Mateo 21:11 - Dios Iwene

¹¹ Atjebawö̧, Jesúskwö kwebachadö jojodöma tjatadinobe: —Jo̧bama Dios yöawi̧ yöbawo̧ Jesús, Galilea nijitjö Nazaret comunidad jojo— jö̧ba̧lö tjatadinobe.

Mateo 21:11 Referans Kwoze

Juan 6:14

Ja̧danö, kwajadöma Jesús ujulu i̧sebi̧ edö yötja̧lakwawinobe: —Dite'ada̧lökwema biteda, Dios yöawi̧ yöbawo̧. Damötjö Moisés yöawinökwe, Ichakwo̧, jö̧ba̧lö, yöawinökwema biteda— yötja̧lakwawinobe.

Juan 7:40

Jesús, jejenö yöawiawö̧, jojodötjö ju'wedöma, Isabenö biteda Dios yöawi̧ yöbawo̧ dite'ada̧lökwe, jö̧ba̧lö, tjösödinobe.

Lucas 7:16

Jejenö balediawö̧, jojodö yetjaibinobe. Ja̧danö Diosnö tjösödinobe, Isabenö Dios yöawi̧ yöbawo̧ juluwo̧ma dö'da̧de ö̧jobe, jö̧ba̧lö, ja̧danö, Isabenö Diosma iteda ömöledönö pjabatö ichajabe, jö̧ba̧lö Diosnö tjösödinobe.

Hechos 7:37

Jo̧bada, Moisésda israel jojodönö baikwö yöbawijetö: Diosma ju'wi möle bakwo̧nö weakobe, Dios yöawi̧ yöbawo̧nö, ötjödanö,

Juan 9:17

Jo̧kwaobetjö̧, yemidanö abebö tja̧ja̧kwinobe öbajale otiwanö baibinökwenö: —Ökwöma ¿dakwö kwomukwata jo̧ba ökwönö otidö lobinanö? ¿Tida jo̧bama?— abebö tja̧ja̧kwiökwe: —Jo̧bama Dios yöawi̧ yöbawo̧— atadinobe öbajale otiwanö baibinökwema.

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Juan 4:19

Jejenö jö̧a̧loko: —¡Ayö! Babema chöwaisachiba. Ökwöma Dios yöawi̧ yöbawo̧ja— jö̧ja̧linobe—.

Juan 1:21

—Jo̧kwaobetjö̧, ökwöma ¿tida? ¿Elíasmine, yemidanö tebachajinaköbiji̧?— abebö tja̧ja̧kwökwe: —Elíasbö̧kö̧sa— Juan atadawö̧: —Ökwöma ¿ökwödö judío jojodö dite'ada̧lökweköbiji̧, Dios, iteda yöawi̧ yöbawö ichakwo̧nö yöawinökwema?— abebö tja̧ja̧kwökwe: —Jo̧bamaö̧kö̧sa— atadinobe Juanma. Jejenö atadawö̧:

Marcos 6:15

Ja̧danö, ju'wedöma yöba̧lakwawijadötö: —Jo̧bamaökö. Bite Jesúsma damötjö Dios yöawi̧ yöbawina Elíasmine ji̧nadaena—yöba̧lakwawijadötö. Ja̧danö, ju'wedöma yöba̧lakwawijadötö: —Jo̧bamaökö. Bite Jesúsma jelo̧ damötjö Dios yöawi̧ yöbawina ji̧nadaena— yöba̧lakwawijadötö.

Lucas 24:19

Yöa̧liökwe: —¿Diya̧ jawa? Yöbawitjö— jö̧ba̧lö atadinobe Jesúsma. Abebö a̧ja̧kwawö̧ yötjawinobe: —Jesús Nazaret jojonö baledina yöda̧lakwawobe. Jo̧ba Jesúsma Dios yöawi̧ yöbawo̧ juluwo̧ ö̧jinobe. Yöbawöbi otiwanö ujulunö yöawinobe, ja̧danö jojodö edajitjökö juluwi̧ jawabi i̧sebinobe. Isabenö Diosbi edemi, ja̧danö jojodöbi tjedemi jo̧ba Jesúsma Dios yöawi̧ yöbawo̧ juluwo̧inobe.

Juan 1:25

Abebö tja̧ja̧kwinobe: —Jo̧kwatjö̧ma ¿tajawedö jojodönö ojwenö kwubu̧datobeda? Ökwöma Dios weinökwebö̧kö̧ja, jojodö tjö̧jibinö kwotidobö. Ja̧danö, Elías yemidanö tjebachajinö̧kö̧ja. Ja̧danö, Dios yöawi̧ yöawakwo̧ jö̧a̧linö̧kö̧kweja. Jo̧kwatjö̧ma ¿tajawedö jojodönö ojwenö kwubu̧datobeda?— abebö tja̧ja̧kwinobe.

Lucas 13:33

Tupakwö yöawinobe Jesúsma: —Herodes ötjönö kwabö loobö jö̧a̧lijayonö, yayonö babe mölebi, itekwayibi, ikena mölebi tjo̧'omanö Jerusalénbe kwebachö chi̧'yobö jo̧be, ja̧danö jobe chichibakwa̧ abönö ötjönö kwabö lotjoböma jwiakobe. Baikwö yötawa: Dios yöawi̧ yöbawadönö kwabö loawemima, sule Jerusalénda, jo̧kwajabetjö̧ jobe dichibakwa̧ abönö isabenö ötjönö kwabö lotjökakobe— jö̧ba̧lö yöa̧linobe.

Lucas 7:39

Jejenö baledobe edö, Jesúsnö a̧debajo̧ Simón mikwo̧ma omukwatinobe itedada, Jesúsma isabenö Dios yöawi̧ yöbawo̧ ö̧jitjö̧ma, bisunö öwaiso jö̧a̧lajena, jwiinö sulabenö ja̧buju jö̧ba̧lö, ja̧danö yöne jichibobö weoko jö̧a̧lajabe, jö̧ba̧lö omukwatinobe fariseo jojo Simónma.

Mateo 21:10

Jesús Jerusalén comunidadbe ichibenama, okobe deinö jojodöma labinö ökwödö labeibö jalachaibö abebö tja̧ja̧kwinobe: —¿Itema tida?— jö̧ba̧lö.

Mateo 21:26

Jo̧kwaijayonö jojodöda wetjinökwe jö̧ba̧lö dataditjö̧ma, jojodö a̧ja̧kwö tjölabena, tjedemi Juanma Dios yöawi̧ yöbawina jö̧ba̧lö tjomukwatobetjö̧— jö̧ba̧lö.

Mateo 21:46

Jo̧kwajabetjö̧ Jesúsnö öpöjödö jo̧banö do̧tjatobö tjösödinobe, jo̧kwaijayonö jojodö Jesúsnö, Dios yöawi̧ yöbawo̧, jö̧ba̧lö Jesúsnö tjösödiawö̧, jojodönö yebabinö Jesúsnö do̧tjatinokobe.