Mateo 2:6 - Dios Iwene

⁶ Judea niji comunidad Belenma, ja'yuwemijayonö, ju'wi Judea niji comunidadteniatjö nijakwönönöma mikwawokobe Belenma, isabenö mikwawemi, jobetjö la'aka luwo̧ ichakobetjö̧, ja̧danö jo̧bama chömöledö Israel jojodönö ite'ada̧lakobe, jö̧ba̧lö iwȩyudinobe—.

Mateo 2:6 Referans Kwoze

Juan 7:42

Jejenö laebokobe Dios iwenetjöma. Jweinö yöawobe, Dios weakwo̧ma Davidtjö tupadanö jojo, jö̧ba̧lö. Jo̧kwaobetjö David itebo, Beléntjöda ichakwo̧, Dios weakwo̧ma— jö̧tja̧linobe ju'wedöma, Jesúsma Dios weiökökwe, jö̧ba̧lö.

Génesis 49:10

Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

Apocalipsis 11:15

Jemi ikena trompeta pjubo̧, jelemutjö domulatajasanu pjubo̧ baibanö pjubo̧ pjuenama mölejȩbetjö labinö tjiwene yötja̧li̧ cha̧ja̧kwijatö, biya̧ tjiwenenö ökwöi̧: —Tjo̧wi̧ta. Böjȩma Duluwo̧ Dios La'aka Luwo̧ ö̧jena badekwachajabe. Ja̧danö, Dios weinökwe, jojodö tjö̧jibinö pjaatobö weinökwe La'aka Luwo̧ ö̧jenanö badekwachajabe. Jobadöma ba̧kwȩlö̧jatebö webö tjö̧jakwedö— jö̧ba̧lö, ökwöi̧ cha̧ja̧kwijatö.

Mateo 28:18

Ikenama Jesúsma jobadö tjö̧jobekwö ichö yöawinobe: —Mölejȩtjöbi, böjȩtjöbi okobe deinö la'aka tjuluwo̧ batibanö ja̧ajabe Diosma,

Isaías 40:11

Jo̧ba Diosma iteda ömöledönö otiwanö iteada̧lakwo̧, obejadönö teada̧lo̧ iteda ajwimunö iteada̧li̧danö. Obejadö tji̧tji̧munö emö, apjö̧alö e'ewobedanö, ja̧danö ajwi̧mu metu'wo ja̧dönö dösölö̧jinö öibi̧danö otiwanö iteada̧lakwo̧ Diosma, iteda ömöledö Juda jojodönö.

Apocalipsis 2:27

Ökwödö tjuluwedö bakibaduwakwedöma, labinö webö kwö̧jaduwakwedöja, kwöpöjojodöduwinö le jwiinö söbebö lobö. Wanedö yötawa: Dȩja̧'do̧, letiyatjö otikwa'do̧, 'dii̧ jawatjö kwabö 'dabebö lotji̧danö ökwödöma söbebö loköbaduwakobe kwöpöjojodöduwinöma. Ja̧danö, chömöledö, Chabe'do ötjönö, inesö la'aka luwo̧ batibanö kabebö ujuninadanö kabebö chujunakwo̧sa ökwödönöma, la'aka luwedö bakibaduwanö.

2 Samuel 5:2

Isabenö ökwöda duluwo̧ kwö̧jobö jo̧be David, baikwö yöda̧la: Damötjö Saulmine duluwo̧ ö̧jayi, ökwöda ökwödötjö ölakwabikwawa jojodönö ökibijatö, döpöjojodönö dujuluwobö. Ja̧danö ökwönöda yöbawö ujuninobe Isabenö Jo̧ma, –Chömöledö israel jojodönö öbibö kwiteada̧lakwo̧ja, ja̧danö la'aka tjuluwo̧ kwö̧bakwo̧ja, –jö̧ba̧lö ökwönöda yöbawö ujuninobe. Jo̧kwajabetjö̧ isabenö inesö la'aka duluwo̧ kwö̧jobö jo̧be, —jö̧ba̧lö Davidnö yötja̧linobe.

Colosenses 1:18

Ja̧danö, jo̧banö ösödadö iteda iteba'o babibinadötjö uudanö jo̧ la'aka luwo̧ma Cristoda, jo̧bada iteda ömöledönö ja̧kwawa iyo̧ma, woawatjö tjetjachajakwedötjö jo̧bada woawatjö ajayinö tjebachajinama. Jejenö jo̧be chömöledö, jo̧bada inesö la'aka luwo̧ ö̧jo jö̧ba̧lö.

Mateo 2:1

Jesús ojo'do Judea niji comunidad Belentjö Jesúsnö jemenama, Herodes mikwo̧ la'aka luwo̧ ö̧jinobe. Ja̧danö, jawo̧ laebobekwötjö, ju'wedö waisadöma tjichinobe, ja̧danö ichajadö Jerusalén comunidadnö ichibö abebö tja̧ja̧kwinobe:

Efesios 1:22

Ja̧danö, Diosma kabebö wanijetö Jesúsnöma okobe jwiinö Jesúsda weobö, böjȩ jawabi, böjȩnö ju̧kwadönöbi, mölejȩ jawabi mölejȩnö ju̧kwadönöbi. Ja̧danö Jesúsnö kabebö wanijetö Diosma, jo̧banö ösödadö tjuluwo̧ baibanö.

1 Crónicas 5:2

Abönö pöe jawa Judanö baledinobedanö ichejekwena, Judasasoda jelesotjö bajalekwönönö juluwaso baibinobetjö̧, ja̧danö israel jojodötjö inesö la'aka luwo̧ma, Judasaso jojodaobetjö̧. Jo̧kwaijayonö, Israel itji̧ abönö pöe jawama, Judanö baledinokobe, Josenöda baledinobe abönö pöe jawama.

Juan 21:16

Ikenama Jesúsma yemidanö abebö a̧ja̧kwinobe Pedronö: —Simón, Juan itji̧, ¿ökwöma jwiinö ile nikebiji̧ ötjönöma?— abebö a̧ja̧kwiökwe: —Jau chuluwo̧. Kwöwaisa. Ökwönö ile nibebo̧sa— atadiökwe: —Jo̧kwaobetjö̧ kwite'ada̧lo ötjö cha̧jwi̧mu o̧bȩja̧dönö— weinobe Jesúsma Pedronö, yemidanö wanedö yöbawö.

Apocalipsis 7:17

Ja̧danö, Obeja Itji̧danö Jo̧ma otiwanö ite'ada̧lobetjö̧ inia tjötjinö baledököwö̧. Ja̧danö, jobadönö otiwanö öbibö 'yo̧ ojwese'do jo̧bekwö, ba̧kwȩlö̧jatebö ja̧kwawa okwe'dokwö. Ja̧danö, jobadöma belöma budekwabinö tjuju̧kwinajayonö, tjo̧wi̧, babema budekwaböködö. Otiwanö ju̧kwadö, Diosma pjaatinobetjö̧— damö la'aka luwedötjö bakwo̧ma jö̧a̧lijatö ötjönöma.

1 Crónicas 2:51

Belen comunidad otidina Salma mikwo̧bi, Bet Gader comunidad otidina Jaref mikwo̧bi.