Mateo 20:2 - Dios Iwene

² Tjotidakwedönö badekwajo̧, jobadökwö yöba̧lakwawö ujuninobe imidakwa̧, bakwöta möle tjimidajiyadanö imidobö, ja̧danö ikenama jobadönö weinobe ubasayu tjotidobö.

Mateo 20:2 Referans Kwoze

Apocalipsis 6:6

Ikenama iwene ökwöi̧ cha̧ja̧kwijatö, tjöbajalebiya a̧tja̧bayedöda ju̧kwawö̧ tjuju̧kwemi ö'wejetjö ökwöobe. Biya̧ iwene ökwöi̧ cha̧ja̧kwijatö: —A̧wi̧chö̧lö̧ji̧ baledakobe. Baledena kwakwawama 'dö̧ibajakobe okobe deinö jojodö tjukwoböma. Ja̧danö, kwakwawa nöinöma jwiobetjö̧, nöinö mikwawakobe. Bakwöta möle otikwa jawabi emawökakobe, nöinö mikwawobetjö̧. Harina de trigo bakwöta kilobi emawökakobe. Ja̧danö, sebana wa̧pötakwa kilobi emawökakobe, bakwöta möle otikwa jawanöma. Jejenö ji̧jayonö o̧tebi, ubasobubi, jwiinö baibanöma ja̧köbaduwoko, jö̧ba̧lö— jejenö ökwöi̧ cha̧ja̧kwijatö.

2 Timoteo 3:15

ja̧danö ju'wibi Dios iwene kwöwaisa, ina tjemu kwö̧jayi ökwönö tjöba̧ja̧dinobetjö̧. Ja̧danö, jejenö kwöwaisobetjö̧ 'diinö do̧ba̧lö kwösödobö jo̧be, chösödi̧ wenema isabenö wene jö̧ba̧lö. Jau Timoteo, ökwönö tjöba̧ja̧dina jawa Dios iwene jawama, waisanö kwomukwatobö ba̧ja̧dakwawa jawa tjöba̧ja̧dinobe, ¿jö̧tö? Ja̧danö, waisanö kwomukwatobö tjöba̧ja̧dinama, otiwa jawa wene waisanö kwomukwatobö pjaatinobe, Cristo Jesúsnö ösödö kwö̧jibobö, ¿jö̧tö? Jau Timoteo, jejenö waisanö kwomukwatobö pjaatinobe tjöba̧ja̧dinama, jo̧kwajabetjö̧ ja̧ laebi̧ kwöwaisachibinobetjö̧ isabenö wene 'diinö do̧ba̧lö kwö̧jobö jo̧be.

Lucas 10:35

Jemi ikena möle, jo̧ba samaritano jojoma, abajitjeju otido̧nö baladasapi̧ döpi̧lataja imidinobe, jojonö ite'ada̧lobö, ja̧danö jo̧banö yöa̧linobe: Ötjöma tjo̧wi̧ chi̧'ya. Bipi̧ döpi̧lataja chiyakwö, bite jojonö otiwanö kwite'ada̧lobö. Otiwanö te'ada̧linö. Ja̧danö jo̧banö kwite'ada̧lenama chiyaja̧ balada 'dö̧ibajitjö̧ma, yemidanö chichena chimidocha, jö̧ba̧lö yöawinobe samaritano jojoma— jö̧ba̧lö wanedö yöawinobe.

Lucas 1:15

kwitji̧ma isabenö Dios öba a'otjö juluwo̧ ö̧jakobetjö̧. Ja̧danö, kwitji̧ma Dios wei̧da ja̧bö ö̧jakobetjö̧, la'akatjöda ubasobu o̧'dobubi, ju'wi nio ojwiyobi owöbi owökakwo̧. Ja̧danö ojo'do jukwa'wo okwa ina a̧jayi, Dios O̧'wo̧ Luwo̧ma jo̧bakwö ö̧jakobe.

Mateo 22:19

Baladasapi̧, impuesto jawasapi̧ i̧sebitjö— jö̧ba̧lö atadinobe. Jejenö atadawö̧, baladasapi̧ tjichejebinobe,

Mateo 20:13

Jejenö yötja̧lökwe batjo luwo̧ma jobadönö atadinobe: Ökwödönö sulabenöma chimidokobe chömöledö. Jo̧da yöba̧lakwawö dujunatö, ¿jö̧tö? bakwöta möle otikwa tjimidajiyadanö chimidobö, ¿jö̧tö? Ja̧danö yöbawö chujunaja̧danö otiwanö chimidajabe.

