Biblia Todo Logo
Bib sou entènèt

- Piblisite -




Mateo 20:14 - Dios Iwene

14 Jo̧kwajabetjö̧ kwiteaduwi̧ balada emö kwȩwa̧jaduwo chömöledö. Ötjöda jobadö ikena otidajadönö ökwödönö chimidaja̧danö chimidobö omukwatö chujunajabe.

Gade chapit la Kopi




Mateo 20:14
13 Referans Kwoze  

Chabe'do, ökwöma chujulu iyö böjȩ jojodönö webo̧ batibanö pjakatinobetjö̧, jejenö ateba, ötjö jwiinö chotiwi̧ma kwi̧sebo, jö̧ba̧lö. Chabe'do, ökwöma chujulu iyö pjakatobetjö̧ böjȩ jojodötjö kwiyinawö̧nö tjö̧jibinö pjatatobö jo̧be, ba̧kwȩlö̧jatebö ja̧kwawa tjujuna̧lobö.


Yöa̧liökwe abe'doma atadinobe: Chitji̧, ökwöma ba̧kwȩlö̧jatebö ötjökwö jo̧ja, ja̧danö okobe jwiinö ötjö chiteama, ökwöda kwiteaobe, kwösödena pjiesta kwukwobö.


Jau chömöledö, döwaisa, Diosma Moisésnö weinobe, iwȩyudobö, jojodö ja̧bö tjö̧jo jö̧ba̧lö wei̧ma. Ja̧danö, ja̧ weinama, Israel jojodönö weinobe, okobe jwiinö ja̧bö tjö̧jo jö̧ba̧lö. Jo̧kwaijayonö, okobe jwiinö ja̧bö tjö̧jo jö̧tja̧lijayonö, ja̧tjinokobe, yelösöda waekwinobe. Jau chömöledö, böjȩ jojodöma okobe jwiinö Dios weina ja̧bö jö̧ködö, bakwo̧bi deobe ja'yubebi junibökönö ja̧bo̧ma. Jau chömöledö, bakwo̧bi deobe, okobe jwiinö Dios weina waekwökönö ja̧bo̧ma. Ja̧danö, Dios weina Moisés iwȩyudinama suli̧ jwibadö badiboböma pjaatokobe chömöledö, okobe jwiinö ja̧bö dö̧jokobetjö̧. Jau chömöledö, Moisés iwȩyudinama sule sulabe dujuna̧li̧ weneda yöawobe. Ja̧danö, Dios lȩebenama, okobe deinö ökwödö böjȩ jojodöma atadakwawa jwidakwedösa, lȩkeboko yöda̧lo jö̧ba̧lö.


Ja̧maökö chömöledö, okobe deinö böjȩ jojodö jö̧tja̧li̧ waekwijayonö, Diosda kabatökönö jö̧a̧li̧danö ja̧bo̧ma chömöledö. Dios iwene wȩyudinama, biya̧ wene iwȩyudinobe, Diosnö iwȩyudenama. Baikwö iwȩyudinobe: Dios, ökwö yöka̧lenama, otiwanö öwawachibakobe, jweinöda yöba̧lo̧ja jö̧ba̧lö. Ja̧danö, lȩekwa luwedö tjöba a'otjö yöka̧lenama, lȩekwa luwedöbi yötjawakwedö, Bitema isabenö jweinö yöba̧lo̧, jö̧ba̧lö, jö̧ba̧lö iwȩyudinobe.


Tupakwö yöawinobe Jesúsma: —Ja̧danö, Diosnö omukwatö kwökönö ö̧tö̧chö kwö̧jaduwenama, dötölatajanö omukwatadö ja̧tji̧danöma ja̧köbaduwa. Jobadöma o̧'wo̧ tjo̧achö tjöba dichawökönö, kamijido̧ sulabado̧ 'dutjawobe, okobe deinö edadö ö̧tö̧chö tjö̧ji̧ edö, Aaa, bidöma otiwanö Diosnö omukwatö ö̧tö̧chö ju̧kwadö, jö̧ba̧lö tjomukwatakobetjö̧. Isabenö yötawaduwakwö chömöledö: Jobadöma ida̧ökö okobe jwiinö ö̧tö̧chö tjö̧ji̧ mikwa emajadö jojodötjö chömöledö, Diosma jobadönö iyökakobe.


Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.


Jo̧kwajabetjö̧, jwibadönö kwiyaduwenama, sulabenö dötölajatanö omukwatadö ja̧tji̧danöma ja̧köbaduwa. Jobadöma jwibadönö tjiyakwa̧ abönö, tjiyakwa̧ yöbawadö, judío jojodö ba̧nö tja̧ja̧kwa̧lakwawejubiyatjöbi, comunidad ö'wejetjöbi, okobe deinö tjiyi̧ edö, Aaa, bidöma otiwanö jwibadönö iyö pjabatadö, jö̧ba̧lö tjomukwatobö. Isabenö yötawaduwakwö chömöledö: Tjiyaja̧ mikwa baibanöma iyökakwo̧ Diosma, otiwanö iyadöja jö̧ba̧löma, ida̧ökö okobe jwiinö tjiyaja̧ mikwa tjeminobetjö̧.


Ja̧danö, tebatajo̧, Jonadabnö yöa̧linobe: —Ötjökwö kwicho, ja̧danö kwedakwo̧ja, Isabenö Jo̧ wei̧ cha̧ja̧kwobö isabenö ösödo̧sa, —jö̧ba̧lö. Ja̧danö, Jonadabma bakobe Jehukwö kolukanö i̧'yinobe Samaria comunidadbe.


Aebökwe Abrahamma atadinobe: Chitji̧, ina böjȩnö kwö̧jayi kwö̧jina omukwatibi. Jenama, ökwöma otiwa jawa kwujuna̧lonö, bite Lázaroma usula emawö suli̧ jawada ujuna̧linobe, ¿jö̧tö? Babema ötjökwö o̧'wo̧ ösöwanö ö̧jonö, ökwöma usula emawö jo̧ja.


Jejenö yötja̧lökwe batjo luwo̧ma jobadönö atadinobe: Ökwödönö sulabenöma chimidokobe chömöledö. Jo̧da yöba̧lakwawö dujunatö, ¿jö̧tö? bakwöta möle otikwa tjimidajiyadanö chimidobö, ¿jö̧tö? Ja̧danö yöbawö chujunaja̧danö otiwanö chimidajabe.


Jejenö omukwatö chujunoböma ¿suliji̧? Sulökö chömöledö. Ötjöda chitea baladaobetjö̧, ötjöda omukwatö chujuni̧danö chimidobö jo̧be. Ötjöma jobadönö otiwanö chiyobetjö̧, ¿kwo̧'wo̧ sulinö kwedaduwobeji̧? jö̧ba̧lö atadinobe batjo la'aka luwo̧ma.


Swiv nou:

Piblisite


Piblisite