinö lȩekwa yötjawakobetjö̧.

Mateo 20:1

Tupakwö yöawinobe Jesúsma: —Baikwö wanedö yötawa Dios la'aka luwo̧ ö̧jakwa̧ jawa: Bakwo̧ uba batjo luwo̧ ö̧jinobe, ja̧danö jo̧bama tjotidakwedönö yȩayi isakwinobe, ja̧ möle öbatjo tjotidobö.