Mateo 18:28

Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

1 Reyes 18:12

Jejenö yötawoböma yetabi chuluwo, baikwö yöta̧la, Acabnö yöbawö chi̧'yaja̧ okobe, Isabenö Jo̧ o̧'wo luwo̧ma jelobekwö ökwönö öibakwo̧, wajwitobekwö. Ja̧danö, Acabnö yötawaja̧ okobe, ökwönö öbadekwajökötjö̧ma, –Omöna yöba̧lo̧ja, –jö̧ba̧lö ötjönö kwabö loakwo̧ Acabma. Jobekwö suli̧ kwöwaedokotjö chuluwo̧ Elias, ötjöma Isabenö Jo̧nö yebabinö ösödo̧chobetjö̧. Jau Elias, tjemubayo̧ chö̧jinemi baikwöma, bakwelöjatebö Diosnö ösödo̧sa, Acab ötjönö kwabö loobö kwisakwoko chuluwo̧.

1 Samuel 3:21

Ja̧danö jemi tupakwöbi jobe Silo comunidadnö Isabenö Jo̧ma Samuelnö öwawachiainobe, ja̧danö iteda yöawi̧ Samuelnö yöbawiainobe, ja̧danö Dios yöawaja̧ma, Samuelma tupakwö okobe deinö israel jojodönö yöbawiainobe.

1 Samuel 3:1

Ina tjemu ö̧jayi, Samuelma, Eli ömöayo̧danö ja̧nö Isabenö Jo̧ Dios wei̧ otidö ö̧jinobe. Ja̧danö, ja̧ mölȩma Isabenö Jo̧ma iteda yöawi̧ yöbawiainokobe nöinöma, ja̧danö jojodö tji̧'wi̧didanö tjedoböma webiainokobe nöinöma.

1 Samuel 2:26

Ja̧danö, Samuelma otiwanö öda̧peachinobe, ja̧danö Isabenö Jo̧ öba a'otjöbi, jojodö tjöba a'otjöbi otiwanö ja̧bö ö̧jiawö, Diosbi jojodöbi Samuelnö tjösödinobe, otiwanö ja̧bö jo̧ jö̧ba̧lö.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.

Mateo 9:37

Jobadönö edö, iteda öba̧ja̧di̧ waisachadönö wanedö yöawinobe: —Batjonö wa̧ji̧ma isabenö nöa, emö tjotidobö, jo̧kwaijayonö wa̧ji̧ emö otidadöma ja'yubeda tjuju̧kwobe.

Mateo 20:1

Tupakwö yöawinobe Jesúsma: —Baikwö wanedö yötawa Dios la'aka luwo̧ ö̧jakwa̧ jawa: Bakwo̧ uba batjo luwo̧ ö̧jinobe, ja̧danö jo̧bama tjotidakwedönö yȩayi isakwinobe, ja̧ möle öbatjo tjotidobö.

Mateo 20:3

Jemi ikenama, yȩayi möle ja'ö, las nueve jenanö yemidanö labeibö, emawejutjö ju'wedö otidöködönö edinobe.

Marcos 12:15

Jejenö abebö tja̧ja̧kwena Jesúsma jobadö tjomukwati̧ waisijetö, Bidöma aekwa abebö tja̧ja̧kwemi ju'wida tjo̧'wo̧ sulinö edö abebö a̧ja̧kwadö, jö̧ba̧lö. Jejenö abebö tja̧ja̧kwökwe jö̧ba̧lijetö: —¿Tajawedö jelobenö yöba̧lö kwo̧'wo̧duwi sulinö omukwatö abebö kwa̧ja̧kwaduwobeda ötjönöma?—abebö a̧ja̧kwijetö—. Baladapi̧ i̧sebaduwitjö chedo— jö̧ba̧lijetö.

Lucas 20:24

—Baladasapi̧, impuesto jawasapi̧ i̧sebitjö— jö̧ba̧lö. Tji̧sebiökwe abebö a̧ja̧kwinobe: —Bipi̧ma, ¿ti öba ba̧pi̧da, ja̧danö ti imi laebapi̧da?— jö̧ba̧lö abebö a̧ja̧kwinobe. Aebawö̧: —Roma jojodötjö inesö la'aka luwo̧ César öba ba̧pi̧, ja̧danö jo̧ba imi laebapi̧— jö̧ba̧lö tjatadinobe.

Mateo 20:9

Weajökwe, otidajadönö imidabinobe, ja̧danö yi̧benakwö las cinco jamatö otidajadönö, bakwöta horada tjotidijayonö, bakwöta möle baledibanö otikwa tjimidajiyadanö okobe jwiinö imidinobe.