Mateo 2:22 - Dios Iwene

²² Jo̧kwaijayonö yemidanö Judea nijibema tjetjachajinokobe, tja̧ja̧kwinobetjö̧, Herodesmine itji̧ Arquelaoma Judea niji la'aka luwo̧ jo̧ jö̧ba̧lö. Jejenö a̧ja̧kwö, José yeabinobe, ja̧danö Diosma i̧'wi̧dinö jelobe i̧'yobö yöawobetjö̧, Galilea nijibe tji̧'yinobe.

Mateo 2:22 Referans Kwoze

Lucas 2:39

Ja̧danö Josébi, Maríabi okobe jwiinö Duluwo̧ weinasa'ye laebi̧danö ja̧tjinobe, ja̧danö ja̧bö kabatajadö, tjitebobe Galilea niji comunidad Nazaretbe tjȩwa̧jinobe.

Juan 7:52

Jejenö yöawiawö̧, Nicodemonö obö, öpöjödö jö̧tja̧linobe: —Nicodemo ¿ökwöbi Galilea jojoja?— obö jö̧tja̧linobe—. Jweinö edi Dios iwenema kwöwaisobö Galileabetjö ichokobe Dios yöawi̧ yöbawo̧ma— jö̧tja̧linobe.

Mateo 3:13

Jemi ikenama, Jesúsma Galilea nijitjö ichinobe, Jordán ojwebe, ja̧danö Juannö aebinobe, jo̧banöbi ojwenö ubu̧datobö.

Mateo 2:19

Herodes ö'wö baibaja̧ ikenama, Duluwo̧ weökwe ángelma Egyptonö jo̧ Josénö öwawachinobe i̧'wi̧dinö, ja̧danö weinobe:

Mateo 1:20

Jobekwö omukwatö ö̧jonö, Duluwo̧ weökwe ángelma jo̧banö yöawinobe, i̧'wi̧dinö: —David itji̧ tupadanö jojo José, yebabökönuwi. Maríanö kwemo, kwilekwo bajibanö. Jelo̧nö ja̧bö metu'woma jö̧kuju. Dios O̧'wo̧ Luwo̧ ujulunöda metu'wo ju̧ju.

Isaías 30:21

Isabenö otiwanö ökwödönö jweebakwo̧ chömöledö, baikwö yöta̧la: Kwölakwiyuduwinö ökömakwötjö kwa̧ja̧kwaduwakwedöja, —'Ya̧kwawa manama, bimada, bimanö kwekachaduwo, —jö̧ba̧lö. Jau, kwöwaisaduwakwöchobe jalachö kwi̧'yaduwobö jȩnabi, wajwiköbaduwakwöchobe jalachö kwi̧'yaduwobö jȩnabi, otiwanö jweebakwo̧.

1 Samuel 16:2

Yöa̧lökwe, Samuel atadinobe, —Yetabi, jejenö omudawö kwujunajökwenö o̧te tobebö chi̧'yitjö̧ma, Saulma a̧ja̧kwena, ja̧danö a̧ja̧kwö, ötjönö kwabö loena, —jö̧ba̧lö. Atadökwe, Isabenö Jo̧ma yöa̧linobe, —Baikwö ja̧bi, o̧te tobebö kwi̧'yi̧ wene Saul öwaisachibapji jö̧ba̧lö. Pakayasujunö la'akatjöda metu'wo jö̧kujunö öbibö kwi̧'yo Belentjö kwabö juwö kwiyobö, ja̧danö yökawo, –Baikwö chichajabe, belö kwabö juwö Isabenö Jo̧nö chiyobö, –jö̧ba̧lö.

Mateo 2:1

Jesús ojo'do Judea niji comunidad Belentjö Jesúsnö jemenama, Herodes mikwo̧ la'aka luwo̧ ö̧jinobe. Ja̧danö, jawo̧ laebobekwötjö, ju'wedö waisadöma tjichinobe, ja̧danö ichajadö Jerusalén comunidadnö ichibö abebö tja̧ja̧kwinobe:

Mateo 2:21

Jejenö weökwe, Joséma a̧laibö tjemunöbi, ojo'donöbi öbibö Israel nijibe tjȩwa̧jinobe.